Mr Jeon ne phone par sab kuch apni wife ko bataya wo sakte k alam mai aa gayi ( shock mai ) , Or rone lagi. Mr Jeon ne unhe dilasa diya or kaha k pareshan mat ho wo sab sambhal lege. Unhone phir apne chote bhai ko phone kar k hospital bulwa liya.
Apne bhai ko sab batane k baad wo apne bhai ko le kar doctor k room ki taraf chal pade. Knock kar k wo sidha andar chale gaye.
"Doctor sahab kya mai ab jihyun se mil sakta hu".unhe baithne se politely inkaar karte hue kaha jab doctor ne unhe baithne k liye kaha.
" chaliye mai aapko waha tak le jata hu". Doctor sahab apna coat or stethoscope utha kar cabin se bahar aa gaye, or Mr jihyun jis floor par admit the us floor par aa gaye.
Room ka darwaze k bahar buhat saare log nazar aaye sab andar jhank rahe the, or kuch nurses and ward boys andar bahar kar rahe the. Ye sab dekh kar doctor or Mr Jeon dono hi buri tarah pareshan hue, unke kadmo mai tezi aa gayi. Ek nurse jo bahar hi aa rahi thi jab doctor ko dekha to unki taraf badhi or bataya k aakhir hua kya hai.
"Doctor Mr Park abhi 5 minute phele hi hosh mai aaya hai. Nurse unhe check kar rahi thi, tabhi unhone fauran uth kar bhaagne ki koshish ki but nurse ne unhe rok liya or awaz de kar ward boys ko bula liya, hum abhi aap ko hi bulane aa rahe the". Nurse ne ek saans mai sab keh diya, or wo dono tezi se aage badh kar public ko side karte hue room mai dakhil ho gaye.
Mr Park ko ward boys ne pakda hua tha. "Chodo mujhe!. Mujhe jane do! Mujhe apni wife k pass jana hai". Wo yahi kehte jaa rahe the.
"Ruko sab log. Chod do unhe". Doctor ne saare nurses or ward boys ko waha se jane k liye kaha. Wo samjh gaye the Mr Jeon unhe akele hi sambhal lege.
Sab chale gaye to room mai sirf 4 log hi bach gaye. Mr Park ki nazar Mr Jeon par padi. Wo bed se utharne lage to Mr Jeon khud unke pass phonch kar unhe utarne se rok liya.
"Jong kook...tum yaha? Mai yaha is room mai kya kar raha hu? Waha eun akeli hogi. Mujhe uske pass jana chahiye, mujhe uske pass hona chahiye". Mr Park be dhyaani se puchne Or khene lage. Unka bus nhi chal raha tha k fauran yaha se ud kar eun k pass phonch jaye. Wo haqiqat ko faramosh kiye hue the.
" Jihyun....ruko.... Sambhalo khud ko. Hosh mai aao plz". Mr Jeon unke kandho ko pakad kar hilaya taake wo reality ko samjh Or accept kar sake.
"Jong kook mujhe eun k pass jana hai. Abhi plz mujhe jane do". Mr Park ne phir se wahi baat repeat ki.
Mr Jeon ne sar hilate hue mana kiya or Mr Park ka sar sine se laga liya. " Jihyun plz khud ko sambhalo. Mai janta hu ye waqt buhat kathin hai, buhat bura hai, par guzar jayega. Apne aziz ( dear ) jo humse dur chale jate hai unse bichadne ka dhuk buhat bada hota hai or eun to tumhari biwi thi jise tumne be had chaha,jo tumhari zindagi thi. Par abhi tumhe apne aap ko sambhalna hoga. Zindagi kisi k liye nhi rukti. Plz is baat ko accept karo warna eun ki rooh ko bhi taklif hogi". Mr Jeon samjhate samjhate khud bhi Mr Park k saath rone lag gaye. Mr Park chahe kitna hi kyu na is baat ko jhutlaye par haqiqat ko koi nahi badal sakta hai.
"Par Jong kook eun ne mujhse wada kiya tha wo..... Wo humesha mere saath rahegi....... Humare bache ko bada hote ,uski parwarish karte hue hume dekhna tha to..... to phir kyu aisa hua.... kyu hua.... " Wo phut phut kar rone lage. Unhone accept kar liya k eun ab is duniya mai nhi rahi, par ye asal haqiqat buhat hi taklif de rahi thi.
"Hausla rakho mere dost... Sab thik hoga... Mai janta hu ye dard khatam to nhi hoga par dheere dheere kam hoga, par is mai tumhe khud ki madad karni hogi. Plz meri baat mano jihyun". Unhone Mr Park ko khud se alag kar k unke aansoo saaf kiye. Is saari baato mai wo doctor ko wahi bhul gaye lekin doctor sahab phele hi waha se chale gaye the, in dono ko privacy dene k liye.
"Jong kook mujhe nhi lagta k ab mai jee paonga. Meri saari jeene ki wajah khatam ho gayi. Mai eun or mere bache k bager jeena nhi chahta". Mr Park ki aankhe phir se aansoo se labrez ( filled ) ho gayi.
Mr Jeon ne ek lambi saans li or kaha. " Jihyun tum akele nhi ho. Or tumare paas ab bhi jeene ki ek wajah hai. Bhabi ab tumhara saath dene k liye nhi rahi par, tum dono ki nishani wo tumhare pass chod kar gayi hai. Taake tum khud ko akela nhi samjho".
Mr Park kuch samjh nhi paye bus Mr Jeon ko dekhte rahe. " Mai tumhari baat samjha nhi". Unheno aakhir puch hi liya.
" Mere khayal se tumhe khabar milne k saath tum behosh ho gaye. Koi baat nhi. Jihyun mai ye khena chah raha hu k jo nishani bhabi ne tumhare liye chod kar gayi wo.... "
"Wo ye hai". Doctor sahab room mai enter hue unke haath mai mai ek buhat hi payara , nazuk sa bacha balnket mai lapeta hua tha. Doctor sahab unke baby ko khud lene k liye gaye or aate waqt unki kuch baate suni.
Mr Park phele bache ko phir doctor ko or phir apne dost ko dekhne lage. Wo samjh nhi paa rahe the k doctor sahab kya keh rahe hai. Wapas se unki nazare bache ki taraf gayi. Doctor sahab unke nazdik aaye or unhe bache ka chehra dikhaya. Mr Jeon ne bhi us bache k masum se chehre ko dekha.
Mr Park ab clearly us bache k chehre ko dekh paa rahe the, unhe usse apnahiyat si mehsus hone lagi. Par wo samjh nhi paa rahe the kyu. Unhe ye nhi pata tha k unka baby sahi salamat hai. Kuch der us k chehre ko gaur se dekhte hi unke aansoo jaari ho gaye. Kyuki wo pehchan gaye k 'YE BABY' unka or eun ka baby hai. Unke dost or doctor sahab jo nishani k baare mai keh rahe the wo ye bachcha hai. Unki jeene ki aakhiri wajah. Sahi kaha tha Mr Jeon ne k ye bachcha unke jeene ki wajah ban jayega. Eun k baad sab jagah unhe andhera sa lag raha tha but is chote se bachche ne unke chaaro Or ghire hue andhero mai ek choti si roshni ka kaam kiya. Jeene ki ummid jagayi. Wo Eun ko buhat chate hai. K unke baad jaisi zindagi khatam ho gayi. But is bachche ki wajah se unhe zindagi phir se shuru karne ka mauka mila. Unhone dusre logo ki tarah us bachche par ilzaam nhi lagaya. Wo purane khayalo k nhi the. Unhone khule dil se apne bache ko accept kiya.
"Ye... Ye mera bcha.... bachcha hai... " Mr Park ne atak atak kar pucha par wo khud jante the puchne ki zarurat nhi hai. Kyu k, wahi button nose , wahi safed si rangat, wahi cresent moon jaisi aankhe jo Mr Park ko buhat achi lagti thi Eun par. Pura chehra Eun ki khani suna raha tha.
"Ji Mr Park ye aap hi ka beta hai... Mr Park ye ghadi buhat kathin hai aapke liye or is bache k liye. Waqt ka likha koi nhi mita saka hai na badal saka hai koi. Ye upar wale ki marzi hai k wo apne pyare Or ache logo ko apne paas jaldi bula leta hai. Is liye plz aap dono ek dusre ka sahara ban kar zindagi mai aage badhte jaye. Ye asan to nhi hai par aap bache ki taraf dekhna to khud ba khud aapko zindagi jeene mai asan lagegi". Doctor ne unhe samjhate hue baby unke haath mai soanp diya.
Mr Park us bachche ki or dekhe jaa rahe the or Eun ki yaad dil mai kiye jaa rahe the. Ye such mai buhat mushkil hota hai jab aap aapne kisi apne ko khote hai to unhe bhulna na mumkin si baat hai. Par ye hum sab sikh jate hai waqt k saath. Jaise jaise waqt badta hai humare ghao or dukh dard ka marham ban jata hai. Usi waqt Mr Park ne tey kiya kuch bhi ho jaye wo apne bachche k liye jiyege Or waqt k is ghao ko bhulne ki koshish karege. Wo Eun ko nhi bus is dard ko bhulna chahte the. Kyuk unhe apne app k liye mazbut banna tha taake wo apne baby ka ache se khayal rakh sake.
Bus aaj k liye wo chahte the k unhe koi na roke...... Aaj, sirf aaj k din.... Wo jee bhar kar rona chate the....
I'm really sorry meri story buhat hi sad hoti jaa rahi hai. Jab ke maine kaha bhi tha k sad nhi hogi. Bus kuch chapters or phir change kar dugi. Mai khud last mai ro padi kyuki mujhe meri mummy ki yaad aane lagi. Mai unhe kho chuki hu to isliye is story k zariye yaad kar rahi thi. Any ways bye and take care.
आप पढ़ रहे हैं
Mohabbat Hai Tumse { 𝙅𝙞𝙠𝙤𝙤𝙠 𝙃𝙞𝙣𝙙𝙞 }
Fanfiction"Bete kuch kaam khud bhi kar lene chahiye. Jao dekho kaun aaya hai, chalo utho shabash, jaldi". Mr. Park ne thoda butter lagate hue kaha to wo bhi jane kis mood mai tha k jo uth kar darwaza khulne chala gaya. Bahari bharkam darwaza khulte hi jis pa...
