SEE THROUGH IT (Published under Ukiyoto Publishing House)

PROLOGUE

JESSICA POV

May iba't ibang klase ng kamatayan. May natural death, may accident, may suicide, homicide at undertermined, o hindi pa tukoy ang sanhi ng pagkamatay.

Bilang isang doktor, nakasanayan ko nang masaksihan ang iba't ibang uri ng kamatayan ng isang tao na dinadala dito sa hospital kung saan ako nagta-trabaho bilang isang cardiologist.

Minsan pa nga, kausap mo lang siya ngayon. Bukas, makikita mo nalang siya na dinadala na sa morgue sakay ng stretcher.

Ang kamatayan ang pinaka-mahirap pigilan. Hindi mo alam kung kailan ka susunduin ng anghel ng kamatayan, maaring mamaya, bukas, sa susunod na linggo, buwan o taon. Kahit gaano pa katagal ang kaniyang pagdating, ay susunduin ka parin niya.

"El angel de la muerte esta aqui," sambit ko na ang ibig sabihin ay 'The Angel of Death is here' nang maramdaman ko ang kakaibang ihip ng hangin. Kahit sarado naman ang bintanang salamin dito sa opisina ko.

"Ayan ka na naman, Jaja. Nananakot kana naman," saad ng kaibigan kong si Roce na isang Pediatrician.

Kaklase ko siya magmula high school ay sabay namin pinangarap na maging isang mahusay na doctor, kaya naman nang parehas na kami makapagtapos sa kursong medisina, ay sabay din kaming nag-apply ng trabaho sa hospital kung saan mag-lilimang taon na kaming nagta-trabaho.

"Hindi kita tinatakot. For sure, may umiiyak na naman sa mga oras na 'to." Seryosong pagkakasabi ko habang nakikiramdam ako sa mga susunod na mangyayari.

"Hindi mo ba talaga kayang kausapin 'yang angel of death na 'yan na nagpapakita sa'yo? sabihin mo, next time nalang,"

"Kung pwede nga lang eh, edi sana matagal ko nang ginawa. Edi sana, hanggang ngayon buhay pa ang kapatid ko." Malungkot na saad ko nang sandaling sumagi sa isip ko ang wangis ng bunso kong kapatid na si Irene na namatay sa sakit na cancer, na siya rin dahilan kung bakit ko ninanis na kumuha ng kursong medisina.

Tanging ang matalik ko na kaibigan na si Roce ang nakakaalam sa aking sikreto.

Minsan nga, napapatanong ako sa sarili ko kung bakit binigyan ako ng ganitong klaseng kakayahan, gayon wala rin naman pala akong magagawa upang mapigilan ang kamatayan ng isang tao.

"La muerte no es lo opuesto a la vida, sino una parte de ella."