Unicode
Cavine company ရှေ့တွင်ဖြစ်၏ ။
ထိုးရပ်လာသော အနက်ရောင်ကားတစ်စီး၏ နောက်ခန်းထဲမှ
High heel အနီရဲရဲတစ်ရံကို ဝတ်ဆင်ထားသော
ဖြူဖွေးသွယ်လျသည့် ခြေတံတစ်ဖက် အပြင်သို့ ထွက်လာလေသည်။
Driver မောင်းနှင်လာသော ကားနောက်ခန်းဆီမှ
ဟန်ပါပါ ဆင်းလာသော သူမသည် ကြွရွသော ဟန်ပန်ကို
ဆောင်၍ နေကာမျက်မှန်ကို ဆွဲချွတ်လိုက်ပြီးနောက်
Cavine company ကြီးတစ်ခုလုံးကို ခြုံရုံလျှက်
အပြုံးတစ်ခုနှင့် မော့ကြည့်လေ၏ ။
ထို့နောက်တွင်တော့ Body fit dress အထက်မှ
ထပ်၍ ဝတ်ဆင်ထားသော မွေးပွကုတ်အင်္ကျီကို
တစ်ချက်ပင့်တင်လိုက်ပြီး Company ထဲသို့
ဒေါက်ဖိနပ်သံ စည်းချက်ကျစွာဖြင့် ဝင်လာခဲ့လေတော့သည် ။
******************
" တဆိတ်လောက်...
ဒီက CEO Park Chanyeol ကို
ဘယ်မှာတွေ့လို့ ရမလဲ မသိဘူး "
စာတမ်းတစ်ထပ်ကိုကိုင်၍ ခပ်သွက်သွက်လျှောက်နေသော
ဝန်ထမ်းမလေးသည် မိမိပုခုံးကို လှမ်းကိုင်ရင်း မေးလာသော
အမျိုးသမီးကြောင့် ကြောင်တောင်တောင် မျက်နှာပေးလေးနှင့်
လှည့်ကြည့်လေ၏ ။
ထိုအခါ သူမြင်လိုက်ရသည်က CEO တို့ အသက်အရွယ်ခန့်
ရှိနေပြီ ဖြစ်သော်လည်း အပြင်အဆင်က လန်ပျံလွန်းနေလှသော
အဆင့်အတန်း မြင့်ပုံရသည့် အမျိုးသမီး တစ်ဦးကို တွေ့လိုက်ရလေသည် ။ သူမ၏ မျက်နှာထက်တွင်လည်း သိပ်မသိသာသော
အပြုံးခပ်ရေးရေး တစ်ခုကို ချိတ်ဆွဲထားပါ၏ ။
" အာ... ကြိုတင်ချိန်းဆိုထားတာများ
ရှိလို့လားမသိဘူး... "
ဝန်ထမ်းကောင်မလေးသည် ဝတ္တရားအရ အတွင်းရေးမှူးကို
အသိပေးရန် ယဥ်ယဥ်ကျေးကျေးနှင့် မေးလိုက်ခြင်း
ဖြစ်သော်လည်း ထိုအမျိုးသမီးကမူ ထိုမေးခွန်းကို
ကြားသောအခါ မျက်လွှာချသွားရင်း တစ်ချက်ရယ်သံ
ထွက်လာလေသည် ။
မသိလျှင် သူ့မေးခွန်းက ဟာသမြောက်နေသည့်နှယ်ပင် ။
ထို့နောက် ထိုအမျိုးသမီးသည် အပြုံးတစ်ခုနှင့်ပင်
မျက်နှာကို ပြန်မော့လာကာ ပြောလေ၏ ။
