اہلِ ذوق

بڑی دیر سے چپ ہیں

انکار نہ اقرار بڑی دیر سے چپ ہیں
کیا بات ہے سرکار بڑی دیر سے چپ ہیں

آسان نہ کر دی ہو کہیں موت نے مشکل
 روتے ہوئے بیمار بڑی دیر سے چپ ہیں

اب کوئ اشارہ ہے نہ پیغام نہ آہٹ
 بام و در و دیوار بڑی دیر سے چپ ہیں

ساقی یہ خموشی بھی تو کچھ غور طلب ہے
 ساقی ترے میخوار بڑی دیر سے چپ ہیں

یہ برق نشیمن پہ گری تھی کہ قفس پر
مرغان گرفتار بڑی دیر سے چپ ہیں

اس شہر میں ہر جنس بنی یوسف کنعاں
 بازار کے بازار بڑی دیر سے چپ ہیں

پھر نعرۂ مستانہ فراز آؤ لگائیں
 اہل رسن و دار بڑی دیر سے چپ ہیں

 -احمد فراز -

♦♦♦♦♦♦♦♦♦♦♦♦♦♦♦

Inkaar na iqrar bari dayr se chup hain 
Kya baat hai sarkar bari dayr se chup hain

Aasaan na kr di ho kahin maut ne mushkil 
Rotay huay beemar bari dayr se chup hain

Ab koi ishara hai na peghaam na aahat
Baam o dar o deewar bari dayr se chup hain

Saqi yeh khamoshi bhi tou kuch ghour talab hai
Saqi teray maikhwar bari dayr se chup hain

Yeh barq nasheman pe giri thi k qafas per
Murghaan giraftaar bari dayr se chup hain

Is shehar main har jins bani Yusuf e Kan'aan
Bazaar k bazaar bari dayr se chup hain

Phir naara e mastana Faraz aao lagayein
Ahl e rasan o daar bari dayr se chup hain


- Ahmed Faraz -