حست براسها رزين و نفسها كيفكيف ... وخرت خطوات لين خرجت ... و هربت ... كبس على يدو وقف ال ascenseur و جرى وراها جبدها من مرفقهاا بكل عنف ... تنهدت ...
غزل:سيبني ...
حمرتلو عينيهاا .. كانت كابسة بدنها مش حاس الروح فيه جملة ... يغزرلها و يثبت فيها يلقااش غزل القديمة ...
تبسم ... تبسيمة استفزتها شعلتلها ناار في قلبها ... بقى يتأمل فيها ثواني ... اما ملقااش الطفلة الي رباها بين يديه
غزل:هاااااااي ... (صاحت ...) قتلككك بعد يدكككك ...
مراد:نقص من الصياح ...
قالها ببرود و هي قاعدة تحاول تبعد يدها ... حستها مخدرة كابس ليها قريب بش يقسمها في زوز ... ولات توجع فيها برشاا ... غمضت عينيها و حلتها
غزل: توجع فيا ... سيبني ...
قالتها بنوع من الحنية ... وقتها سيبها
نفخت بالقووي ... هزت صبعها تنبه فيه
غزل:اخر مرة ...
مراد:ولاا شنية ؟؟
جات ماشية رجع جبدها ... دور يديه الزون كبسلها على حزامهاا بالقوي ...
مراد:مافمااش مشي لحتى بلاصة
بلعت ريقها بالسيف .. خذات نفس تحاول ترجع قوتها اما تلقى روحها ضعفت علخر ...
غزل:نكككرهك ..
قالتها بغل كبيير و فلتت روحها منو ..
غزل:اي و هااك لقيتني ... و مبعععد ؟؟
ضحك عض على شفتو اللوطانية ...
مراد:اش تعمل هنا ؟
غزل:علاااااش تسأل ؟؟؟؟؟؟
رجعت شعرها لتالي و مشاات ... حس بدنو تخدر بش يمشي و يشدهااا يرجعها ميخليهاش تبعد عليه اما هي مشات ... او بالاحرى مشات تخبي في دمعة هبطت على خدها ... 🥺
#قبل_8_سنين 🌸🌸
وقفت قدام الشباك تغزر للمطر هزت راسها تتأمل في السماء و حاطة يدها على كرشهاا ... تتبسم وحدها ... أحلى خبر في حياتها سمعتو اليوم .. زعما كي يسمع الي هي مخبية في اعماقها قطعة منو ... شنية بش تكون ردة فعلو ؟؟ ... متشوقة برشااا و خايفة برشاا من الرفض ... كان يوعدها ديماا انو بش يعرس بيها و يبنيو دار مع بعضهم اما ما فات شي توا ... تسمع في الباب تحل بعنف ... دخل يجري ساقيه اعلى من راسو كي شافتو في الحالة اذيكاا تفجعت قلبها طاح ... حست الي فما حاجة ...
غزل:مراد ... لباس ؟؟؟؟
مجاوبهااش ... حل الاقجرة جبد مسدس حطو في ساكو و فاليز بكلها فلوس حطها كيفكيف ... قربت منو و بدنها يرعش
غزل:اشفما مراااد ؟؟؟؟؟؟ ...
قام ... غزرلها في عينيها قدم حط يديه على اكتافهاا ...
مراد:غزل ... ساامحني كاهو ... انا في ورطة كبييرة ... كان تبقى معااايا تتضر ... (حل ساكو و جبد الفاليز ... و هي قلبها يضرب في الألف و مش فاهمة شي ... جبد فلوس حطهم في يدهاا ... شدلها وجها بين يديه ) نحححبك برشاااا ... اكثر من روحي ... اتذككر هذا كاهو ...
#نرجعو_للحاضر🌸🌸
خرجت من البيرو هازة البرتابل ... تمشي و تتلفت يمين و يسار ... يديها يرعشو ... اصلااا بدنها الكل يرعش و مخها داخل في حيط ... قلبها يدق بالقوووي ... و برشاا توتر ... خرجت من الاوتيل سلامات ... ركبت مع ايهم في الكرهبة ... جسد بلا روح ... متلفتلهااش اصلاا .. مخو مش معاه جملة ... مع هتون الي مستانسة كل شوية تطلبو ولا حتى تبعث ميسااج ... اول ما شاف وجها عرف الي ورا ملامحها اذيكاا حكاية ... حطت راسها على الشباك وهو فاق على روحو تنهد و خدم الكرهبة ...
غزل:مع وقتاش الاجتماع ؟
ايهم:normalement الصباح ... توا نطلب ..
غمضت عينيها ... كيفاه بش تنجم تقابلو غدووة ... اصلا بأي وجه بش تقابلو تحب تبكي بالقووي تفرغ الي في قلبها ... اما ديما تبقى متماسكة قدام ايهم و باقي النااس ... مسيطرة عليها حاجات متناقضة مش فاهمة شنية هي من اصلو ... ندم ... حيرة ... اشتياق ... حححب ... راسها تحس فيه يزنزن من كثر التخمام ... وقف الكرهبة قدام دارو.. جود اول ما سمع صوت الكرهبة خرج يجري ... غزل هبطت بالسيف سكرت الباب كي لقاتو جاها حلت يديها وهو ترمى في حضنها ... شدت تبوس فيه من خدو و يديه ... بعدت عليه دقاايق توحشتو برشاااا ...
غزل:يا روح ماما ... لباس ؟؟
جود:اييييي ... لعبت مع تاتا هتون
غزل:ايا باهي المهم تفرهدت ... ايهم خلينا نمشي
ايهم(عقد حواجبو):توا انا نوصلكم
غزل:لا خلي ... نحب نشم شوية هواء ... مش هكا جود
جود:ههههه اي هكا ...
قرب منو ايهم لعبلو بشعروو ...
ايهم:تنساش تجي غدوة عاد...
ضحكلو وهز راسو الفوق و لوطا معناها بااهي ... و مشاو
تنهد و رجع للدار ... سكر الباب وراه ... هتون كانت في بيت النوم قاعدة قدام المراية تلهات مع جود و نسات همها الكل ... اول مرة تضحك من قلبها و تنشرح ... ايهم طلع بحذاها حل الباب تنهد و قعد بحذاها شدلها يديها الزوز ...
أيهم:حبيبتي .... اغزرلي
غمضت عينيها و حلتهم غزرتلو ... تبسم عدا يدو بالشوي على خدها ...
أيهم:احكيلي ... اشفما ؟؟
هتون:أيهم ما فماا شي ... (بعدتلو يدو وهو تنهد بالقوي ... اول مرة تعمل الرياكسيوون هذي ) ...
اصلاا صدمتو ... بقى يغزرلها مش فاهم ... بعدت عليه و مشات تكمشت في اخر الفرش ...
أيهم:تعبت من الخدمة اكيد ... ارقد شوي ...
هو خرج و هي تطرشقت بالبكااء غرست راسها في المخدة و تبكي ... حط راسو على الباب و كبس على يدو ... مش فاهم التغير هذاا منين و جا ...
الصباح كانت عادي ... و اكثر من عادي ... توا تقلبت لسبب مجهول بش يخليه فايق ليلة كاملة ...
أنت تقرأ
🖤جحيم الجسد🖤
Acción.. عشاااااق الاانحرااااااف امااا هذا انحراااااف من نوع آخر بش يكسر اااالحدود 🔞😍😈😈😈😈 عشااق الاكشن 💓 عشااق الدراما 😘 .... اتلموولي هنا #جحيم_الجسد 🚨🔞🔞 كروووونيك تجمع بيين ... انتقاااام 🔥🔥 ... عذاااااب 💔❌❌ .. ماااااافيا 🔇💊💉💸🔪...
