کُو بہ کُو پھیل گئ بات شناسائ کی
اُس نے خُوشبو کی طرح میری پذیرائ کی
کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائ کی
وہ کہیں بھی گیا، لوٹا تو میرے پاس آیا
بس یہی بات ہے اچھی میرے ہرجائ کی
تیرا پہلو، تیرے دل کی طرح آباد رہے
تجھ پہ گزرے نہ قیامت شبِ تنہائ کی
اُس نے جلتی ہوئ پیشانی پہ جب ہاتھ رکھا
روح تک آ گئ تاثیر مسیحائ کی
اب بھی برسات کی راتوں میں بدن ٹوٹتا ہے
جاگ اٹھتی ہیں عجب خواہشیں انگڑائ کی
-پروین شاکر -
♦♦♦♦♦♦♦♦♦♦♦♦♦♦♦
Ku ba ku phel gayi baat shanasai ki
Us ne khushbu ki tarah meri pazeerai ki
Kaise keh doon k mujhe chor diya hai us ne
Baat tou sach hai magar baat hai ruswai ki
Wo kahin bhi gaya, lauta tou meray paas aaya
Bas yehi baat hai achi meray harjai ki
Tera pehlu, teray dil ki tarah aabaad rahay
Tujh pe guzre na qayamat shab e tanhai ki
Us ne jalti hui peshani pe jab haath rakha
Rooh tak aa gayi Taaseer maseehai ki
Ab bhi barsaat ki raaton main badan toot'ta hai
Jaag uth'ti hain ajab khwahishain angrai ki
- Parveen Shakir -
