Kuch hi der mai wo hospital phonch gaye. Eun ko fauran hi operation theater le jaya gaya. Or tab se wo back and forth room k bahar chale jaa rahe hai..
Unka pura dhyaan wa man Eun ki taraf tha. Bus ab duae hi thi jo un k dil or zuba se nikal rahi thi. Kahi ghante ho chuke the. Raat k 12 baj kar kuch 10 minute hua tha k operation theater ka darwaza khula or doctor bahar aaye.
Lighting ki speed se Mr. Park doctor k samne jaa khade hue.
"Doc... doctor.... Kya hua sab thik hai na?... Meri biwi or bachcha dono thik hai na? ... Bataye na doctor plz k wo dono thik hai"... Puchte puchte achanak unki aankho se aansu jaari ho gaye.
Doctor ne sympathy se unke shoulder par haath rakha or thap thapane lage. Kyuk doctor jante the is waqt unhe buhat zarurat hai.
" Mr. Park, aapki Mrs. Eun stairs se girne ki wajah se buhat blood lost kar chuki thi. Unhone buhat dard saha. Humne puri koshish ki par".. Doctor achanak bolte hue ruk gaye..
"Doctor plz mujhe bataye k wo dono thik hai..... Sahi salamat hai..... Plz doctor... Mai aapke aage haath jodta hu.... Plzzzz doctor....".. Mr. Park doctor ki baato se dar gaye or haath jod kar kehne lage. Wo sirf ye chahte the k doctor ye kahe k 'haa aapki biwi Or baby dono safe hai' bus or kuch nhi chahiye unhe.
"Mr. Park plz haath mat jodiye...
Or plz apne aap ko sambhaliye".... Doctor phir ruk kar niche dekhne lag gaye or unke kandhe se haath hatha liya. Phir kehne lage. "I'm sorry Mr. Park par hum aapki biwi ko bacha nhi sake ".
Ye sunte hi Mr. Park ko apne kaano par yaqeen nhi hua.
" Aap ye kya keh rahe hai ma... Mai samjha nhi"... Unki aankho mai be yaqeeni thi.
Doctor ne ek lambi saans lete hue phir kaha "Mr . Park ab aap ki biwi is duniya mai nhi rahi. Unka buhat blood lost hone ki wajah se wo bach nhi paayi. I'm sorry".halake saare doctors jaante hai aisa mauka kabhi na kabhi unki zindagi mai aata hai jab unhe kisi k haath mai nirasha soapni hoti hai par phir bhi pata nhi aaj doctor ko Mr. Park ka dard buri tarah se mehsus ho raha tha. Shayad isliye bhi kyuk wo khud abhi baap banne wale the. Shayad ye situation ko wo apne upar le kar soch rahe the. Isliye pheli baar wo kisi se ye kehte hue emotional ho gaye.
Mr. Park ki to jaise aankho k samne andhera cha gaya. Unhone kya socha tha kya chaha tha or kya ho gaya. Wo is baat par yaqeen hi nhi karna chate the k unki biwi ,unki zindagi unse bichad gayi hai. Or kabhi laut kar nhi aayegi. Wo sadme mai aa gaye.
Unhe apne pairon se jaan nikalti hui mehsus hui. Or dekhte hi dekhte wo zameen par ghutno k bal gir gaye. Unhe apne chaaro or kuch nazar nhi aa raha tha or na hi koi awaz sunai de rahi thi.
Doctor ghabar kar unhe kandho se hilane lage taake wo hosh mai aaye or nurses or ward boys ko awaz dene lage.
Par Mr. Park ko bilkul hosh nhi tha wo kab unconscious ho gaye pata hi nhi chala. Unhe jaldi se emergency room mai le jaya gaya. Unka treatment start kiya gaya. Ab doctor k pass koi chara nhi tha ,unhe kisi jaan pehchan k shaks ko bulana hi tha taake wo Mr. Park ko sambhal sake. Or aise waqt mai unhe akela nhi choda ja sakta tha.
Mr Park k pant ki pocket se phone ward boy ko mila to usne doctor ko dikhaya.
"Dekho k tum log inke kisi jaan pehchan walo ko contact kar sakte ho ya nhi ".ye keh kar wo room se bahar aa gaye. Wo rukna chahte the par unki duty unhe ijazat nhi deti thi. Mr. Park ab thik the. Ye zahir si baat hai unhe itna bada shock laga tha jiski wajah se wo behosh ho gaye.
Ward boy ne phone nurse ko thamaya or nurse phone le kar bahar aa gayi. Phone ko swipe karne par sukoon ka saans liya k phone mai koi lock nhi tha jiske liye password lage. Wo jaldi se unke contact list mai gayi. Par samjh nhi paa rahi thi k kise call kare. Zyada tar contacts business related lag rahe the k achanak uski nazar my buddy contact par ruki. Usne ek pal k liye socha or call kar diya.
Bell ho rahi thi raat ka waqt tha or sab so rahe hoge ye soch kar patiently se wait kar rahi thi k is waqt koi phone utha le. Kuch hi ring k baad phone recive kiya gaya.
"Hello, Jihyun?... Kya hua sab thik to hai na?... Itni raat ko phone kiya kya baat hai?.... Dusri taraf se badi ghabrayi hui awaz sunai di.
" Hello sir, mai city hospital se baat kar rahi hu. Aapke dost Mr. Park or unki biwi yaha admit hai aap plz"...
"Kya hua un logo ko kya hua bataye plz" Unke dost ne nurse ki baat sun kar ghabrate hue uski baat cut ki.
"Sir aap plz jitna jaldi ho sake yaha aa jaye , aap ko yaha aane par information di jayegi". Nurse ne politely kaha.
"Thik hai mai abhi aa raha hu" Unhone jaldi se kaha or call cut kar diya.
"Kya hua kuan tha phone par? Aap kaha jaa rahe hai?". Unki wife ne ek hi saans mai kahi sawal kar diye.
" City hospital se phone tha. Nurse keh rahi thi k Jihyun Or uski biwi dono admit hai. Tumhe to pata hi hai Eun maa banne wali hai pata nhi kya hua hai mujhe to tension ho rahi hai ye soch kar aakhir wo dono ek saath admit kyu hue". Unhone shirt k button lagate hue kaha. Unki aankho Or awaz dono se dar Or ghabarahat zaahir thi.
"Aap ghabarye mat sab thik hoga , aap jaa kar dekhiye kya baat hai mujhe call kijiye warna mujhe bhi tension hogi" Unhone aram se samjhaute hue kaha taake unke husband zyada tension na le.
"Tum bhi tension nhi lo or so jao. Sab ghar mai dekhege to pareshan ho jayege. Mai tumhe call karta hu ".ye keh kar wo room se bahar aa gaye or aahista se main door ki taraf chal pade.
Hospital phonchne mai unhe zyada waqt nhi laga kyuk wo unke ghar se nazdik tha or kuch unhone gaadi ki speed hi aisi rakhi thi k jald hi phonch gaye.
Jaldi se car se nikalte hi reception par phonche or Jihyun k baare mai information li.
"Ji unhe 2nd floor, room no 209 mai rakha hai. But sir aap plz phele doctor Jackson se mil lijiye. Unka office 1st floor par right side mai hai". Reception par baithi nurse ne unhe bataya jaise use orders mile the.
" Thik hai ".khete hi wo sidhe stairs ki taraf chale gaye or doctor k cabin k bahar phonch kar dum liya.
Aapne aap ko thoda control karne k baad unhone knock kiya. Jaise hi permission mili to wo andar chale gaye. Greetings k baad unhone kaha.....
" Doctor Mai Jeon Jongkook hun Jihyun ka dost". Unka itna kehna tha k doctor phir ek dum se emotional ho gaye wo khud nhi samjh paa rahe the k wo aisa kyu mehsus kar rahe hai.
"Ji baithiye" Doctor unhe chair ki taraf ishara karte hue kaha.
Mr. Jeon baith gaye. " Doctor aisa kya hua hai k dono admit hai sab thik to hai. Jihyun ki wife wo pregnent hai sab thik hai na. Or Jihyun ko kya hua hai?" .... Mr Jeon pareshani se puchne lage. Wo buhat ghabaraye hue the par apne aap par control rakh kar puchne lage.
"Ji isliye aapko bulaya gaya hai kyuki Mr. Park k saath abhi kisi ka hona buhat zaruri hai"... Doctor ne baat start ki.
"Kyu Eun kaha hai kya hua hai doctor plz mujhe bataye". Unhone be sabri se kaha.
Doctor ne ek lambi saans lete hue kaha. " Mrs. Park ko yaha emergency mai laya gaya kyuk wo stairs se gir gayi thi"....
"Kyaaa".. Mr. Jeon ye sun kar shock reh gaye. " Kaha hai wo , thik to hai wo? Or baby? Oh my god ye sab kya ho gaya. " Mr Jeon ki saanse tez hone lagi.
"Dekhiye Mr Jeon plz apne aap ko sambhaliye. Aap ko is waqt strong ho kar Mr. Park ko sambhalna hai. Is waqt unhe ek dost ki bunat zarurat hai. Plz aap unke baare mai sochiye.". Doctor unhe samjhate hue kaha.
Mr Jeon ne apne aap ko control kiya or pucha. " Kaha hai Mrs Park? Kya wo thik hai? Mai dono se mil sakta hu? ". Mr Jeon bechaini se sawalat puchne lage.
" Ahh....Mr Jeon plz dhiraj rakhiye. Jab Mrs Park ko yaha laya gaya unki condition buhat kharab thi. Unka buhat khoon beh gaya tha jiski wajah se operation k waqt buhat mushkil hui. Humne puri koshish ki par afsos.... Hum unhe.... Bacha nhi sake".... Doctor ye keh kar Mr Jeon ki taraf dekhne lage.
Second chapter is done.
आप पढ़ रहे हैं
Mohabbat Hai Tumse { 𝙅𝙞𝙠𝙤𝙤𝙠 𝙃𝙞𝙣𝙙𝙞 }
Fanfic"Bete kuch kaam khud bhi kar lene chahiye. Jao dekho kaun aaya hai, chalo utho shabash, jaldi". Mr. Park ne thoda butter lagate hue kaha to wo bhi jane kis mood mai tha k jo uth kar darwaza khulne chala gaya. Bahari bharkam darwaza khulte hi jis pa...
