#جواهر_محطمة
#للكاتب _ محمد_ ابو جود
#البارت_السادس
-كون الليل عنده لسان
چا گلك خطيه فلان عذبته بتصاويرك
وچان گلك لگاله هواي بس ماحب أبد غيرك..
حسن : خلص موافق بس خطوبة اذا ما عجبتني افصخ
امل : اي هاهية موافقين راح اكول لابوها انتم تردونهة و انتي ام حسن بس اخابرج تعالي انتي و ريحان اخطبيها
ريحان : والله حرام عليكم شنو البنية لعبة ترحون تاخذونهة اذا ما عجبتكم تشمرونهة
امل : الله يخليج اسكتي ما صدكت على الله حسن يوافق
ريحان : العوض على الله ،،، عفتهم و رحت لابني
و عمتي امل راحت لبيتهم
جواهر : للعصر اندكت الباب ما اهتميت منو ضليت كاعدة بغرفتي اضرب صفنات اندكت باب غرفتي صحت تفضل دخلت امل
امل : حبيبتي جواهر تعالي عدنا خطار جوة
جواهر : شنو هاي ما جاي اصدك امل تحجي بأدب من اشوكت و بعدين منو الخطار
امل : ام حسن و اختة
جواهر : منو حسن
امل : ابن اخوية الي خطبج يلة عيب المرة كاعدة جوة،،، راحت امل
جواهر حجيت بيني وبين نفسي : والله ما اخلي هذا الزواج يتم و شوف شراح اسوي...
ريحان : كم يوم و امل خابرت امي و رحنة اني وياها و ابني شاهين حتى نشوف جواهر و نتفق وياهم وصلنة لبيتهم كعدنا ويا امل و ام جواهر و كانت ام جواهر حلو اسلوبهة بالكلام و معدلة و صاحبت واجب استغربت ليش ابو جواهر اتزوج عليها
ام حسن : شنو ما نشوف العروس
امل : ههه هسة اصيحهة
ريحان : راحت امل تصيح لجواهر و امي منطلقة بالسوالف ويا ام جواهر شوية و نزلت امل كالت هسة راح تنزل ربع ساعة و نزلت جواهر
جواهر : السلام عليكم
ريحان و ام حسن : و عليك......... سكتنة مصدومين بسبب الشي الي شفناهة
ريحان : نزلت بنية شعرهة هوسة و لبسهة مرعبل حيل و مكياجهة يموت ضحك الباودر تارسة وجهة ترس و الظاهر هية بيضة فالباودر مخرب وجهة و حاطة حمرة ملطخة وجهة كلة بيها لو الكحلة مجرورة من العين للأذن
باوعت لامي و امي معالم الصدمة كلها بوجهة و رجعت باوعت على امل و ام جواهر مصدومات اكثر من عدنا
ريحان : عمة وين العروس
جواهر : ضحكت بصوت عالي و خشن و صحت اني العرووووووسة هههههه
ريحان : انصدمت بصوتهة و ضحكتهة
ام حسن : البنية مخبلة امل ؟؟
