Daddy's sweetheart ( rewriting )

#8 💛

ကမ္ဘာကြီးရဲ့တစ်နေရာထဲမှာ တူညီတဲ့အချိန်တွေကြား မတူညီတဲ့အ‌ကြောင်းပြချက်ကြောင့် စိတ်အလိုမကျကာ ညီးညူနေကြတဲ့လူနှစ်ဦး။

"အာ...အချိန်တွေကလည်းမြန်လိုက်တာ"

"ကျစ် အချိန်ကုန်တာနှေးလိုက်တာ"

ဒီလိုနဲ့ရောက်လာသော Sunday

Jimin တစ်ယောက် စိတ်လှုပ်ရှားနေမိသည်။ ဒီနေ့မှ အိပ်ယာကနေအစောကြီးနိုးနေသည်။

Ting~~

Messageဝင်သံကြောင့် Jimin ဖုန်းကိုယူကြည့်လိုက်တော့

° ကလေး နိုးပြီလား °

ဟင် လူကြီးဆီကပဲ။

°ဟုတ်°

°7နာရီ‌ခွဲလောက် ကိုယ်လာခေါ်မှာမို့ အသင့်ပြင်ထားနော်°

°Omm°

°ချစ်တယ် ကလေး°

ဖုန်း screenကိုကြည့်ပြီး Jimin မျက်နှာလေးပန်းနုရောင်သန်းသွားသည်။ ဟမ် ဒီလူကြီးလူကိုချစ်တယ်လို့ပြောသွားတာလား။

ဟာ ဒီလူကြီးတော့ လူကိုရှက်အောင်တအားလုပ်တာပဲ။

စိတ်ထဲကသာပြောနေပေမယ့် Jimin နှုတ်ခမ်းထက်အပြုံးတို့ကဖြတ်ပြေးသွား၏။

Jimin လည်း ရေချိုးပြီးပြင်စရာရှိတာပြင်ထားလိုက်သည်။

Shirtအပြာစင်းကျားလေးကို Jean pant အဖြူထဲထည့်ဝတ်လိုက်သည်။ အပြာရင့်ရင့်နက်ခ်တိုင်ကိုလည်ပင်းမှာ ခပ်လျော့လျော့လေးစည်းလိုက်ပြီး ရွှေညိုရောင်ဆံနွယ်တို့ကိုခပ်ပွပွလေးဖြစ်အောင်ဖွလိုက်သည်။ Freshဖြစ်စေမယ့် ရေမွှေးကိုဆွတ်လိုက်ပြီး ကိုယ်လုံးပေါ်မှန်ရှေ့မှာ Jiminမတ်တပ်ရပ်လိုက်သည်။

"အင်း ပြည့်စုံပြီ"

အားလုံးပြင်ဆင်ပြီးတော့အချိန်က 7နာရီ။

Jiminလည်း ဖုန်းကိုဘောင်းဘီအိတ်ထဲထည့်ပြီး အခန်းအပြင်ဘက်ကိုထွက်လာခဲ့သည်။

စိတ်လှုပ်ရှားနေလို့ Jimin မှာဂဏာမငြိမ်။ ဧည့်ခန်းထဲထိုင်လိုက် မီးဖိုခန်းထဲသွားပြီးရေသောက်လိုက် အိမ်ရှေ့မှာခေါက်တုံ့ခေါက်ပြန်လျှောက်လိုက်နဲ့။