💘💘
حلت عينيها بالشوي تململت و هزت بدنها شوي تلفتت يمين و يسار تلقى روحها في بيت النوم حطت يدها على جبينها تتذكر في سيناريو البارح مش كانت في القبو هااي توا في بيت النوم اكيد كمل الحفلة متاعو و بعد حولها لهنا حاسة بوجيعة قوية في كرشها رجعت بش تترمى على الفرش تلفتت تصدمت تلقاه راقد بحذاها ...... مغمض عينيه و معنق المخدة بلعت ريقها بعدت طول تغزرلو بقات سارحة في ملامحو لين فاقت على روحها دخلت غسلت وجها عملت شعرها كعكة و هبطت للكوجينة اول ما بدات تقرب تسمع في حس قلبها طاح من بلاصتو كبست على يديها اكيد عشيقتو مزالت هنا تنهدت حطت يديها في جيوبها و داخلة بش تعمللها عرعوور ... سيف كان يحضر في قهوتو و في فطورو تلفت بش يحط الصحن شاف هتون تصدم ليين الصحن طاح من يدو بقاو بقاو يغزرو لبعضهم مصدومين لين فيقتو هتون
هتون:خلي عليك تو انا ننظفها
هبطت تلم في قطع الصحن المكسر هبط راسو يغزرلها ....
سيف:سامحني ... مفقتش بروحي
ايهم فاق تلفت ملقااش هتون بحذاه تنفض من بلاصتو طول هبط يجري في الدروج يسمع في حس الصحن كي تكسر و سيف يحكي مع هتون دخل عليهم طول فجعهم .... هتون تلفتت بقات تغزرلو وهو يغزرلها و سيف يغزرلهم هههه
أيهم:س ... سلام ... هههه خلي عليك عزيزتي
هز الصحن المكسر رماها في ال poubelle ... سيف غمزو و بقى يغزر لهتون
سيف:ماكش بش تعرفنا عاد هههه ...
أيهم معجبتووش غزرة سيف جملة جبد هتون حط يدو على كتفها
أيهم:هتون ... حبيبتي
هتون تلفتت تغزرلو في عينيه تتبسم بغش
هتون:اي ههههه
سيف:ههههه ياا وحييد ... علاش متقلييش راني بتت في الاوتيل عالاقل
أيهم:لا بالعكس ... حدثت هتون عليك ماكان عندها حتى مانع مش هكا حبي؟
هتون(غزرتلو):هههه وانا انجم نزيد كلمة عللي قتلو يا روحي ...
و تلفتت تتبسم لسيف الي كان يتأمل فيها بخبث فطرو مع بعضهم و بقاو هتون و ايهم يقحرو لبعضهم كل واحد متوعد في لااخر
سيف:ههههه اي سي أيهم فين لقيت الجوهرة متاعك ...
تبسم و
شد يد هتون باسها ....
أيهم:في قلبي لقيتها
سيف:اوووه على الرومنسية يا معلم
هز راسو يغزر لهتون الي كانت تاكل ... و مهبطة راسها لمسة يدو ضربت في بدنها الكل تحس فيه يررعش.... احاسيس متنااقضة ... مع انها تعرف انو كلامو و لمستو ... هي كذبة في كذبة ....
كملو الفطور بقات هتون تغسل في الماعون و سيف مشى يبدل في حوايجو ايهم تنهد قرب منها جا وراها و تحس في النفس متاعو يضربلها في رقبتهاا ...
هتون:لشنية قاعد تخطط ؟
مسحت يديها و دارت تغزرلو قربو كان مش عاادي ... قريب منها علخر سندت يديها على الرخام و بقات تغزرلو بثقة
ايهم:مفهمتش ...
هتون:نحب نعرف الخطط متااعك .... شنية تخدم من اصلوو ...
ايهم(حط يديه في جيوبو):انا مدير شركة ...
هتون:غيرها؟
هز يدو بالشوي و هي قلبها دق حطها على شعرها و جبد البوند .... شعرها هبط على اكتافها غمضت عينيها و كبست على الرخام
ايهم:قاعدة تدور في حلقة مفرغة ...
هتون:باااااهي .... اما نحب نعرف شنية قااعد تعمل بالضبط طريقة الحديث متاعك انتي و صاحبك ... دخلتني في حيط .... مخبي عليا حاجة؟
حط يديه على الرخام زاد قرب منها يحوس بعينيه في وجها
أيهم:مخبي عليك حاجات ... مش حاجة وحدة..
بدل حوايجو و هبط ... يلقاها في الكوجينة و بحذاها سيف الدم طلعلو طول تلفتلو
ايهم:حاضر؟نمشيو؟
سيف:اي حااضر .... هتون تحتاج حاجة؟
ايهم:مدامها ما وصااتنيش معناها ما تحتاج شي تهنى ...
سيف خرج وهو جبد هتون من مرفقها ايهم:نجي نلقااك باللبسة اذيا ما تلووم كان روحك .... تقعد في بيتك و متخررجش منها باااهي ؟؟؟
هتون(نطررت يدها):ننصحك راجع روحك في الطريق و قلو الي انا مرتك مش حبيبتك ... اصلا موصلتش بش نكون حبيبتك ...
قحرتلو و مشات... تنهد ... خرج ركب معاه في الكرهبة و مشااو
سيف:ههههه اما متااعك سلعة ...
كبس على الفوولون بكل قوتو ...
سيف:لاازم تسلفهالي نهار صااحبي مكانش نهبل
ايهم:مش متع تسلييف
سيف:اااااه نسيت الي سي ايهم عندو حب التملك .... اما مش بش يدوم الحب برشاا في الاخر بش يجي نهار تمرجك فيه على العرس وانتي بش تشد تفررغ سلاحك فيها ... هذا الي بش يصير
ايهم:عاررفة بالوضعية ... و مش بش تجبد على العرس
سيف:كيف أسيل بالضبط ...
اول ما سمع الاسم يحس في راسو بش يطررشق بالوجيعة كبس على الفولون و حاول مايفقدش السيطرة و يرجع يسووق ...
سيف تلفت يغزرلو ... كل ما يجبدلو عليها يلااحظو كيفاه تبدل ... قعدو في قهوة جبد سيف الاوراق و اعطاهملو ...
سيف:هذاا آخر ربح
بقى يشوف في الاورااق و يثبت في المبالغ المالية
:حقاا .... ال boss جاي ...
ايهم:وقتااه ؟؟؟
سيف:هههه تعرفو يجيك من حيث لا تدري ... ينجم حتى بعد شوية ... هو أعلم كااهو ... اما متخافش يعرف خدمتك باهية ...
ايهم:و علااش بش نخااف ؟؟ ...
سيف(تبسم):فما أسباب ...
بقى يغزرلو اكاا الغزرة الغامضة ... كأنو يقلو فاايق بيك ... اما مركزش معاه هبط راسو يغزر للأوراق
هتون كانت في الدار تمشي و تجي
فدت عللخر حتى انترنات ما فماش تسمع في صوت الكرهبة غزرت من الشباك تلقااهم جاو مشات للكوجينة و حسبت روحها تعمل في قهوة ... صحيح نبه عليها بش ماتخرجش من بيت نومها اما تحب تكسرر قواعدو
سيف دخل وحدو كي شافها قرب منها وهو يضحك
سيف:هتون لباس ؟؟؟
هتون:الحمدلله ... ياخي أيهم وينو؟
حط يدو على الرخام ماشي و يقدم و هي قلبها ولى يدق بالقووي
سيف:ههههه يعمل في مكاالمة ... وانا زرفت هنا
هتون:باهي مالا تو نمشي بحذااه ...
جات بش تمشي شدها من مرفقها بقات تغزرلو و الرعب ماكنهاا
هتون:فاش تعمل سييييب ...
سيف:هتون ميسالش اتغشش على الكلام الي بش نقولو توا ... اما ايهم مايناسبككش بالكل ...
هتون:ههههه ماكش بش تحكم فيا يا سيد ... وتوا سامحني و بعد يدك قبل ما تندم ...
سيف(تنهد):و كالعادة حتى واحد ما يسمعني ... اما انتي لازم تسمعني انتي ظاهرة تحبو ... وهو ظاهر معذبك ...
هتون(قصت عليه):معندككش الحق تتدخل في حيااتي الخاصة !
سيف:انا على مصلحتك ... (زاد قرب منها ... يهمس بالشوي):ايهم مريض ... كان عندو حبيبتو هو الي قتلها ...
بلعت ريقها ... النفس ملقاتووش حاسة روحها تخنقت ... ذبل عينيه
:اي هو قتلها ... بالعنف متااعو ... سمعتها تشوهت و بدنها زادة ... كان يعمل في علاقات عنيفة معاها ليين تعبت .... و بعد كي جبدتلو على العرس ... قتلها
غزرتلو بعينين مدمعةة ... منجمتش تحكي شي كان تكبس على يدها بالقوي تحب تكسر حاجة و تفرغ الغش الي في قلبها مدفون
سيف:انا نصحتك ... شفتو كيفاه سكر عليك الباب كي كنا خارجين يعامل فيك كالسجينة ... لازم تهرب منوو ... قبل ما يفوت الفووت ... انتي صغيرة و اكيد متحبش زينك يتشووه ...خمم مليح انا ننجم نخرجك من هنا و أيهم مينجمش يدور بيك
💛💛 ⭐👇🏻
أنت تقرأ
🖤جحيم الجسد🖤
Action.. عشاااااق الاانحرااااااف امااا هذا انحراااااف من نوع آخر بش يكسر اااالحدود 🔞😍😈😈😈😈 عشااق الاكشن 💓 عشااق الدراما 😘 .... اتلموولي هنا #جحيم_الجسد 🚨🔞🔞 كروووونيك تجمع بيين ... انتقاااام 🔥🔥 ... عذاااااب 💔❌❌ .. ماااااافيا 🔇💊💉💸🔪...
