💜مجنون أسيل الجزء الاول💜(مكتملة )بقلم بَسمَلَةْ محمود 💜 حورية البنفسج💜

💜الفصل السادس عشر 💜

الخير فى الناس مصنوع  اذا جُبروا
و الشر لايفنى و ان قُبروا

و اكثر الناس آلات تحركها
اصابع الدهر يوما ثم تنكسر

فأفضل الناس قُطعان يُسيرها
صوت الرعاة و من لم يمشى يندثر 

             "جبران خليل جبران 🖇️✨"
-
-
-
-
-
-
-
-
-
🅱️بسم الله الرحمن الرحيم 🅱️

🅱️قراءة ممتعة 🅱️

فى محطة القطار وصل عمر بسيارته لاستقبال العم عادل و زوجته وابنته
دقائق حتى وصل القطار فاتجه عمر له بلهفة غريبة فمنذ علم بقدومهم امس وهو يشعر بشعور غريب
وصل حيث يقف العم عادل واستقبله بحفاوة قائلا :-عمى عادل اهلا بحصرتك ..حمد الله على السلامة ..
عادل :-اهلا بيك يابنى ...الله يسلمك.
ابتسم عمر له ثم وجه حديثه لزوجته :-الف سلامة على حضرتك يا طنط ان شاء الله تقومى بالسلامة
زينب (زوجه العم عادل ) بابتسامة :- الله  يسلمك يا بنى..
عمر :-يلا يا جماعة عشان تستريحوا شوية و بكرا ان شاء الله نروح المستشفى
حور بقلق :-لا معلش خلينا نطمن عليها الاول و بعدين نروح الفندق
عمر :-ماشى زى ما تحبى يا انسة حور ...
بس فندق ليه ؟!
عادل باستغراب :- عشان نستريح فيه و نقعد فيه فترة العلاج
عمر برفض قاطع :-لا طبعا عمى انتوا هتقعدوا فى شقتى ...
عادل مقاطعا:- بس يا بنى ...
قاطعه عمر قائلا :-سيبنى اكمل كلامى يا عمى انا مش عايش فى الشقة دى انا عايش مع عمى احمد و عيلته و الشقة دى فاضية من زمان و مش بستعملها ابدا وهى موجودة بنفس العمارة اللى انا قاعد فيها عشان لو احتاجتوا حاجة ...
كاد عادل ان يتحدث فقال عمر :-خلاص يا عمى انت اول مرة تنورنى ...خلينى ارحب بيك بطريقتى بقى
وافق عادل على مضض فقال عمر بابتسامة :-تمام يلا نروح المستشفى
'~~~~~'''~~~~~~~~~🅱️~~~~~~~~~~~~~~~~~~✨
" ايقظ شعور المحبة ان غفا 
لولا الشعور الناس كانوا كالدمى 💜🖇️"

فى المشفى فى عيادة رحيل

اسيل وهى تنظر لعينى جاسر :-انا ملكة المتفجرات
الجميع بصدمة كبيرة ماعدا مريم و رحيل اللتان لم تفهما شئ :-نننننعععععممممم

كان جاسر اول من فاق من صدمته قائلا باستغراب شديد :- ازاى يعنى ...انتى دكتورة ..
مريم بغباء  :- ايه ملكة المتفجرات دى نوع لبان جديد ؟!
ضربتها رحيل على كتفها قائلا :-بطلى غباء شوية دا اكيد نوع صودا جديدة تفتحيها تنفجر فى وشك

مريم بتأيد :-صح ..صح ..معاكى حق

ياسين و هو يشيح نظره من على كتله الغباء التى امامه :- بعيدا عن كتلة الغباء دى ممكن يا دكتورة تشرحيلنا
عامر :-اعتقد ان كلنا محتاجين شرح
داغر :-قبل الشرح ...جاسر القنبلة كانت فين؟!
جاسر :-فى تابلو العربية اللى قدام
شادى بتفكير :-فى العربية من جوا ...ازاى يعنى حد يحطها فى العربية من جوا ...
عامر بلوم :-انت سبت المفتاح فى العربية تانى يا جاسر ..؟!
جاسر بتفكير :-المرة دى بالذات مسبتش المفتاح فى العربية انا اديتها للعسكرى يركنها
ياسين :-لازم نشوف العسكرى دا ...اكيد هو اللى عمل كدا
عامر :-لا معتقدش ...دا العسكرى اللى كان واقف دا موجود فى القسم من زمان ..
داغر :-انا هشوف الموضوع دا لما نرجع القسم
جاسر :-تمام يا صقر ...دلوقت يا دكتورة ...اشرحيلنا ...