[✔︎] 4 𝐖𝐞𝐞𝐤 𝐅𝐮𝐥𝐥𝐛𝐨𝐝𝐲 𝐓𝐫𝐚𝐧𝐬𝐟𝐨𝐫𝐦 ᵐᵒⁿᵍᵒˡⁱᵃⁿ

ᕙ(⇀‸↼‶)ᕗ

    Өдрийг сайхан өнгөрүүлж байна уу? Амьдрал хэр байна даа? Залхуурч хэвтээгүй биз дээ? Та нартаа найдаж байгаа шүү.

    Өнөөдрийн сонин сайхан гэвэл корона вирусын эсрэг вакцины нэг дүгээр тунгаа хийлгэсэн. Биед маань ямар ч өөрчлөлт байхгүй, эрүүл саруул байгаа. Энэ хэвээрээ хоёр дугаар тунгаа хийлгээд дажгүй дархлаатай болчихвол ч... Би сайн байгаа шүү. Сарын тэмдгийн өвдөлтөөс бусад бүх зүйлс okey.

    За, энэ хэсэгт хэлэхийг хүссэн бүх зүйлээ бичээд, ер нь шаардлагатай гэснээ оруулах болно оо. Өмнөх хэсэг маань жаахан ойлгомжгүй болсон байж магадгүй гэж бодоод, эхнээс нь дуусах хүртэл бүгдийг нь сайн тайлбарлана.

    4 week full body transform зорилго: Турах буюу тодорхой хэмжээнд жин хаях, өөртөө итгэлтэй болох, туршлага судлах, шинэ найзуудтай болох.

    Эхлэх өдөр: Дол дугаар сарын нэгэн.

    Явагдах хугацаа: Дөрвөн долоо хоног буюу хорин найман хоног.

    Зургаан сарын хорин наймны байдлаар миний хараанд өртсөн хүмүүс: @_keiden_, @Luce_lucy, @Junikth_, @ArimBat4, @UnurzulDavaakhuu, @_gracekwb_

    Хэн нэгэн харж, шалгаахад дургүй хүмүүс байвал би шахахгүй ээ. Хэсэг бүр дээр сэтгэгдэл бичих албагүй ч ядаж vote дарж хийсэн гэдгээ мэдэгдэж байгаарай. Ер нь vote дарсныг энэ аянд нэгдсэн гэж ойлгоно шүү. Аль нь таалагдаж байна, аль нь таалагдахгүй болохгүй байна гэдгээ шуудхан хэлчхээрэй. Нялуунаас шулуун нь дээр.

    Энэ challenge-г бүтээсэн хүн: Emi wong. Мэдэхгүй хүмүүст зориулаад энэ хөөрхөн, мундаг эгчийг танилцуулж өгье. Эми 2017 онд YouTube дээр анхны бичлэгээ байршуулсан бөгөөд өдийг хүртэл fitness routine, аяллын влог, дэглэм барих тухай зөвлөмж, гоо сайхны хэрэгтэй бичлэгүүд хийсээр YouTube дээр аль хэдийн дөрвөн саяыг давсан дагагчтай болоод байна. Тэрээр 1992 оны 1 сарын 20-нд төрсөн.