هو لما يسألك و يقولك "عبدي ألم تكن تعلم انني أراك حين عصيتني" 🥀
هترد بايه وقتها... ")!
د: محمد الغليظ
،
،
،
،
،
،
،
،
🅱️ بسم الله الرحمن الرحيم 🅱️
🅱️ قراءة ممتعة 🅱️
فى بيت منار ..كان يجلي الحاج عبد الغفار عمران فى وقار بجلبابه الصعيدى الذى يزيده وقارا و احتراما و يجلس بجانبه ابنه الأكبر على البالغ من العمر ثلاثون عاما و يجلس فى المقابل له أحمد و بجانبه أحلام و آدم و عمر وسامر اما ساجدة و أسيل فقد اخذتهما زوجه الحاج عبد الغفار الى الغرفة التى توجد بها منار و ذالك بمجرد ان دلفتا الى المنزل بناءً على طلبهما
بدأ أحمد الحديث بعد السلامات قائلا :- احم حاج عبد الغفار ..انا يشرفنى اطلب من حضرتك ايد الانسة منار لابنى ادم
و أشار الى آدم الذى ينظر له بلهفة
عبد الغفار بهدوء:-والله يا ابو آدم انى سألت عليه و عليكم و الصراحة انى مش هلاجى لبت اخوى احسن منيكم ..انى موافج بس الرأي الاول و الاخير لي صاحبة الشأن ..
أحمد بموافقة:- عداك العيب يا حج ممكن تنادي عروستنا عشان نعرف رأيها
وافق الحج عبد الغفار على كلام احمد و أمر ابنه بأن ينادى عيها و على والدته فقام على لكى يستدعيها اما آدم فقد طار من السعادة بموافقة عمها فهو يعرف مسبقا برأيها
اما فى الاعلى بغرفة منار دلفت أسيل و اتجهت الى منار التى وقفت لاستقبالهم بابتسامة هادئة اما أسيل فتقدمت نحوها و قالت بمرح و هى تحتضنها بشدة:- خش فى حضن أخوك يا فواز ...انا أسيل و دى ساجدة احنا أخوات آدم..
تفاجأت منار من فعلتها ولاكنها ابتسمت و رحبت بها
أسيل بمرح :- مرات اخويا قمر يا ولاد
منار بخجل :- عيونك اللى حلوين يا حبيبتى عشان كدا بتشوفى كل حاجة حلوة
نكزت اسيل ساجدة وقالت بمرحها المعتاد :- شوفتى الناس اللى بتقدر جمال عيونى
ساجدة بسخرية :- جمال ايه يا ام جمال ما تخليها مستورة
أسيل باستنكار :- فشر دا انا قمر
ساجدة :- قمر بالستر يا قلبى
صخكت زوجه عم منار قائله :- يا بااى عيكم انى مضحكتش إكده من زمان جوى ..بس بسم الله ماشاءالله انتوا التنين كيف الجمر
ساجدة بخجل :- ربنا يخليكى يا طنط
اما أسيل فقالت بغرور مصتنع :- شكرا شكرا عارفة انى ملكة جمال
ضحكوا جميعا عليها و قاطع مرحهم صوت طرق على باب الغرفة كادت زوجة عم منار تهم بفتح الباب فقال أسيل بمرح وكأنه بيت والدها :- و النبى ما انتى قايمة انا اللى هفتح...دى تلاقيها ماما
ضحكت عليها السيدة بينما تقدمت هى تفتح الباب للطارق و الذى لم يكن سوى على الذى قال قبل ان يرفع عينيه ل الذى فتح الباب و قد اعتقد انها والدته
على :- اما بيجولك ابوى ..همى انزلى و...و رفع عينيه فقابل تلك اللؤلؤتين المصدومتين وضعت يدها على وجهها ثم نظرت له بصدمة و دارت برأسها لساجدة و قالت وهى تفتح فمها و اعينها عن أخرهما :- بيقولى يا اما ....اعادت نظرها له قائلة :- انت معندكش نظر يا اخ بقى دا منظر واحدة يتقالها يا اما
ضحكت ساجدة بشدة ثم قالت لها :- معلش يا حبيبتى معندوش نظر
نظر لها على بحرج ثم قال :- انى آسف افتكرت ان امى هى اللى عتفتح الباب
خرجت والدته وهى تضحك على أسيل التى ما تزال تنظر له بصدمة :- معلش يا بتى اعمى البصر و البصيرة
فتحمحم على فى حرج قال لوالدته :- يلا يا اما انزلوا ...
وافقته والدته و اخذت بيدي منار الخجلة و نزلت و خلفها كل من أسيل و ساجدة التى تضحك على أسيل وذالك الذى يتبعهم و هو مغيب من تلك العينان المضيئتان ...
دلف الجميع الى غرفة الجلوس فقامت أحلام بإجلاس منار بجوارها اما أسيل فقد جلست بجوار عمر و ساجدة بجوار سامر
اسيل لعمر :- بيقولى يا اما
عمر باستغراب وهو يضع يده على كتفها :- هو مين دا يا حبيبتى
اسيل و هى تشير بعينها الى على الجالس بجوار والديه و يطالعها من حين الى الاخر:- الشحط اللى قاعد دا
ضحك عمر بشدة فنظر له الجميع باستغراب بينما قالت اسيل و هى تولول بصوت منخفض :- يا لهووووى فضحتنى يا عمر
عمر للجميع وهو يحاول كتم ضحكاته :- انا اسف يا جماعة بس افتكرت حاجة ضحكتنى ..رجع الجميع الى ما كانوا يقومون به بينما أسيل تقص على عمر ما حدث بالاعلى و هو يحاول كتم ضحكاته
قال الحج عبد الغفار موجها حديثه لمنار :- ها يا بتى اموافجة ع الجواز
منار بخجل وهى تنظر إلى الارض :- اللى تشوفة يا عمى
عبد الغفار :- على بركة الله نجرا الفاتحة
بدأ الجميع بقراءة الفاتحه نظر احمد لعبد الغفور قائلا :- ان شاء الله الشبكة تبقى بعد اسبوع
عبد الغفار :- ان شاء الله يا حاج..معاد كويس
احمد :- طيب نستأذن احنا بقى و العرسان يروحوا بكرا يجيبوا الشبكة و..
على باعتراض مقاطعا :- لسه بدرى يا عمى اتفضلوا اتغدوا معانه دا الوكل جاهز من بدرى
اسيل بمرح :- دا انتوا اللى هتيجوا معانا ..مش تستنى لما تسمعه للاخر
عبد الغفار باستغراب :- نيجى وياكم كيف و وين
اسيل بجدية مضحكة :- بص يا عمى بم ان النهاردة عيد الام فانا و عمر و ادم و ساجدة و سامر و رحيل ومريم..اه كل الناس دى متستغربش ...المهم عملنا حفلة كدا على شرف الامهات و انتوا معزومين النهاردة ..يلا يا عمى اتفضل يلا....لا يا عمى مفيش وقت ..يلا يا حج قوم ...انت لسه هتعترض ..يلا انا هقوم اكلم مريم عبال ما تجهز كل هذا وهو لم يكد حتى يفتح فمه ببنت شفة و ينظر لها بصدمة
و قامت لمحادثة مريم و تركته مصدوم بينما ضحك عمر قائلا :- يلا يا عمى انت لسه هتشوف كتير من جنان سيلا ..دا هى كدا لسه مش متعودة عليكم استنى بس لما تتعود و هتشوف الجنان على اصوله ..انا مش عارف دكتورة نفسية ازاى دى
اسيل و هى تأتى من خلفه :- دكتورة نفسية عشان بحسن نفسية الناس اومال ابقى معقدة لا طبعا ..انا فرفوشة يا بنى ..انا كائن بيحب ينشر البهجة على الاخرين
عمر بسخرية :- طب يلا يا اخت بهجة والا مريم هتقتلك ..
اسيل بفزع :- يا لهووى دا انا نسيت دى قالت نص ساعة و ابقى عندها يلا بسرعة يا جماعة ..
و انطلق الجميع الى وجهتم حيث حفلة عيد الام
أنت تقرأ
💜مجنون أسيل الجزء الاول💜(مكتملة )بقلم بَسمَلَةْ محمود 💜 حورية البنفسج💜
عاطفيةمجنوننا ليس مجنونا بالحب مجنوننا مجنون بكل ما لهذة الكلمة من معنى مجنون روايتى يختلف عن الاخرين فمجنونى تعرض فى حياته لصدمة كانت السبب الاوحد لدخول طبيبته الجميلة إلى دوامة وعاصفة ذالك المجنون.فتحول الى مجنون او مريض نفسى تدخل هى الى عالمه المظلم و...
