အောက် ထပ်ဆင်းပြီး မုန့်သွားရွေးရဲ့ ကောင်လေးက ကြာနေတာနဲ့ စိတ်ပူပြီး လိုက်သွားမိတော့ မုန့်တွေ ထည့်ထားတဲ့ မှန်ဗုံးတွေရှေ့မှာ ခေါင်းကုပ်လိုက် နှုတ်ခမ်းလေးဆူလိုက်နဲ့ မုန့်တွေကို ရွေးရခက်နေတာ ထင်ပါရဲ့။
ဆူနေတဲ့ နှုတ်ခမ်းလေးကို တချက် လက်ကလေးနဲ့ ဖွဖွလေးရိုက်မိတော့ ဆူပုတ်ပုတ် မျက်နှာပေးနဲ့ ပြန်ကြည့်လာသည့် ဂျယ်ယွန်း
" ဘာလဲ ဘာကြည့်တာလဲ "
ခပ်တည်တည်နဲ့ ပြတ်ပြတ်သားသား ပြောလိုက်တဲ့ ဂျေးရဲ့ လေသံကြောင့် ဆူပုတ်နေတဲပ မျက်နှာလေးက အနည်းငယ်ညှိုးသွားသည်ကို သတိထားလိုက်မိသည်။ စိတ်မကောင်းများ ဖြစ်သွားတာလား။
ညှိုးငယ်ပြီး ခေါင်းငုံ့သွားတဲ့ မောင့်ရဲ့ ပါးပြင်လေးကို အသာလေး ကိုင်ရင် မော့စေတော့ puppy မျက်လုံးလေးတွေနဲ့ မျက်ရည်စတွေစို့လျက် ပြန်ကြည့်လာတော့ ရင်ထဲ နစ်ခနည်း ခံစားလိုက်ရသည်။ သူပြောလိုက်တာကို စိတ်မကောင်းဖြစ်သွားတာလား။ သူ့ကို ကြောက်သွားတာလား။ ဒီလိုလေး စချင်လို့ ပြောလိုက်တာကို တကယ် ဝမ်းနည်းသွားတဲ့ မောင်က ချစ်စရာကောင်းလွန်းသည်။ ဒီလို အကြည့်လေးတွေနဲ့ သူမဟုတ်တဲ့ တစ်ခြားသူကို ကြည့်လိုက်ရင် အကြည့်ခံရတဲ့ သူတွေက ကြွေဆင်းသွားပြီး ချစ်ကုန်တော့မှာပေါ့။
" အာ.... ဘာလို့ လဲ မောင်ရယ် ဘာလို့ မျက်ရည်တွေဝဲနေတာလဲ "
" ရိုက်လို့လေ "
သေးငယ်တဲ့ အသံလေးနဲ့ ပြန်ပြောလာတော့ မကြားရတာနဲ့ အရှေ့ကို အနည်းငယ် ကိုင်းညွတ်လိုက်တော့ ရုတ်တရက် ပါးပြင်ပေါ်သို့ ပူပူနွေးနွေး နှုတ်ခမ်းတစ်စုံရဲ့ နူးညံ့တဲ့ အနမ်းလးတစ်ပွင့်ကို ရလိုက်သည်။
ကိုင်းညွတ်ထားတဲ့ ခန္ဓာကိုယ်ကို ပြန်တည့်မတ်ပြီး ပေကလည်ပေကလည်နဲ့ လာကြည့်သည့် ဂျေးကို ကြည့်ပြီး ရယ်မိသွားသည်။
သူ့အရှေ့က ရယ်နေတဲ့ လူကောင်သေးသေးလေးကို ခါးကနေ ဆွဲဖက်လိုက်တော့ ရင်ခွင်ထဲ ဝင်လာတဲ့ ကောင်လေး
" ဘာလို့နမ်းလိုက်တာလဲ ကိုယ့်ကို ဟမ် "
ခါးလေးကို ဂလိထိုးလိုက်တော့ တီကောင်ဆားပတ်သလို တွန့်လိမ်တွန့်လိမ်နဲ့ ရင်ခွင်ထဲ ရယ်နဲ့တဲ့ ကောင်လေး
