چشمِ نم، جانِ شوریدہ کافی نہیں
تہمتِ عشق پوشیدہ کافی نہیں
آج بازار میں پابجولاں چلو
دست افشاں چلو، مست و رقصاں چلو
خاک برسر چلو، خوں بداماں چلو
راہ تکتا ہے سب شہرِ جاناں چلو
حاکمِ شہر بھی، مجمعِ عام بھی
تیرِ الزام بھی، سنگِ دشنام بھی
صبحِ ناشاد بھی، روزِ ناکام بھی
اُن کا دم ساز اپنے سوا کون ہے
شہرِ جاناں میں اب باصفا کون ہے
دستِ قاتل کے شایاں رہا کون ہے
رختِ دل باندھ لو، دل فگارو چلو
پھر ہمیں قتل ہو آئیں، یارو چلو
- فیض احمد فیض -
♦♦♦♦♦♦♦♦♦♦♦♦♦♦♦
Chashm e nam, jaan e shoreeda kafi nahi
Tohmat e ishq posheeda kafi nahi
Aaj bazaar main pa-ba-jaulaan chalo
Dast afshaan chalo, mast o raqsaan chalo
Khaak bar-sar chalo, khoon bad-amaan chalo
Raah takta hai sab shehr e janaan chalo
Hakim e shehr bhi, majma e aam bhi
Teer e ilzaam bhi, sang e dushnaam bhi
Subh e na-shaad bhi, roz e na-kaam bhi
Un ka dam-saaz apne siva kaun hai
Shehr e janaan main ab ba-safaa kaun hai
Dast e qatil ke shayaan raha kaun hai
Rakht e dil baandh lo, dil figaaro chalo
Phir humi qatl ho aayein, yaaro chalo
- Faiz Ahmed Faiz -
♦♦♦♦♦♦♦♦♦♦♦♦♦♦♦
Nothing makes me miss Pakistan more than Faiz ki shayari...
