#جواهر_محطمة
#للكاتب _ محمد_ ابو جود
#البارت_الثامن
ومدري شبية هالفترة
بشر ما ينعرف آمره
الوادم ما تحب وتخون
وآنه أتعلق بنظرة !
ويسألوني شجاك ؟ شبيك ؟
بية الوادم الفقرة
بية المالگوا صحبان
بية الما خذوا عبرة
بية العاشگ المخيون
بية المنكسر ظَهرة ..
ريحان : ضلينا كاعدين اني و شاهين وحدنا يسولف و اني ما افتهم من عندا و لازم اضل اباوعلة و اكلة اي اذا ما كلت اي يزعل حبيبي شوية و اجة حسن
حسن : لعد وينهة امي
ريحان : جوة بغرفتهة
حسن : ابوج راح
ريحان : اي ابونة راح قبل شويا ،،، ما رد علية و راح لغرفة امي شوية و طلعو هوا و امي كمت سويت جاي و كعك و كعدنا ناكل و اوكل بشاهين و هوا خبص الدنيا علية بالاكل
حسن : يمة خابرتي عماتي
ام حسن : اي خابرتهن
حسن : اذا عدهن كرامة كليلهن لا يسلمن علية
ريحان : حسن والله عيب صارلك كم سنة ما تحجي وياهن ع الاقل بس بيوم العقد احجي وياهن عيب
حسن : نسيتي الي سوتة هاجر و اشلون عماتج صارن وياها ضدي
ريحان : هي هاجر مستهترة بس خطية عماتك اكثر من عشر مرات اعتذرن منك
حسن : ما عندي شي يربطني بيهن و لو مو امي و محمد ما اخليهن يوصلن عتبت الباب
ريحان : ضلينا ساكتين و حسن صعد بس الصراحة هوا حقة لان الي سونة هاجر و عماتي مو شوية
جواهر : يوم الخميس اجتني امي الصبح كعدتني
ام جواهر : يلة كومي نروح للسوك نجيب فستان الج للعقد و نجيب غراض محتاجين
جواهر : و حق ابو الفضل العباس اذا ما تعوفوني اكلب الدنيا عليكم و اخزيكم باجر كدام الناس معليج بية ملابس ما اريد اشتري
ام جواهر : يااا لعد شتلبسين باجر بالعقد
جواهر : معليكم بية عندي ملابس و البس
ام جواهر : يا يمة كومي ما يصير هيج تسوين
جواهر : يمة عوفوووونيييييييي
ام جواهر : و وجع لا تعلين صوتج صدك ما تستحين
جواهر : اي هاهية اني ما استحي شكو لازكين يمي ،،، طلعت امي من الغرفة و اني كمت طلعت ملابس البسهن باجر و الا اخزيكم يا بيت ابو جواهر بسيطة ضميت الي اريد البسهن جوة المخدة و طلعت فستان عندي لون ماروني البس بس كدام البنات بعدين ابدل نزلت جوة
امل : جواهر ليش ما تقبلين تشترين فستان للعقد
جواهر : امل لا تدخلين و خلي النفس طيبة كم يوم و طالعة لبيت زوجي لا تخليني و حق روح الحسين اطلع من هل بيت للسجن بتهمة قتلج
