يبدا الحب❤ ... بغزرة ... بتأمل ... بتبسيمة خفيفة نابعة من القلب ... بتنهيدة تخرج من الاعماق ... بدقات تضرب في صدرك بقووة ... من غير ما تشعر ... تحب 🌺🌺
كان قاعد في اخر مدرج .. حاط الكاسك يسمع في اغاني مايكل جاكسون كالعادة ... جاسر تعدا من بحذاه قعد قدامو فجعو ... نحى الكاسك
جاسر:ههههههه الله لاتقطعلنا عادة ... يا بوهالي
كالعادة كلاها في عظامو و سكت ... رجع الكاسك و سرح مع الغناية ...الباب تحل ... واول ما تحل قلبو دق بالقووي ... ميعرش علاش ... حاجة غريبة سيطرت عليه ... دخلت ... تمشي بكل ثقة ... الاولاد الكل تلفتو و عينيهم تحلت ... زادت عدات يدها على شعرها بالشووي ... دوختهم ... ايهم بقى حابس ... يغزرلها حتى كي غزرتلو على غفلة ماهبطش راسو جملة ... تنهدت و قعدت من القدام ... ااه خرجت من اعماق قلبو ... الاستاذ دخل وهو مافاقش بيه جملة ... يغزرلها ماهبطش عينو ... مارمشش لحظة ... حس قلبو حبس ... بدنو تكونساا ... الاستاذ طلع للمدرج هبط راسو بالشوي
الاستاذ:سي بن احمد ... تنجم تنحيه؟ (يشيرلو بصبعو للكاسك ... وقتها فاق طوول نحاه و هبط راسو ... )
ايهم:س ... سامحني استاذ
هز راسو يلقى هتون تغزرلو بلا مبالاة ... و رجعت تكتب في ملاحظات الاستاذ ... بلع ريقو ... ساعتين ماكتبش فيهم حرف ... يرسم ... يرسم في وجها الي ظاهر منو شوية ... مخبيه شعرها المستصفر الهابط على اكتافها ... تنهد و حط الرسمة قدامو يغزرلها ... تبسيمة ترسمت على وجهو ... الطلبة بداو يخرجو ... و الي سرقتلو قلبو معاهم ... هزت كتبتها و خرجت ... قام من بلاصتو يتنهد ... ترمى عليه جاسر اعطاه ضربة لا تقرى لا تكتب على كتفو ...
جاسر:بووهالي ... تحب تجي معانا العشية ؟؟؟ عاملين سهرية هباال ولاد كاهو ... ههههه بالطبيعة فما كعيبات بنات ايا ايجا ايجاا ندبرولكش وحدة !
ايهم:لا منجمش .. بش نمشي للمكتبة العشية ...
جاسر:ههههههههههههه .. اتهنى منااش نستناو فيك بش تمشي معانا ..
ضحك هو و الاولاد معاه ... و خرجو .... هبط ووقف بحذا المدرج متاعها ... يشوف في برتابل مرمي في القاع ... اكيد متاعها خاتر شافو عندها ... تبسم ... طول هبط هزو و خرج طااير ... يجري و يضحك ... اخييرا بش ينجم يغزر لعينيها الزرق مرة اخرى ... يجري لين دهم في جاسر و جماعتو
جاسر:يا خراااا متحلش ** عينيك ...!
اما هو مش هنا جملة ... هابط في الدروج يجري .... وقف كي شافها في نص الكلوار ... ظاهرة تستنى في شكوون ... هزت يدها ....عداتها على شعرها ... تبسم تبسيمة خفيفة ... خذاا نفس عمييق ... و هي مشات ... طوول لحق عليها جري ... جبدها من مرفقها ... الكورون ضرب في بدنو ... دارت بالشوي... و تقابلت العين في العين
#نرجعو_للحاضر💔💝
جبدتو من مرفقو ... الكورون ضرب في بدنو ... بلع ريقو ... دار بالشوي ... و تقابلت العين في العين ... 👀 بقات غارقة في لون عينيه ... تحس كي تغزر لأعماقو تشوف دنيا اخرى ... تنهدت ... خرجت اااه من قلبها ... رسمت تبسيمة خفيفة
هتون:ماكش بش تقول شي ؟
حط يديه في جيوبو ... عض على شفتو اللوطانية ... و رجع يغزرلها
ايهم:وفات مسرحيتك ؟
نبرة صوتو باردة كالعادة ... هبطت راسها ... كبست على يدها و حست بضوافرها الي تغرسو في كفها ...
هتون:مسرحية!
ايهم:مالا شتسمي فيها ... لامة الناس الكل و قاعدة تثبت في شخصيتي الهشة قدامهم ... ههههه احنا خدعناه ورطناه في عملية سرقة هو بريء منها دخلناه للحبس ... وتوا بعد سنوات لمينا بعضنا و نحبو نعتذرو للشخص هذا ... سامحنا باللهي ! ... هتون ... في جانب الغرور مزلت كيف ما انتي ... تقلل من قيمة الشخص ... تخمم في مصلحتك ... في صوورتك قدام الناس ... صحيح لازم للانسان يخمم في صورتو ... اما مش بالضرورة بالطريقة هذي ... المشكلة في تفكيرك انتي
هتون(قصت عليه):لااا ... مش المشكل في تفكيري ... نعرف كيفاه نخمم و كيفاه نتخذ قراري ... انتي عملتني هذا ... بدلتني .. خليني نكون صريحة ... كل ما تزيد تبعد ... قلبي يزيد يتشبث بيك ... نحيا و نموت وحدي ... حبيتك أيهم
بقى يغزرلها و سارح مع ملامح وجها ... تنهدت ... قدمت خطوة ... شدتلو يدو بالشوي ... كان يتبع في حركاتها و قلبو يدق بالقووي ... حطتها على كرشها ...بلع ريقو ... حس روحو ضعف برشاا ... يحب يضمها ليه يعصرهاا بين يديه ... توحشها برشا .... يدو المحطوطة على كرشها ... يتحسس فيها بالشووي ... يحاول يلقى قطعة من روحو متخبية في اعماقها ...
هتون:و هذا ؟ ... شنية ذنبو؟ احكي ايهم ... اغزرلي في عينيا قلي شنية ذنبو كاهو
ايهم(غزرلها):ماعندوو حتى ذنب ... (بعد يدو .... مع انو تمنى يزيد يبقى اكثر حااط يدو على كرشها) و مش بش يكون عندو ذنب اما يبقى الطلاق هو الحل الوحيد المناسب انا الي بش نضرك برشا و نضر الصغير ... كوني بعيد عليك ... احسن
هتون:أحسن؟ ترضاني نمووت كل يوم ... كيفاه تحبني نحكي معاك و نفهمك ... انتي انسان ... متناقض برشا .... مرة تظهر الي انتي تحبني ... مرة ناسيني ... مرة تحب تبعد عليا ...منيش فاهمتك!
ايهم:نعترف .... انا نحبك ... نعشقك 💘... الي قاعد نعمل فيه توا على مصلحتك منحبش ندمرلك حياتك ... ربما نكون مريض ... ربما نوجعك ... نعذبك نفسيا وجسديا ... اما كي نشووف دموعك نتحرق ... نتعذب من الداخل ... ربي كاهو يعلم بحالي ... اسمع الكلام هتون ... انساني ....
أنت تقرأ
🖤جحيم الجسد🖤
Azione.. عشاااااق الاانحرااااااف امااا هذا انحراااااف من نوع آخر بش يكسر اااالحدود 🔞😍😈😈😈😈 عشااق الاكشن 💓 عشااق الدراما 😘 .... اتلموولي هنا #جحيم_الجسد 🚨🔞🔞 كروووونيك تجمع بيين ... انتقاااام 🔥🔥 ... عذاااااب 💔❌❌ .. ماااااافيا 🔇💊💉💸🔪...
