Park Jihyun bechaini se hospital k hallway mai tehal rahe the. Unki nazre baar baar us band darwaze ki taraf mod rahi thi jaha unki biwi ko kuch der phele le jaya gaya. Operation theater.
Aaj se aath (8th) mahine phele unhe zindagi ki sabse badi khushi mili thi ye jaan k , k un dono ki rukhi si zindagi mai ek nanhe mehman ki aamd (entry) hone wali hai. Wo dono itne khush the k hospital se check up karne k fauran baad shopping par nikal khade hue. Or be hisab chizo ki shopping kar daali. Tab to wo ye bhi nhi jante the k aakhir ladki hogi ya ladka.
Mr. Park ne in pure mahino mai apni biwi ka pura khayal rakha. Kaam ka tension nhi tha kyuki wo khud hi owner the. Apne bharose mand shaks k haaton zimmedaari soap di thi taake puri tarike se wo tension free ho kar apni biwi or apne hone wale baby ka khayal rakh sake.
Upar wale ka diya sab kuch to tha bus kami thi to bus ek aulad ki jo shaadi k 5 saalon baad badi duaon or minnato se puri hone wali thi. Phir kaise na donob khush hote. Unhe aisa lagta tha k pura jaha unhe mil gaya ho.
Unhe intezar tha k kab unke is sunhe se ghar mai bache ki kilkariya gonje , kab us bache ki hasi ghar k har kone mai sunai de or kab wo dono uske piche pure ghar mai daude jab wo chalna shuru kare taake use pakad sake, wo raja raani ki khaaniya sunaye Or khaani sunte sunte wo sukoon ki wadiyo mai so jaye.
Jitne arman un dono k the unhe wo sab pure karne the par ye sab tab hoga jab unki biwi Or unka baby sahi salamat unke pass hoge. Kabhi aisa hota hai k, hum khuli aankho se sapne sajane lagte hai par phir kuch aisa ho jata hai k asal haqiqat mai un sapno ka dur dur tak ka koi wasta nhi hota.
Mr. Park k aankho k samne wo scene ab bhi nazar aa raha tha jaise wo abhi samne ho raha ho.
*some hours ago*
Raat ke 8 baj chuke the dono miya biwi dinner k liye niche jaa rahe the par...
"Are tum kaha ja rahi hu mai khud hi khana garam kar ke yahi le aata hu, tum fikar mat karo, mujhe puri tarike se habit ho gayi hai ab mai na koi nuksaan karuga Or na hi kitchen mai mess karuga ". Mr. Park ne unhe rokte hue kaha kyuki unki biwi khud bistar se uth kar niche jaa rahi thi or ye unhe gawara nhi tha.
Aakhir ka ek mahina reh gaya tha or Jihyun , Eun ko koi kaam nhi karne dete the kyuki unka manna tha k ab aakhir mai bus aaram hi karo kaam zindagi bhar hote rahege.
Mr. Park ki baat par Eun lambi saans bhar kar reh gayi wo janti thi k argument karke koi fayeda nhi.
"Thik hai, mai tumhara yahi intezar karti hu, par plz koi gad bad nhi karna". Unhe nakli gusse se ghur kar dekhte hue kaha.
"Ha baba ha, koi gadbad nhi karuga , Ok". Jihyun ne haste hue kaha or choti si peck apni wife ki cheek par de kar uth kadhe hue.
Kitchen phonch kar unhone khana garam kar liya. Ab wo to ache cook to the nahi Or Eun ko kaam karne ki permission thi nahi to unhone ek bharose mand buzurg aurat ko is zimmedaari par rakh liya tha, taake khana acha or healthy ban sake Or Eun ki pregnancy mai sab taakat dene wali chize Eun ko khila sake . Ab ek buzurg aurat se behtar kaun jan sakta hai k is waqt ek pregnant woman ko kya zaruri hai, wo buzurg aurat apna kaam khatam kar k apne bacho k pass laut jati thi or inki zimmedaari hoti k wo khana garam kar k parose.
Unhe achank living rooms se kuch aahat sunai di par unhone apne kaano ka dhoka samjh kar ignore kar diya or tray mai plates lagane lag gaye. Phir achanak zor se awaz aayi wo buri tarah ghabra kar living room phonche par unki lichi ( cat's name ) ko dekh kar unki jaan mai jaan aayi.
Lichi ne lamp gira diya tha or tod diya tha. Wo wapas kitchen ki taraf laut gaye socha k pura mess dinner k baad saaf kar lege. Par unhone ye nhi socha k ye awaz sun kar Eun ka kya reaction hoga.
Eun ne jab awaz suni to wo ghabra gayi or apne husband ko awaz dene lagi par room upstairs hone ki wajah se awaz niche nhi phonch payi. Unki tension badti gayi or unhone niche jane ka faisla kiya.
Wo apne bed se uth khadi hui apne belly par hath kar dheere dheere darwaze ki or badhi or doorknob open karke bahar aayi.
Hallway ki lights on thi. Wo tension mai stairs ki taraf gayi.
"Jihyun... Jihyun".
Jihyun ko tray uthate hue apni biwi ki awaz sunai di.
Wo tray utha kar kitchen k door ki taraf chal padhe.
" Jihyun kaha ho tum"...... Wo dheere se niche utarne lagi. Par achank niche step par per rakhte hi unka pair pisla Or wo chikh mar kar sidhiyo se niche girne lagi.
Eun ki chikh sun kar Jihyun k hath se tray gir gayi or wo tezi se living room ki taraf bhage.
Jaise hi living room phonche unhone Eun ko aakhri step par paya khoon se lat pat paya. Unke k sar se khoon beh raha tha or wo pet pakad kar dard k maare chilla rahi thi.
"Eunnnnnn ". Bhagte hue unke pass phonche Or unka sar apne lap par rakha. Unki aankho se aansoo jaari ho gaye.
" Aaaaaa.. Aaaaaa".wo dard se tadap rahi thi.
"Eun ghabrao nhi tum.. tumhe kuch nh... kuch nhi hoga.. hum abhi hospital jayege... tu.. tu... tum tension sa.. sab thik hoga.. sab thik hoga". Unhone badi mushkil se apne aap par control karte hue kaha.
" Eun mai... mai abhi aata hu... tum tension mat lo plz".
"Aaaaa Jihyun aaaaa plz muj.... mujhe b... buh....hat dard.. .. ho raha.. hai".
" Ha ha mai ,mai kuch karta hu".
Unhone jaldi se driver ko gaadi ready karne k liye bola or Eun ko le kar bahar chale gaye.
Unhone fauran gaadi ki pichli seat par Eun ko lita diya or unka sir apne gaud mai rakha. Jaldi se driver ko hospital chalne ka order diya or gaadi tezi se unke ghar k gate se nikal kar road par aa gayi.
"Aaaaa Ji... Jih...yun aaa.. mujhe... da.. dar... aaa... lag.. raha hai.". Eun dard se behal thi.
" Eun maine kaha na tum tension mat lo sab thik hoga. Kuch galat nhi hoga. Haa?". Jihyun khud ghabaraye hue the par apni biwi k liye wo zahir nhi kar rahe the.
Par Eun janti thi k wo bhi dare hue hai. "Jihyun agar mujhe kuch... ".
" KUCH NHI HOGA TUMHE " Jihyun ne unki baat cut kar k jaldi se kaha.
"Tum plz kuch negative mat socho. Sab acha hoga. Hum.... humne kitne sapne sajaye hai. Hume wo saare sapne pure karne hai".wo aakhir kar ro pade. Eun ko apni baho mai bhar kar sisakne lage or dil hi dil mai dua kar rahe the k sab thik ho.
" Jih.... hyun tum... tum mat ro. Par muj.. se wada ka.. karo k a.. agar.... muj... mujhe...... kuch.. ho jaye.... t... to... "..
" Eun plz aisa mat kaho ".unhone rote hue phir Eun ko apni baat puri karne se roka . " Mai kya karuga tumhare bager plz aisa mat kaho ".. Wo nahi chahte the aisa kuch sochna jaha unki biwi, jaha unki zindagi unke saath na ho.
"Jihyun.... plz muj... jhe.....khe.. ne do... tum wa.... da... karo k... tum humare.... bac..hche.. ka...... aaaaa.... dhyan....
... aa.... rak... khoge".wo dard sehte hue kehne ki koshish karne lagi.
"Mai janti... hu k.. tum... mere bina.. aaa. bole.... hi uska.. dhyan.. rakhoge.... mujhe... pata nhi... mai saa... saath.... rahogi... aaaaa... ya nhi.... par hum... aaaaa... humare... bache se kehna.... mai usse buh..hat... chahti hu"...
Ye keh kar dard se chillane lagi. Unka dard badhta hi jaa raha tha.
"Eun plz sab thik hoga. Tum khud usse ye kahugi mai kuch nhi janta tumhe hum dono k liye strong hona hoga. Ok? ".Mr. Park khud nhi samjh paa rahe the k wo Eun ko tasalli de rahe the ya khud ko. Bus wo chahte hai unki biwi Or bachcha dono sahi salamat rahe.....
A/n oh god phele hi chapter mai so much drama. Pata hai maine kya sochi thi or kya likhi hu. But dont worry pure story mai sadness nhi rahegi. Or ha plz agar kuch zyada hi cringy likhi hu to zarur batana mujhe.
Bye and take care... 💜💜💜
आप पढ़ रहे हैं
Mohabbat Hai Tumse { 𝙅𝙞𝙠𝙤𝙤𝙠 𝙃𝙞𝙣𝙙𝙞 }
Fanfiction"Bete kuch kaam khud bhi kar lene chahiye. Jao dekho kaun aaya hai, chalo utho shabash, jaldi". Mr. Park ne thoda butter lagate hue kaha to wo bhi jane kis mood mai tha k jo uth kar darwaza khulne chala gaya. Bahari bharkam darwaza khulte hi jis pa...
