🖤جحيم الجسد🖤

🖤21🖤

حبس الكرهبة ... جبد المفتاح و خرج ... حل باب الدار ... ينادي بإسمها اما مجاوبتش ...
ايهم:هتوون ... هتون وينك حاضرة؟
مسمعش صوتها جملة ... بقى مستغرب ... قدم للصالة ... يسمع في صوت ... تلفت يلقى التلفزة محلولة .. قدم بالشووي ... شنية هذا ؟؟؟ ... عينيه تحلت ... حس دقات قلبو ماشية و تزيد ... عض على شفتوو اللوطانية بالقوي ... جرا و سكرها طول ... اول ما جا في بالو ... هتون! ... هتون فين ... يجري من بلاصة لبلاصة
:هتوووووون ... جاااوبتي هتوون وييينك ؟؟؟؟؟ ..
طلع لبيت النوم ... حل الباب ... يسمع في صوت بكاها ... شهقاتها الي ماشية و تعلى ... تنفس و خرج تنهيدة من عرووش قلبو ... جرالها ...طول دخلها في حضنو ... يمسحلها على شعرها و هي كبشت في ال chemise متاعو بيديها الزوز ... زادت في دوزة البكاء
... بدنها يحس فيه يرعش بين يديه... خايفة علخر ... باسها من جبينها
ايهم:اشششش سايي وفى ... انا معااك ... معاك يا روحي معاك ...
منجمش يقعد هكاا ... خايف عليها برشا ... المشهد الي شافتو يرعب ... يقطع القلب ... طول حملها بين يديه ... يحس في بدنها مخدر ... ماشية و تترخف ... دخلها في الكرهبة و هي منجمت تعمل حتى رياكسيون ... تبكي كاهو ... دار يجري ركب و طار للسبيطار ...
طريق كامل شادلها يدها ... ميحبش يسيبها جملة ... هو السبب ... علاااش خلاها وحدها ... كانت تنجم تصيرلها حاجة ... وصل للسبيطار هبط يجري ... حملها و دخل ... عرضوه الفرمليات بالنقالة ... حطوها فوقها ... تلفتتلو ... عينيها بكلها دموع مكبشة في يدو محبتش تسيبها ... تنهد و سيبها بالشوي ... دخلوها للغرفة وهو بقى البرا ... عدا يدو على شعرو بتوتر و شد البرتابل يطلب في غزل ...

كانت قاعدة على القااع ... ضامة ساقيها لصدرها ... تتفرج في الفيديو قدامها ... دمووعها على خدها هابطيين ... و هي ساكتة ... هزت يدها بالشوي حطت كعبة الكوكايين في فمها ... بدات تمص فيها بالشوي ... تسمع في البرتابل ينوقز ... تغزرلو و يدها مخدرة ...منجمتش تجبدو ... حطت راسها على الحيط ... الكوكايين بدا يعطي في مفعولو تحس في روحها داايخة ... مخدرة
سكر البرتابل بغش ... باقي يمشي و يجي بدنوو شااعل ... يفرك في يديه حابس روحو بالسيف بش مايدخللش يطمن على حبيبتو ... حاس قلبو بش ياقف كان مايراهاش ... الطبيبة خرجت مشالها يجري
ايهم:مرتي وولدي لباااس مش هكاا؟؟؟
الطبيبة:المدام تعرضت لصدمة كبيرة ... عملنالها سيروم مهدئ اما لازم تبعد على ال stress و متعبش روحها برشا مش باهيلها ...
ايهم(تنهد):بااهي دكتورة ... ان شاء الله تلتزم بهذا ...
الطبيبة:ان شاء الله لباس
خذا نفس ... دخل بالشوي للغرفة .. سكر الباب ورااه ... بدات تحل في عينيها و تغزرلو كيفااه ماشي و يقرب ... رسمت تبسيمة على وجها التاعب ... اول ما شافها هكاكاا قلبو وجعو ... عصر عليه ... قرب منها شدلها يديها باسها من كل يدو و تبسملها ...
ايهم:شحااسة روحك توا ؟ ...
كان يشوف في الدموع المحبوسين في عينيها الحلويين ... تنهد ... كمية الوجع الي حااس بيها لاا توصف ...
هتون:سامحني
صوتها كان ضعيف ... بقى يغزرلها رسم تبسيمة شجعها بيها
ايهم:علاش تطلب في السماح
بلعت ريقها و دمووعها هبطو بحرقة على خدها ... زاد قرب منها حط جبينو على جبينها يمسحلها في دموعها بصواابعو ... قلبو كان محروق عليها ... اصلا يشوف دموعها بركا يهبل
ايهم:قتلك .. قتلك بش نبكيك
بلعت ريقها ... هزت راسها تغزرلو حطت يدها على وجهو و غزرتلو في عينيه ...
هتون:خفت نخسر البيبي ... انتي معندك حتى ذنب ...
شدلها يدها باسها بالشوي ... خذات نفس ... تذكرت المشهد الي شافتو قلبها وجعها ... الرعب مكنهاا
هتون:شكون ؟ ... اذاكا
بقى يغزرلها ... شاف غزرة الشفقة في عينيها ... بلع ريقو و هبط راسو
ايهم:جاسر