🖤جحيم الجسد🖤

🖤11🖤

..خذا نفس ... هز يدو عداها على رقبتو ... حس روحو مخنوق عللخر ... في لحظة مخو وقف ... و افكارو زادة ... رجع بخطوات لتالي ... دخل لبيروه وين كانت سمر و هتون يستناو فيه ... غزر لهتون غزرة معجبتهاش بالكل .. هزت حاجبها معناها اشفما؟ ...
ايهم:ممكن تستنااوني البرا ؟؟ ...
سمر(قامت طول):اييي بطبيعة خوذ راحتك سي ايهم
جبدت هتون من مرفقها تلفتت بقات تغزرلو تسأل فيه بعينيها ... اما مالقات حتى جواب ... طول قعد في بيروه يفرك في يديه طلب سلسبيل جاتو تجري كي سمعت صوتو المتبدل ...
سلسبيل:وي سي ايهم ...
ايهم(قام من بيروه ... هز دوسيات اعطاهملهاا ...):هاذم ... احرقهم ... ادفنهم ... منعرش شنية بش تعمللهم اما متخبيهمش ... رد بااالك ...
خذاتهم مستغربة ...
سلسبيل:اشفما سي ايهم لباس ؟؟؟
بقى يمشي و يجي يعدي في صوابعو على جبينو بعد رجع يغزرلها
ايهم:مانحب حتى كلمة تتقال !!! ... موضوع العرس منحبووش يتجبد ... وصي الناس الكل ... منححب حتى غلطة مكاانش الكلكم البرا !
سلسبيل:ب ... باهي سي ايهم توا نوصيهم ...
خرجت حطت الدوسيات بقات تغزرلو قبل ما تخرج... شنية صارلو ؟؟ تشوف فيه نحى الخاتم من صبعو و خباه في القجر داخل بعضو يمشي و يجي ... هتون قعدت هي و سمر في ال café متع الشركة مش فاهمة شي من الحكاية مخها تحرق فيه من قبيلة ....
سمر:هتون ... هتون (فيقتهاا من سرحتها .... )
هتون:ااه ... شبيك ...
سمر:انتي الي شبيك ... ملي خرجنا وانتي داخلة بعضك لباس ؟؟
هتون:لباس .... سمر زعما سي ايهم اشصارلو ؟ شبيه خرجنا ؟
ضحكت و عدات يدهاا على شعرها ...
سمر:في الااخر هو رجل اعمال ... اكيد عندو مكالمة ولا شكون بش يجيه ...
تنهدت و سرحت بخيالها لبعيد ....
وقفت BM كحلة قدام الشركة هبط منها السائق و دار يجري حل الباب ... هبط منها وهز راسو يغزر للبناء الضخم قدامو حط لوناتو و دخل ... خطواتو تتسمع بالقووي ... دخل للشركة بكل ثقة تقوول متاعو هو ... بكلهم بقاو يغزرولو و يثبتو فيه ... كثرت الهمساات و الثرثرة ... أيهم شافو من بعيد خرجلو و تلفت لسلسبيل قتلو تهنى براسها ... الدوسيات حرقتهم ... قرب منو وهو يتبسم و اول ما وقف قدامو راسو بدا يوجع و جات قدام عينيه لقطاات ...
#flash_Back
لصقوو في الحيط و ركح فيه بالبونيا جسموو يحس فيه ترخف مش منجم حتى ياقف على ساقيه ركز بيدو على الحيط ... وجهو مدمدم كل شي مدمر فييه ... شدلو وجهو و كبس بقبضة يدو على فكو السفلي ...
ايهم:تسمعع فياااا ولااا ؟؟؟؟ ... ** انططق ... انا الي نحكككم هنا ! ... معناها كي تدخل *** امك في مشكلة متوررطنييش معااك وتوا اتقلب !
دزو جابوو في القاع المطر كانت تصب بالقووي ... تصب لدرجة متنجمش تشوف الثنية الي تمشي فيها اما هو دار حط يديه في جيوبو و مشى خلى الراجل مررمي ... يطلع في الرووح دخل لڨاراج العادة جبد الصندوق خرج منوو السم ... عملو في خلطة غريبةة ... و شد السيڨارو يتكيف فيه ... الباب دق ... مشى بش يحل وقف قدام الباب ...
أيهم:شكوووون ؟؟؟ ... (مجااوبووش .... زعما الحاكم ؟ ... كبس على يدو و ضربها على الباب ...)
:اتكككلم *** شكووونك ؟؟؟ ...
:الي بش يخرجك من الحفرة هذي ... حل الباب كاهو ...
#نرجعو_للحاضر
غمض عينيه بالقووي و حلها وقف قدامو و ترسمت ضحكة على وجهو ..
الboss: سي ايهم .... !
بلع ريقو و تبسم ...
:تفضل ...
مخو حبس الوقت هذااكا ... او كل ما يقابلو لازم يدخل بعضو ... قال لسلسبيل بش تعمللهم زوز قهاوي تلفت يمين و يسار يلوج على هتون بعينيه مالقاهاش ... تنهد و دخل ...
طلعت في الدروج بالشووي تتللت يمين و يسار تشوف في سلسبيل تعمل في قهاوي ...
:يا مصفارة ! (قالتهاا ... عدات يدها على شعرها رجعتو لتالي ... مشاتلها واثقة من روحها حطت يدها على الرخام غزرتلها و تبسمت ... )
هتون:سلسبيل مش هكا ؟؟
تنهدت ... حطت يديها الزوز على الرخام غزرتلها فووق للوطا ... و تبسمت تبسيمة صفرة ...
سلسبيل:مش سلسبيل ... مداموازال سلسبيل ...
هتون:ههههه صار مداموازال ؟؟ .. ما يظهررش عليك ...
حطت الزوز قهاوي في طبق قحرتلها و جات ماشية ...
هتون:رد بالك على روحك ... يا سلسبيل .... اوووببس يا مداموازال ... تلفتت تغزرلها على جنب ... كبست على الطبق بيديها الاثنين قريب بش تقسمو في زوز و مشاات ...