وہ بلائیں تو کیا تماشہ ہو
ہم نہ جائیں تو کیا تماشہ ہو
یہ کناروں سے کھیلنے والے
ڈوب جائیں تو کیا تماشہ ہو
بندہ پرور جو ہم پہ گزری ہے
ہم بتائیں تو کیا تماشہ ہو
آج ہم بھی تیری وفاؤں پر
مسکرائیں تو کیا تماشہ ہو
تیری صورت جو اتفاق سے ہم
بھول جائیں تو کیا تماشہ ہو
وقت کی چند ساعتیں ساغر
لوٹ آئیں تو کیا تماشہ ہو
- ساغر صدیقی -
♦♦♦♦♦♦♦♦♦♦♦♦♦♦♦
Wo bulayein tou kya tamasha ho
Hum na jayein tou kya tamasha ho
Yeh kinaaron se khelne walay
Doob jayein tou kya tamasha ho
Banda-parwar jo hum pe guzri hai
Hum batayein tou kya tamasha ho
Aaj hum bhi teri wafa'on par
Muskuraein tou kya tamasha ho
Teri surat jo ittefaaq se hum
Bhool jayein tou kya tamasha ho
Waqt ki chund saa'atein Saghar
Laut aayein tou kya tamasha ho
- Saghar Siddiqui -
