Unicode
အပိုင်း (၆၉.၂) - ရူးဟန်ဆောင်ခြင်း
ကျောက်စိမ်းရေစင်ခြံဝန်း ရှိ အစေခံများသည် သူတို့ကို အခြားနေရာများ၌ ခိုင်းစေပါရန် အိမ်တော်ထိန်းဆု အား တောင်းဆိုကြသည်။ အိမ်တော်ထိန်းဆု က များစွာ ပြန်မပြောဘဲ အလျှင်အမြန် စီစဥ်ပေးလိုက်သော်ငြား ကျောက်စိမ်းရေစင်ခြံဝန်း သို့ လူထပ်မံ ပို့မပေးတော့ချေ။ အန်းခယ့်ရှင်း သည် မည်သည့် အစေခံကိုမှ ရှာမရတော့သည်မို့ သူမကိုယ်တိုင်ကိုယ်ကျ သာ စားဖိုဆောင်သို့ သွား၍ အစားအစာ သွားယူရတော့၏။
စားဖိုမှူးဝမ် က ထိုသားအမိကို ဘယ်တုန်းကမှ သဘောမကျခဲ့ပေ။ ထိုဖြစ်ရပ် အပြီး၌ အိမ်တော်သခင်က သူတို့ကို လျစ်လျူရှုလိုက်ပြီမို့ စားဖိုမှူးဝမ် အန်းခယ့်ရှင်း ကို မြင်လိုက်ချိန်၌ သူမကို မျက်နှာသာမပေးချေ။ သူ သူမကို ပေးလိုက်သည့် အစားအသောက်သည်ပင် ပုံမှန်ထက် နည်းနေပေ၏။
အန်းခယ့်ရှင်း၏ မျက်နှာက အစိမ်းရောင် ပြောင်းသွားလေသည်။
"ဒီလောက်နည်းတဲ့ အစားအစာလေးနဲ့ ငါတို့ ဘယ်လိုလုပ် လောက်နိုင်မှာတဲ့လဲ?စားဖိုမှူးဝမ်...ရှင်က အန်းမိသားစုရဲ့ အစေခံတစ်ယောက်သာသာပဲ ဆိုတာကို မေ့မနေနဲ့!"
စားဖိုမှူးဝမ် က ပြုံးလိုက်၏။
"ဒုတိယသခင်မလေး...ကျုပ် စားဖိုမှူးဝမ်က အန်းမိသားစုရဲ့ အစေခံပါပဲ။ ကျုပ်က ဒီအချက်ကို မေ့မနေပါဘူး...ဒါပေမယ့် သခင်မလေးလည်း သိထားရမှာက ဒီအိမ်တော်ရဲ့ အရှင်သခင်ဟာ သခင်မလေးတို့ သားအမိမဟုတ်ဘဲ သခင်လေးသာ ဖြစ်တယ် ဆိုတာကိုပေါ့။ ကိုယ်လုပ်တော် ကျန်းက ရူးသွားပြီဆိုတော့ ကျုပ်အထင် သူက သိပ်စားစရာမလိုဘူးလားလို့လေ...ဒီတော့ ဘာလို့ အစားအသောက် ဖြုန်းတီးနေရမှာလဲ"
"ရှင်...!"
အန်းခယ့်ရှင်း က အစားအသောက်ဗန်းကို မီးဖိုပေါ်သို့ တွန်းချလိုက်သည်။ အားလွန်သွားသည်မို့ အစားအသောက်များ ဖိတ်ကျသွားလေ၏။
စားဖိုမှူးဝမ်က တစ်ချက်ကြည့်လိုက်ပြီးနောက် သနားဟန်အမူအရာဖြင့် ပြောလိုက်သည်။
YOU ARE READING
ကုန်းမြေကြီး၏ အရှင်သခင်ဝမ်ဖေး( Book - 2)
Historical Fictionအရင် accထဲဝင်မရတော့လို့ Book ခွဲလိုက်ပါပြီ 🙆 ဒါက အပိုင်း ၁ ကနေ ဖတ်လို့ရတဲ့ Linkပါ🖤 https://my.w.tt/7FVYRdnwfcb Book 2 Start Date - 16.12.2020 Book 2 End Date -
