اہلِ ذوق

اب کے ہم بچھڑے

اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں

ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں

!غمِ دنیا بھی غمِ یار میں شامل کر لو
نشہ بڑھتا ہے شرابیں جو شرابوں میں ملیں

تُو خدا ہے نہ مِرا عشق فرشتوں جیسا
دونوں انسان ہیں تو کیوں اتنے حجابوں میں ملیں

!آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں

اب نہ وہ میں ہوں نہ تُو ہے نہ وہ ماضی ہے فراز
جیسے وہ سائے تمنا کے سرابوں میں ملیں


- احمد فراز - 

♦♦♦♦♦♦♦♦♦♦♦♦♦♦♦

Ab k hum bichre tou shayad kabhi khwabon main milein
Jis tarah sookhe huay phool kitaabon main milein

Dhoond ujre huay logon main wafa k moti
Yeh khazane tujhe mumkin hai kharabon main milein

Ghum e dunya bhi ghum e yaar main shamil kr lo!
Nasha barhta hai sharabein jo sharabon main milein

Tu Khuda hai na mera ishq farishton jaisa
Donon insaan hain tou kyun itne hijaabon main milein

Aaj hum daar pe kheenche gaye jin baaton per!
Kya ajab kal wo zamane ko nisaabon main milein

Ab na wo main hoon, na tu hai, na wo mazi hai Faraz
Jaise wo saaye tamanna k siraabon main milein


- Ahmed Faraz - 

♦♦♦♦♦♦♦♦♦♦♦♦♦♦♦


Aaj k din ke naam...