#جواهر_محطمة
#للكاتب _ محمد_ ابو جود
#البارت_الثانيشايف مِن تجيلَك رُوحي مَدري شلون ؟
مرعوبة تِجي والشُوك بهذلها
مِثل العاشگه تطُب مگبره بنُص ليّل
تايه شورها وضايع گبر خِلها .جواهر : لا بابا لااااا فدوة كلشي و لا مدرستي كلشي اسوي والله لاااا فدووة عوفهن ،،، ضليت ابجي و اصرخ و اتوسل بي لكت اتفاجئت من شفت امل اجت و بيدها ملابسي مال المدرسة و شمرتهن فوك الجنطة
جواهر : لا امل فدوة عوفو مدرستي والله كلشي اسوي بس عوفو مدرست.... قاطع كلامي ضوء النار و هوا ينور ضلام الليل الطاغي درت وجهي شفت كتبي و ملابسي تحترك حتى الدمع جمد بعيوني
ما اعرف شلون اعبر عن احساسي بوقتها كنت بانية احلامي بالدراسة كلت اطلع طبية و اتزوج دكتور و تكون حياتنا حلوة و اريد كل فترة اسافر لدولة مثل الفنانات و المشهورات
اريد اشتري كلشي بخاطري لكن تبقى احلام و مصيرنا نكعد للواقع و تختفي الاحلام كعدت بصف النار و اني صافنة عليهن
ابوية ما اهتز ولا شوية و عافنا و طلع برة البيت اجتني امي
ام جواهر : كومي يمة الج الله
جواهر : صرخت صرخة رجيت البيت و كلت ابتعدي مني ترى انتي حرام محسوبة ع الامهاااااات دمرووني و انتي تباوعييييييييين
امل : و وجع صوتج لا تنسين احنة برة تردين تفضحينة ولو ماكو عتب على وحدة كح.....
جواهر : لج بنت الكلب ... و ركضت بحركة گلب على امل جريتها من راسها و ركعتها بالحايط و هية جرتني من شعري و اني ايد اجر بشعرها و ايد على ركبتهة خنكتهة
و هية ايد بشعري و ايد على ايدي تريد توخرهة من ركبتهة و اثنينة نصرخ بعلو صوتنة و احنة برة يعني الشارع كلة سمع صريخنة و امي تريد تفاككنة ما تكدر
اني من النار المشتعلة بية عفت شعرها و كمشتها بثنين ادية من ركبتها و دفعتها ع الحايط خانكتها و هية ضل صوتها ينصى و تصيح اخ اختنكت اااه امي تريد توخرني ما تكدر
اندكت الباب امي ركضت فتحت طلعن نسوان من المنطقة سامعات الصريخ و جايات من شافني اجني ركض و بالكوة وخرني من امل
و هية وكعت بالكاع بالكوة تتنفس عفتهم كلهم و صعدت لغرفتي ضليت اكل بروحي اكل رحت للكنتور مالتي دورت بي ما لكيت ولا شغلة من ملابس المدرسة
كعدت بالكاع و شبعت بجي ضليت الطم على خدودي حيل و اصرخ كمت شكو شي كدامي اشيلة و اركعة بالكاع
جواهر : الله لا يوفقكم عساكم تحتركون بنار جهنم يا انذااااااال الله يضركم بعافيتكم يا امل و يا ابوي عساكم بمرض ما معروفلة دواء بحق الزهراء
شكيت دشداشتي و ضليت اعيط بعلو صوتي فجأة انفتح دخل ابوية فوراً هجم علية و دك ضرب
ابو جواهر : ولج ساق.... تضربين امل اني اعلمج
![](https://img.wattpad.com/cover/272284595-288-k739817.jpg)