🖤جحيم الجسد🖤

🖤4🖤

هز يدو حطها على خدها بالشوي قلبو يحس فيه بش يخرج من بلاصتو ليها ربع ساعة هكا يحاول يصبر روحو اما مينجمش جاب كاس ماء بدى يطش فيها بالشوية بدات تحل في عينيها اول ما شافتو تنفضت بعدت عليه تنهد شدها من يدها
أيهم:لباس توا ؟
هزت راسها الفوق و لوطا معناها اي
أيهم:اشرب هذا
اعطاها كاس مع حربوشة
هتون:منحبش ....
هز راسو غزرلها غزرة قاسية عللخر تنهدت هزت الحربوشة و شربتها ضمت ساقيها لصدرها و بقات قاعدة على حافة الفرش .... تنهد
أيهم:اقرب
جات بش تقلو لا خافت ليغزرلها بنفس غزرة قبيلة قدمت بالشوي و قعدت بحذاه مهبطة راسها تغزر للقاع تنهد بقى يثبت في ملامحها شعرها كان هابط على عينيها الحلويين شفايفها يرعشو تلعب بيديها بتوتر بقى يثبت فيها حب يقلها برشاا حاجات .... حب يفرغ المشاعر الي في قلبو متخبين اما فما حاجة منعتو انو يعبرلها تنهد و قام جا ماشي يسمع في صوتها الضعيف
هتون:انجم نسألك ؟
دار غزرلها و تقابلت عينيها بعينيه هز راسو الفوق و لوطا معناها تفضل
هتون:شنية الهدف متاعك ؟ علاش هزيتني لدارنا ..... بش نودعهم ؟ خاتر انتي بش تقتلني ولا شنية الحكاية
استفزتو من داخل النار شعلت فيه اما بقى محافظ على الهدوء متاعو
أيهم:ارتاح شوية ... كان احتجت اي حاجة تلقاني في الصالة
سكر الباب وراه .... هبطت قعدت على القاع ضمت ساقيها لصدرها ولات عايشة في خوف كبير ولات كل ما يقربها تبعد جري .... حركة لا ارادية بالنسبة ليها
هبط للصالة رمى بدنو على الكنابي جبد دبوزة الشراب صب في كاس و بقى يشررب يتذكر في كلامها في عينيها الي كاانت تتجرى بيهم اما هو يغزرلها و مش حاس بوجيعتها جملة
صحيح تفجع كي داخت هبل في مخو ما لقى مايعمل كان تجرالها حاجة ميسامحش روحو ... يحبببها مزااال يححبها مع انها السبب تدمير حياتو ووصولو للمرحلة هذي شنقل راسو لتالي بقى يغزر للسقف .... و يتذكر
#flash_back
قعد في المدرج فوقها بالضبط يشوف فيها كيفااه تركح في مكياجها حط يدو على خدو يغزرلها و يتبسم كل يوم يزيد يعشقها و يعشق كل شي فيها .... جات صاحبتها قعدت بحذاه
سوار:هههههه ويينك ؟؟؟ متسإلش عليا زايد
سكرت سااكها بفدة حطت يدها على خدها و تبسمت بالسيف
هتون:شنية ملقيت منعمل بش نسال عليك ... ربي معاك واكاهو
سوار:زايد انااانينة اما نبقى نحبك
هتون:تي نفدلك عليك تتغشش عاد
تلفتت غزرت لأيهم ضحكت زادت قربت من هتون
سوار:المثقف يغزرلك
دارت تغزرلو وهو هبط طول راسو يغزر للكتاب
هتون:هههههه خليه يغزر محسووب
سوار:تي والله يححبك ... مش يحبك بركا يعشقك
هتون:اي و شنية المطلوب مني انا ؟ نحبو ؟
سوار:عالاقل احكي معاه
هتون:هههه علااه تحبو ينتحر الطفل تو نعرف كيفاه نتصرف معاه ... خطبتي بعد جمعة راي منيش بش نبقى لاهية في المفرخ
خرجو من المحاضرة ايهم هز كتبتو و خرج وراها مهبط راسو كي شافتو تلفتت لسوار غمزتها و لحقت عليه
هتون:ايهم ايهم
كي سمع صوتها تبسم و دار
أيهم:وي هتون
هتون:سامحني كان قلقتك اما اليوم عاملة حفلة في الفيلا متاعنا حبيت نستدعاك كان معندكش مانع بالطبيعة
أيهم:باهي .... ميسالش
قالها من غير حتى ما يخمم تبسمت قدمت باستو من خدو و طارت هز يدو حطها على خدو  ... تبسم باستو  و زيد تحب تستدعاه للحفلة هذي اول خطوة ليه اما مكانش يعرف شنية نهايتها..