🖤جحيم الجسد🖤

🖤13🖤

وقفت التاكسي قدام الفيلا ... وقفت قدامها ... خذات نفس و تقدمت للباب وقفت قدامو ... مدت يدها و دقت ... ثواني و حلتلها البون الباب ... تبسمتلها اما كي شافت وجها التاعب و الفاليز الي معاها الشك بدا يسيطر عليها ... هتون دخلت تكركر في الفاليز وقفت و تنهدت ...
هتون:شكون هنا ؟ ...
البون:م ... مرام في بيتها تقرا ...
هتون:امي و بابا ؟
البون:سي محمد في الشركة و مدام سلمى البارح مشات لإسبانيا ... تتابع في العلاج متاعها ...
تنهدت جبدت الفاليز و جات بش تطلع في الدروج ... حست بدوخة جرات البون شدتها من مرفقها ...
البون:مدام هتون لباس ؟ ...
هتون:ل...لباس ...
هزت الفاليز و رجعت بش تطلع
البون:خلي عليك تو انا نهزهاا ...
هتون:لا ... ميسالش
البون(شدتها من يدها):ارتاح انتي
تنهدت و طلعت في الدروج بصعوبة ... حلت الباب و دخلت لبيت اختها ... مرام كانت في البركوون حاطة الكيت و تقرا في كتاب  ماسمعتش الباب كي تحل و دخلت هتون ... خرجت للبركون بحذاها و قعدت مقابلتها هزت راسها بالشويةة... شافتها تصدمت ... تصدمت من حالة اختهاا ... شهقت طول و ترمات عليها عنقتهاا ...
مرام:يا رووحي .... هتووون ...
هتون طوول تطررشقت بالبكاء كبشت في اختها و غرست راسها في شعرها ... تاعبة علخر

خرج من الكرهبة و سكر الباب بعنف ... العصب يهز فيه و ينفض دخل للدار يلقاها في ال jardin تتكيف ... اول ما شافتو جاتو تجري ... دزتو
غزل:لبااس انتي ؟؟؟؟ هبلت ؟؟؟
ايهم:اياااااا تبداااش ... كان ماحرقتهمش تكون وصلتك جثتي من البارح ...
غزل(عدات صوابعها على جبينها):افففف .. اعصابي تلفت .. اسمع مش بش نبقى نتعاارك معاك برشا ... (غمزتو) دبرت شكوون !
ايهم:شنية ؟ دربت شكون ؟
غزل(ضحكت):الي بش يعاوننا في كل شي ... ركحتو ..
ايهم:ركحتو! ... و وينو هو ؟
غزل(قعدت و حطت ساق على ساق): يلبس في حوايجو
قعد بحذاها وهو يضحك ...
ايهم:يقوى عليك ربي ...
غزل:تي رااني غزل الي يقلك ... فما بيرا ... تحب تشرب؟
ايهم:والله منقولش لا
جابت زوز كيسان و دبوزة ...و صبت لكل واحد للشطر ...
غزل:اييه اش عاملة فيك المدام ؟
تنهد و ماجاوبهااش ...
غزل:هههههه بديناها .. ايا احكي احكي
شرب شووي و من الكاس ..
ايهم:بش نضرهاا ... بش نضرها برشا كان نبقى معاها ... من كل النواحي ... منااش مناسبين لبعضنا
غزل:ليكم شهر و شوية معرسين ! ... مزال بكري ... اكيد بش تستانسو ببعضكم مع الوقت
حرك راسو يمين و يسار معناها لا ...
ايهم:سايي فقدت الأمل ...
غزل:خليني نمشي نشوفو ... شبيه بطى
حطت الكاس و قامت وهو تنهد و تلفت يغزر للمشهد قدامو ... طلعت لبيت النوم تلقاه يلبس كي شافها تبسم قربت منو .. دورت يديها على رقبتو و بقات تعدي في صوابعها على لحيتو ..
غزل:شبيك بطيت ؟
جاسر(حط يدو على حزامها و زاد جبدها ليه):تو لازم نقابلو ؟ نحب نقعد معاك ... (حط جبينو على جبينها) راس راس ..
ضحكت جبدتو من ال chemise
غزل:تقابلو الساعة ...
ضحك عدا صوابعو على شفايفها ...
جاسر:اوكي
تبسمت و جبدتو من يدوو ...
غزل:هيا مالا ...
هبط معاها و خرجو لل jardin ايهم كي شافهم دخلو وقف ... سلم على جاسر باليد اما بقى يثبت فيه بانلو وجهو مألوف برشاا ...
ايهم:سامحني ... قريت في جامعة ***** ؟؟ ...
جاسر:هههههه اي جامعتي اذيكا ... (بقى يثبت فيه ...) متقلييش ... أيهم ؟؟؟؟؟؟
أيهم(تبسم):اي ... انا هو
غزل(عقدت حواجبها):ياخي تعرفو بعضكم من قبل ؟
تلفتلها ايهم غمزها ..و قلها بالشوية
ايهم:فريسة جديدة من الماضي ... مارسي
جاسر:تي شنووة نعرفو ... 3 سنين في الجامعة  وانا ورااه ننصح فيه ...
غزل:ههههههههه .. مالا لازم نحتفلو .. لازم شامبانيا ! لحظة نجيبها
قعد جاسر و بحذاه ايهم ... ضحك و ضربو ببونيتو على كتفو
جاسر:هههههههه تي هاك تطوررت ا سيد ... وليت بوڨوس !
ايهم:هههه اي ... اما انتي متبدلتش جملة ... تبارك الله
جاسر:لا تبدلت ... خوك معرس بقنبلة بوها يملك اكبر مصنع بسكويت في البلاد !
ايهم:اممممم معرس ... مالا اشبيك مع غزل؟ ....
وجهو تقلب ايهم ضحك قرب منو ... يطبطبلو على كتفو
ايهم:ميسالش صااحبي ههههههه ..
اكتفى بتبسيمة اما من داخل ظاهر شعلت فيه النار🔥🔥...

كانت حاطة راسها على فخذ اختها و هي تعدي في يدها على شعرها ... دموعها على خدها حالتها ماشية و تسوء اكثر ... مرام تنهدت
مرام:توا علاش تبكي ؟؟؟ ااه ؟؟؟ .. مش هذا هو الحل المناسب ليكم انتوما الزوز !
تبسمت بوجيعة ...
هتون:ماكش فاهمتني مرام
قومتها شدتلها وجها بيديها الزوز .. تمسحلها في دموعها
مرام:لااااا .. انا اكثر وحدة فاهمتك .. كان منفهمكش انا شكووون بش يفهمك تي رااك نصفي الثااني
هتون:حاسة بحاجات منجمش نوصفها مرام .... قلبي موجوع ... روحي محرووقة ... منعرش علاش ... نحبو يقرب ... كيف مانحبو يبعد ... مفهمتش شنية قاعد يصيرلي  ...
عنقتها و بقات تمسحلها على شعرها
مرام:تحبو ؟💘
بعدت عليها ... عقدت حواجبها
هتون:شنية! ...
مرام:قاعدة تبكي عليه توا ...
هتون:مرام ...
مرام(هزتلها راسها):تحبو ولا ؟؟؟؟
هتون:امان ... نحب نقعد وحدي ...
بعدت و خرجت للبركون ... تنهدت و قامت بقات تغزرلها لين خرجت ...

جاسر:بابا دبرلي مشية لفرنسا ...كملت قرايتي غادي و بعد تعرفت على سراب و عرسنا ...
ايهم:هههههه حكايتك متفرقش برشا على حكايتي ....
زاد ضم غزل ليه و تبسم ...
جاسر:مش دخلت للحبس ؟ ... قبل سنوات ...
غزل:اي ...خرج و عاود حياتو ... هههه اذاكا علاش تعجبني شخصية أيهم
جاسر(تنهد):اما سبب دخولو ...
و سكت ... ايهم تنهد كبس على يدو زعما كسر الكاس ...
ايهم:ههههه مزلت تتذكر الحفلة .. و اصلا شكون ينساها
شرب من كاسو و بقى يغزرلو ... و جاسر معرفش اش يعمل بالضبط ... رجع يشرب من كاسو و ساكت ... غزل غمزت ايهم بمعنى اشفما ؟؟ اما هو اكتفى بتبسيمة خفيفة
#flash_back🌸
جاسر:هههههه يا بوهالي فاش تعمل هنا ؟؟؟ ...
فاق من سرحتو على صوت جاسر ... بلع ريقو ...
ايهم:حتى شي ...
جاسر:ههههههه .. تقليش عملتهاا مع شكون !
ايهم:يزي !
جاسر:هههههه متنكررش شفتك داخل انتي و قنبلة ... ويني عاد ؟؟ خلي نتعرفو
ايهم: م ... مشات ...
جاسر(ضربو على كتفو):ايا باهي ...
زاد لصقو دخل يدو لجيبو بالشوي ...
ايهم:ف ... فاش تعمل جاسر
جاسر:ااششششش ... اسكت شوي
خرج يدو و حلهاا ... بقى ايهم حال عينيه للخر ... شرركة تلمع و مجموعة مجوهرات ...شنية هاذم ؟؟؟ اش مجيبهم لل veste متاعو ! ...
جاسر:اااههههههه ... طلعت تقرص و يدك تحتك يا بوهالي ! منين سرقتهم؟
ايهم:جاااسر .. والله منعرش كيفاه دخلو لجيبي والله خاطيني ... صدقني
جاسر(غمزو):يزي يا بوهالي تكذبش برشاا ! ... من عند هتون مش هكا ؟؟ 
ايهم:و راااس امي ... لا سرقت و منعررش اش مدخلهم لجيبي !!!! ...
جاسر:ههههه اووكي .. تبعني كاهو ...
ايهم:ج ... جااااسر ....
#نرجعو_للحاضر 🌸
دخل في الكرهبة و سكر الباب ...
جاسر:مالا توا نبعثلك الدوسيات par mail وانتي شوف ... خمم في الي قتلك عليه ...
ايهم:اووكي ... (غمزو) سلملي على سراب ... هههه كي تكمل مع غزل
تبسملو تبسيمة صفرااء وهو طار بالكرهبة ...
جاسر (كبس على يدو):اش مررجعو!! ... ساقط ...
رجع شعل سيڨارو ... حل الشباك و خلى الريح يسطعوو يفيقو شوي ... وقف قدام الدار الي كانت فارغة ... وخر راسو على كرسي الكرهبة و بقى يغزر لشباك بيت النوم يلقاهاش تغزرلو كالعادة و كي تشوفو جا تهرب ... وهو يبقى يضحك عليها ... ميعرش شنية بش يعمل ... يحب يرجعها و في نفس الوقت يحب يبعدها ... يحميهاا ! ... برشا حاجات متناقضة مسيطرة على افكارو و بدنو الكل ... بقى ينفخ في السيڨارو و يشوف في الدخان يطير ... كيف خيال هتون بالضبط ... و كيف قلبو الي كل مرة يتلااشى ...
💛💛