اہلِ ذوق

بول

بول، کہ لب آزاد ہیں تیرے

بول، زباں اب تک تیری ہے

تیرا سُتواں جسم ہے تیرا

بول، کہ جاں اب تک تیری ہے

دیکھ، کہ آہن گر کی دُکاں میں

تُند ہیں شعلے سرخ ہے آہن

کھلنے لگےقفلوں کے دہانے

پھیلا ہر اِک زنجیر کا دامن

بول، یہ تھوڑا وقت بہت ہے

جسم و زباں کی موت سے پہلے

بول، کہ سچ زندہ ہے اب تک

!بول، جو کچھ کہنا ہے کہہ لے


- فیض احمد فیض -

♦♦♦♦♦♦♦♦♦♦♦♦♦♦♦

Bol, k lab azaad hain teray

Bol, zabaan ab tak teri hai

Tera sutwaan jism hai tera

Bol, k jaan ab tak teri hai

Dekh, k aahan-gar ki dukaan main

Tund hain sholay surkh hai aahan

Khulne lagay quflon k dahaane

Phela har ik zanjeer ka daaman

Bol, yeh thora waqt bohat hai

Jism o zabaan ki maut se pehle

Bol, k sach zinda hai ab tak

Bol, jo kuch kehna hai keh le!


- Faiz Ahmed Faiz -