💜مجنون أسيل الجزء الاول💜(مكتملة )بقلم بَسمَلَةْ محمود 💜 حورية البنفسج💜

💜الفصل الرابع و العشرون 💜

_انت مش بتصلي ليه؟!
:- ادعيلي ربنا يهديني..💛
_خلاص متروحش الشغل وخليك قاعد فى البيت !🙂
:- اومال هجيب فلوس منين ؟!
_هدعيلك ربنا يرزقك!🤲
"فقط تأملها .....

طول م انت بعيد متستناش حد يدعيلك تقرب ..حب الصلاة و هتلاقى نفسك بتقرب من ربنا خطوة خطوة

"مقتبس"

،
،
،
،
،
،
،
،
،
🅱️بسم الله الرحمن الرحيم 🅱️
🅱️ قراءة ممتعة 🅱️

ما تتابعونى ❤️🙈..مش عيب يبقى انا اللى بكتب و انتوا عندكم متابعين اكتر منى 😔

ياسين بعصبية :- زى ما سمعت انا مش عاوز اعرف حد فيكم تانى ..اخرجوا برا.....
نظر له كل من داغر و شادى بصدمة فاقترب منه شادى الذى حضر منذ قليل و قد سمع كل ما قاله ياسين يحاول تهدئته :- اهدا يا ياسين حصل ايه لكل دا....فى ايه مالك ..؟!
ياسين :- فى انى مش عاوزكم زى ما انتوا مش عاوزينى....فى انى مبقتش مستحمل حد فيكم و مبقتش عاوز اشوف وشكم تانى...اخرجوا برا بيتى حالا ...
داغر بعصبية :- انت ازاى تتكام كدا...ايه اللى حصلك من الصبح لغاية دلوقت م انت كنت كويس ..مهما كان اللى حصل ايه دخلى انا و مليكة فى الموضوع
ياسين بغضب :- دخلكم انى مش عاوز اشفكم تانى و لو جوزتك اختى هكون مضطر اشوفكم على طول ...خلص الكلام لو سمحتوا اخرجوا برا
و تركهم و رحل تحت نظرات الجميع المصدومة
قالت مديحة بحرج مما فعله ابنها وهى تنظر لوالدة داغر :- والله انا مش عارفة هو عمل كدا ليه..انا اسفة جدا ..انا مش عارفة اقول لكم ايه..
والدة داغر بهدوء :- خلاص يا حبيبتى هو اكيد تعبان شوية ..احنا هنرجع فى وقت تانى..يكون بقى هادى شوية
جاسر بهدوء :- متقلقيش يا توحة هو هتلاقيه بس مضغوط شوية بسبب الشغل و كمان العلاج و كل دا أثر عليه ..احنا هنمشي دلوقت و كل حاجة هتبقى كويسة
نظر عامر لجاسر نظرة فهمها جيدا ثم تركهم و غادر ..فتبعه الجميع الى الخارج ...اوصل داغر والديه إلى المنزل ثم ذهب الى المقر ليلتقى بباقى الفريق ماعدا ياسين بالطبع و فريق عين اللهيب
دلف الى الغرفة بغضب مما حدث فوجد الغول يقف عند مقدمة طاولة الاجتماع و ينطق بالتالى
جاسر بهدوء مخيف :- الضبع اكتشف ان احنا اخترقنا نظامه
نظر له الجميع صدمة شديد فبادر عامر بقطع الصمت قائلا :- ازاى دا حصل ؟!..وانت ازاى عرفت ؟!
جاسر :- عرفت من الضبع نفسه
أسد :- انا مو فهمان شئ ..
شادى بغموض :- قالك ايه بالظبط
جاسر بغموض اكبر :-عمى معاه
داغر /شادى/عامر بصدمة :- نعم
عامر بصدمة :- ازاى دا يحصل..مستحيل
جاسر :- انا هكتشف ازاى دا حصل ..لازم ننفذ الخطة زى ما احنا مخططين
شادى :- بس كدا فى خطر على حياة عمك..دا لو فعلا هو معاه
جاسر بحزن :- معاه يا شادى انا سمعت صوته بنفسى ...انا هعرف احميه منه بطريقتى دلوقت نشوف الصور اللى جابها داغر ..ثم نظر إليه فوقف داغر و اتجه الى شاشة كبيرة و عرض عليها الصور و اخذ يشرح لهم كل ما يتعلق بها ..و جاسر ينظر الى الصور بدقة شديدة كأنه يبحث عن شئ ما
وقف فجأة و اتجه إليه و قال و هو يشير الى احدى الأماكن المتتالية على الصور :- شايفين هنا و هنا وهنا ..
عامر بزهول :- ايوة فعلا معاك حق
شادى بدهشة :- انا ازاى مشفتش دا
داغر بمكر :- بس انا شفتها كويس ..و كنت لسه هقول لكم لاكن الغول سبقنى
جاسر بابتسامة ماكرة :- محدش اسرع من الغول يا صقر
بادله داغر الابتسامه بينما الجميع ينظر لهم بعدم فهم فقالت ميريام :- انا مو شايفة شئ انتوا شايفين شئ نحنا مو شايفينه يعنى؟!
جاسر بابتسامة استخفاف كيف يكون هذا الفريق من افضل فرق المخابرات فأخذ يشرح لهم ما توصل إليه بجدية :- فى ف الاماكن دى علامات باللون الاصفر بتوضح طريق معين..اظن ان الطريق دا هو اللى بيتبعه الضبع و رجالته عشان يدخلوا ..و فى كمان حاجات محطوطة ...فى أماكن متفرقة و علامات بألوان مختلفة للتضليل
فهد :- ايه و انت كيف عرفت ان هدول العلامات اللى باللون الاصفر هنن اللى اصليين
نظر له داغر باستخفاف و أجابه قائلا :- عشان يا حضرة الظابط العلامات التانية لو تلاحظ انها محطوطة بشكل عشوائي و ممكن تكون علامة واحدة من كل لون لاكن اللون الاصفر علامات موضوعة بطريقة مدروسة بعناية ..و لو وصلنا العلامات ببعضها بالطريقة دى...هتلاحظ ان فى طريق موضح ازاى تدخل
عز الدين بفخر :- برافو عليك يا أبطال ..لازم تسافروا فى اسرع وقت لتنفيذ المخطط اللى انتوا رسمتوها
جاسر معترضاً بمرح :- لا يا فندم انا اعترض...انا واحد رايح اخطب يوم الخميس ع الاقل ادينى اسبوعين اكون حتى كتبت كتابى...ولا ايه رأيك؟!
نظرت له لينا نظرات غامضه لاحظها هو جيدا فنظر الى عز الدين ينتظر رده على حديثه
عز الدين بضحك :- ماشى يا سيادة المقدم السفر بعد اسبوعين و دا مش علشان هتخطب لا ...دا علشان اول عملية للضبع معادها بعد شهر...خلص الاجتماع اتفضلوا
خرج عز الدين بينما توجه كل من أسد و فهد الى جاسر لتهنئته بخطوبته
أسد و فهد بمودة :- الف مبروك سيادة المقدم
جاسر بابتسامة :- الله يبارك فيكم و ان شاء الله اول لما نحدد معاد للخطوبة هتكونوا معزومين
شكره كلاهما ثم خرجوا جميعا ولم يبقى الا فهود الصحراء نظروا لبعصهم بنظرات ذات مغزى
فقال جاسر وهو يضع نظاراته بابتسامة ماكرة:- يلا ...
عامر بنفس المكر :- اكيد يلا
داغر بمرح :- دى هتبقى مدبحة يا شق
شادى وهو يطوى اكمام قميصه :- إستعنّا ع الشقى بالله
ثم خرجوا جميع يمشون فى صف واحد جنبا ً إلى جنب فى مشهد مهيب يرتعد له الاعداء...ولاكن للأسف...ينقصهم واحد....