🖤جحيم الجسد🖤

🖤8🖤

هتون كانت في المال متكمشة بكلها اول ما سمعت الكرهبة تحركت ولات تحمد في ربي و تعااود و اخيرا تخلصت من الجحيم الي كانت فيه ...
تسمع في سيف يحكي معاها ...
سيف:قتلللك ... قتلك بش نخرجك من غادي ... أيهم اسقط عبد شفتوو في حياتي ...
هتون(تنهدت):كان يحبها برشا ؟ ... حبيبتو الاولى ...
سيف:شنووة كان يحبها ... تي يعشقهاا ... اصلا يشوفنا نغزرولها يتقلب علينا قريب بش يقتلناا ...
تنهدت و غمضت عينيهاا ... تتذكر في تفاصيلو ... تتذكر في صوتو ... تتذكر في غشوو ... كيفااه تأثر كي قلها انتي سبب حالتي هذي ..... اول مرة تندم علاش محكااتش معاه علاش مفهمتووش أيهم مرييض متأكدة من هذا تصرفاتو و افعالو اللا ارادية تثبت صحة كلاامها لازمو رعاية و هي شعملت ... هرربت ... من غير ماتفييق ... هزها النووم
فاقت على صووت قوي ... صوووت مسدس خرجت منو رصاصة زعزعت الغاابة الكل حطت يدها على قلبها طوول ماتت بالخووف كبست على يديها الاثنين تتنفس بالسيف ... باب المال تحل و ظهر قدامها ايهم عيينيه حممر ... قطرات دم منتشرة في ال chemise متااعو مسدس في يدو ... طول شدها من مرفقها خرجها ورماه على القاع تضربت في راسها و الدم بدا يجري ركزت بيديها على القاع هزت راسها بالسيف تشوف في سيف ملطووخ و غارق في دموو ... جثة هامدة ...
طول دموعها هبطو من غير ما تشعر هبط على ركايبو جبدها من مرفقها طول ما حكى حتى كلمة طول حل الباب و رماها مال كرهبتو ... قامت تضرب بيديها و ساقيها
هتون(تصيح):اااايييهم.... خليني نفسرلك اماااان ....اعطيني فرصة ايهم اااسمعنيييي كاااهو ....
كان يسووق و عروق يدو بش يطررشقو يجري بسرعة غير عادية كان تجي قدامو كرهبة نرمال يرحييها .... وجيعة راسو كملت عليه ... حوايجو كلها بدم صااحبو الخااين ...
و هتون ورااه تبكي
هتون:ايهم .... امان ... اسمعني كاهو ... امان
بقات تعاود في كلمة امان اما هو لا علاقة عدات يديها على شعرها الضربة على جبينها تحرق .... قلبها حستو بش ياقف في دقيقة ... وصل قدام الدار هبط كسر الباب بعنف حل المال جبدها من يدهاا و هي تترجا فيه و تصيح ... اما هو لااا علاقة
دخلها للبيت و سكر الباب طول رماها على القاع في الصالة
هتون:امان متمسنننيييش امااااان ...
كانت تبكي دمووعها يحرقو على خدها متكمشة و كل ما يقرب تزيد تصيح هبط على ركايبو شدلها شعرها ينزل عليه و هي تصيح ...
ايهم:شنيييية تحبني نسميييك ؟؟؟؟؟ ااااه ؟؟؟؟ ... *****؟؟؟؟ ****؟؟؟ (كلو كلام بذيء) باااش تخمم ؟؟؟ تو صدقت الي ال **** اذاكا بش يخرج ** امك من الجحيم الي عايشة فييه ... كان بش **** و يرميييك ... تحب هذااا ...
دارت غزرتلو مووجعة اما مزالت عندها شوية قوة ...
هتون:**** و يرميني خير من العيشة معااك ...
بقى يغزرلها في عينيها بغل ...
ايهم:دوااك عندي ...
شدها من شعرها يكركر فيها و هي تصيح و تتوجع طلعها في الدروج و رماها في بيت النوم .... رجع في يدو السووط ... اول ما شافتو وخرت تمشي و توخر حاسة روحها بش تمووت ... شدها من شعرها رجع رماها على الفرش هز يدو بالقوي و هي غمضت عينيها و دمعة هبطت منهم بقى مركز معاها و يدو تررعش ... شهقااتها كانت في وذنوو ... غمض عينيه و حلهاا ... تنهد و خررج الاااه من قلبو الموجوع
هبط على القاع و نطر السوط من يدو غرس صوابعو في شعرو و غمض عينيه .... حلت عينيها بالشوي تغزرلو هزت يديها مسحت دموعها بالشوي
ايهم:مش كان انتي تكرهني .... حتى انا نكره روحي ....
غزرلها ... وجهو كان تاعب عللخر اول مرة تشوفو بالضعف هذاا ...
قام من بلاصتو ينفض في حوايجو ... ايهم:ارقد ...
هتون:فين ماشي !
قالتها من غير ما تشعر ... تلفت غزرلها بشطر عيين
ايهم:بش ندفن جثة صاحبي ...