دن کو مسمار ہوئے رات کو تعمیر ہوئے
خواب ہی خواب فقط روح کی جاگیر ہوئے
عمر بھر لکھتے رہے پھر بھی ورق سادہ رہا
جانے کیا لفظ تھے جو ہم سے نہ تحریر ہوئے
یہ الگ دکھ ہے کہ ہیں تیرے دکھوں سے آزاد
یہ الگ قید ہے، ہم کیوں نہیں زنجیر ہوئے
دیدہ و دل میں ترے عکس کی تشکیل سے ہم
دھول سے پھول ہوئے رنگ سے تصویر ہوئے
کچھ نہیں یاد کہ شب، رقص کی محفل میں ظفر
ہم جدا کس سے ہوئے کس سے بغل گیر ہوئے
- صابر ظفر -
♦♦♦♦♦♦♦♦♦♦♦♦♦♦♦
Din ko masmaar huay raat ko taameer huay
Khwab hi khwab faqat rooh ki jageer huay
Umr bhar likhte rahay phir bhi warq saada raha
Janay kya lafz thay jo hum se na tehreer huay
Yeh alag dukh hai k hain teray dukhon se azaad
Yeh alag qaid hai hum kyun nahi zanjeer huay
Dareeda o dil main teray aks ki tashkeel se hum
Dhool se phool huay rang se tasveer huay
Kuch nahi yaad k shab, raqs ki mehfil main Zafar
Hum juda kis se huay kis se baghal-geer huay
- Sabir Zafar -
♦♦♦♦♦♦♦♦♦♦♦♦♦♦♦
Janay kya lafz thay jo hum se na tehreer huay...
