#جواهر_محطمة
#للكاتب _ محمد_ ابو جود
#البارت_الحادي_عشر
#من_هنا_بدأت_الرواية
صار عندي غلط ما منتبه عليه عندي شخصين سميتهم ياسر
ياسر ابن شيخ سرحان
و ياسر اخو سلام زوج ريحان بس هسة انتبهت لذالك ياسر ابن شيخ سرحان تغير اسمة الى (اياد ) صار اسمة ( اياد )
عريان يگول :
يا هنيّ و يا شوگ روحي
و يا عزيز و يا مزار
يطفح بچفي حنينيّ
و من حَنيني إعليك أغار
جواهر : رحنة اني و نهاد و ريحان نتمشى شربنة عصير و رجعنة نتمشى و انصدمت و اني اشوف ريحان دخلت لمحل البست نوم
جواهر : ريحان تعالي اني استحي ادخل لهيج محل
ريحان : تعاي لا امسح السوك بيج
نهاد : ولج تعاي هذا اللبس يا ما برد كلوب
جواهر : اشلون
نهاد : ههههه بس يزعل ابو الجهال اتغنجي الا يجيج زحوف
ريحان : هههههه انتي قويهة على اخوي
جواهر : دخلنا للمحل و يبوووووو حتى ما رفعت راسي بس مدنكة
ريحان : يلة حبي اختاري
جواهر : ما ادري اختاري انتي على ذوقج
ريحان : امممم اكول عيوني نزليلي هذا
جواهر : من ريحان حجت ويا البنية ام المحل رفعت راسي و انصدمت بال مختارتة ريحان لطمت على خدي و كلت عزاااا هذا المن
ريحان : هوا واحد من الاثنين لو لامي حتى تغري ابوية و يتصالحون لو الية البسة و اروح للنجف اكابل سلام
نهاد : ههههه عز بعينجن ولجن موتني
ريحان : يا حبيبتي غير الج
جواهر : لا عزا استحي البس هيج
ريحان : يا عيني انتي راح تلبسينة لزوجج
جواهر : والله استحي شوفي اشلون مشلتح المفضوح اكثر من المستور
نهاد : اوكي عوفيهة على راحتهة عروس بعدهة و حقهة تخجل شوفيلهة شي اطول من هذا
ريحان : امري لله خلي اشوفلج زين شنو رأيج بهذا
جواهر : باوعت عليه هم فضيحة باوعت لنهاد و كلت عود هذا مستور شنو
نهاد : ههههههه عزا العزااااج ولج هوا هيج موديلاتهن
ريحان : شوفي انتي لو اضل عليج نزفج بدشداشة لحسن فأكرميني بسكوتج خليني اني اختار
نهاد : لعد اختاري انتي و اني وياها طالعين للصالون كدامج
ريحان : ماشي روحو
جواهر : رحنة اني و نهاد للصالون من دخلنا الصالون بي بس بنات اثنين عاملات و مرة كاعد تحف نهاد غيرت ملابسهة و لبس برمودة و فالينة نص ردن و شغلت اغاني و بدات تنظف وجهي و انوب كومتني نركص و حتى العاملات و المرة الي كاعدة ضلن يركصن و اني اخذني الواهس وياهن و نهاد كل شوية تهلهل بقيت لليل بالصالون جهزتني نهاد رجعنة للبيت و ثاني يوم هم رحت لنهاد هم جهزتني و سوتلي شعري
