Dekhte hi dekhte pura hafta behan ke or bachcho ki aane ki khushi mai nikal gaya. Unke aane se phele hi sabke rooms or har tarah ki facility ki tayyari kar di taake unhe koi taklif na ho yaha settle hone mai, wo un sabse itne saal baad mil rahe the, to unki khushi dekhne layak thi.
Wo kya Jimin to sabse zyada excited tha, din mai kahi baar unhe puchta, ya London call milane k liye kehta or jab phone lag jaye to un sabko jaldi aane k liye force karta. Ghar k har servants ko khush ho kar batata k us k bhai yaha aane wale hai, sab log has dete or us bachche ki khushi mai khush hote, aakhir wo sabka ladla jo tha.
Aaj unki flight land hone wali thi, or Mr. Park unhe lene airport jane wale the.Par Jimin saath mai jana chahta tha, jihyun use mana kar rahe the or samjha rahe the k wo itne waqt mai thak jayega. Usne buhat zid ki, apni puppy eyes bhi dikhayi par phir bhi wo na mane.
"Beta, tum thak jaoge, yaha tum khelna, tab tak hum log wapas aa jayege". Use ek baar phir samjhaya tha.
"Nahi mujhe aapke saath jana hai". Wo apni zid nhi chod raha tha.
"Are bhai kya ho raha hai, hum yaha tumse milne aaye or tum hi kahi jaa rahe ho". Unke piche achanak se awaz aayi to wo plat kar dekhne lage, or apne dost ko dekh kar shock ho gaye.
" Kya baat hai jongkook, mere ghar ka rasta kaise bhul gaye" Ye kehte hi unhone Jimin ko couch par hi baithe rehne diya or khud khade ho kar apne dost ko gale laga liya "bade dino baad aaj nazar aaye, haa? Kya baat hai? Kya kuch narazgi hai humse"
"Nhi jihyun aisi koi baat nhi bus masruyfiyat hi aisi thi, mulaqat ka mauka na nikal saka. Kher mera chubby beta kidhar hai".
" Yahi hai, dekho wahi baitha hai"
"Are wah, mera cute beta yaha baitha hai" Unhone Jimin ki taraf dekhte hue kaha but Jimin ne apne lips ko pout ki shakal de kar hath bandh liye jaisa keh raha ho wo buhat naraz hai.
"Ise kya hua? " Jongkook haste hue puchne lage.
"Batata hu phele sukoon se baith to jaao". Jihyun ne unhe badhne ka ishara kiya par wo ruke rahe or kehne lage.
"Ha ruku par tum kahi jaa rahe the na, uska kya, maaf karna mai galat waqt par aa gaya" Jongkook ko acha nhi laga k wo galat waqt par aa gaye.
"Ye kya keh rahe ho tum, is mai sorry karne ki koi baat nhi,ye tumhara ghar bhi hai jab marzi aao,kya manners ki classes le rahe ho aaj kl haa? Dost ko sorry" Jihyun ne haste hue unki taang khichi.
"Par tum kahi jaa rahe the isliye, anyways ruko phele mai apne bhatije ko andar bula lu, use tumhara garden bada pasand aaya to kuch der k liye bahar hi rukh gaya, use bulata hu" Ye keh kar wo bade the k jihyun ne rok liya.
"Tom, jaa kar us bachche ko le aao andar". Jihyun ne apne naukar se kaha or wo bahar chala gaya. "Chalo aao tum baitho".
Unhe le kar wo couch ki taraf badhe. Or Jimin jo kuch der phele naraz tha, bore ho k uske pass rakhe teddy bear se khelne lag gaya tha. Jihyun us couch par baithe jaha Jimin tha or use apni gaud mai bitha liya.
" Say hello to your favourite uncle". Jihyun ne use dilaya, unhe ye pasand nhi tha k bache badtamizi kare.
" Helllooo" Jimin ne unke kehne par jongkook ko hello kaha. But muskura nhi saka uske dimag mai bus bua or bhai the jinhe use lene jana tha.par kuch keh nhi paya.
" Hello, kaisa hai mela pyala cha beta"jongkook ne cute sa face banate hue Or bachcho k andaaz mai kaha to Jimin khilkhila kar has pada. Or yahi to wo chahte the uski pyari si muskurahat dekhna.
"Mai acha hu, aap kaise hai". Jimin ne bhi unse pucha jaise uske papa ne humesha sikhaya tha.
"Mai bhi thik hu beta". Unhone pyar se uske sari par hath rakha. Jimin sirf muskura kar phir se apne khel mai lag gaya.
आप पढ़ रहे हैं
Mohabbat Hai Tumse { 𝙅𝙞𝙠𝙤𝙤𝙠 𝙃𝙞𝙣𝙙𝙞 }
Fanfiction"Bete kuch kaam khud bhi kar lene chahiye. Jao dekho kaun aaya hai, chalo utho shabash, jaldi". Mr. Park ne thoda butter lagate hue kaha to wo bhi jane kis mood mai tha k jo uth kar darwaza khulne chala gaya. Bahari bharkam darwaza khulte hi jis pa...
