🖤جحيم الجسد🖤

🖤22🖤

ايهم: غزل منعرش علااش تخمم هكاا ؟؟ ... ولدك بعيد عليك الله اعلم عليه ... يعاملو فيه بالبااهي ؟... يبات جيعان؟ ... يقرا ؟ ... ڨرساان؟ ... مخطرش في بالك جملة
غزل(تلفتتلو):اي و بعد ؟ ... نخمم قلبي يتحرق ...  ضميري يعذبني ... نجي نخمم في مستقبلي و مستقبلو نوحل ... ماكش فاهم الوضعية ايهم .. مش بش ننجم نعيش معاه
ايهم:شنية ماكش فاهم الوضعية؟؟ انا خرجت من الحبس عاودت حياتي عرست و بش نولي بو ... متنجمش عالاقل تجيب ولدك بحذاك؟
غزل(تبسمت بوجيعة):فما فرق بيناتنا .. انتي راجل وانا مرا ... و اكيد تعرف كيفاه يعاملو فيها ... وحدة جايبة طفل من الحرام خمم كيفااه بش يغزرولي ... و الا كان نجيبو بحذايا انا انساانة مضطربة نفسيا ... نتعاطى المخدرات ... نتكيف ... نشرب ... بش نضرو ... البعد هو احسن حل
جا بش يزيد معاها الحديث يشوف في هتون جاية ...
ايهم:ربي يهديك ... اعمل عقلك
قرب من هتون يتبسملها
ايهم:كملت الجولة ؟
هتون:اي .. محلاها ال jardin متع غزل كيف ال  jardin متع الفيلاا .. (تنهدت) انجمو نمشيو؟ بلحق اشتهيت الفريكاسي
ايهم:اوكي هيا مالا
مشات سلمت على غزل
غزل:سايي مروحين ؟
ايهم:اي لازمنا نمشيو .. في الامان
بقى يغزرلها شوي و مشى ركبو في الكرهبة حطت ال ceinture و بقات تتفرج من الشباك
هتون:ياخي غزل تخدم معاك ؟ مشفتهاش في الشركة
تنهد ... ميعرش كيفااه و منين بش يبدالها ...
ايهم:اي ... معايا في الشركة ... اما مزالت كي خذات كونجي
هتون:مالا مقربة منك ياسر
ايهم:صديقة
محبش يزيد يحكي ولا يزيد يكذب اكثر ... كمل سياقتو لين وصل قدام الحومة الشعبية ...هبط حللها الباب بقات تدور في راسها تشوف في البيوت ... نساء متلمين قدام بيوتهم يحكيو ... صغار حفايا و بلبسة مش متناسقة جملة بقاو يغزر و يتأملو في كرهبة ايهم المضخمة ... تلفتتلو و تبسمت ... ضحك دور يدو على اكتافها و مشاو ...
هتون:ماك مزلت تذكرو الحانوت؟
ايهم:هههههه بالطبيعة ...ايامات الجامعة الكل نمشي نفطر عندهم ...
وقفو قدام الحانوت ... هتون سطعتها ريحة الملاوي و الفريكاسي البنينة طول جبدت ايهم و دخلت تجري ...
الخالة سمية كانت تمسح كالعادة و لاهية بالكليونات متاعها .. هتون وقفت قدامها تتبسم
هتون:عسلامة
ضحكت
سمية:عسلامة بنتي تفضل
هتون:ميسالش تعملي 4 كعبات فريكااسي و ... (تلفتت) ايهم قداه تحب من كعبة؟؟
ايهم(دخل يضحك):ههههههه المهم مش 4 كعباات كيفك
هتون:اعملو وحدة ... هههه متقويهاش برشاا مسكين ليه عامين ماكلاش العجين
سمية:هههه لوااه هذا الكل يا وليدي
هتون:حتى انا بقيت باهتة ... كيفاه عايش هذا
ايهم قرب منها ... هبط بالشوي قلها في وذنها
ايهم:باااااهي ... باااهي
ضحكت و عضت على شفتهاا ...
هتون:باللهي حطلي فيها برشاا تن و هرييسة و فريت و ....
ايهم:ههههه الله غالب شهاويها برشا
هتون(تلفتتلو):مش مني ... قتلك قدااه من مرة ولدك يتشهى ... بش نقلوو لااااا؟؟؟
ايهم:ههههه لا ... قلو الله يبارك
سمية:صارت انتي حبلة ... وانا قلت هالشهااوي هذي منين ... ربي يوصل بالسالم بنيتي
هتون(تبسمت):يعييشك ...
هتون اشتهاات تاكلهم على البحر ... ولاو خرجو و بقاو يمشيو لين وصلو للبحر الي كان مش بعيد على الحومة ... طول قعدت على حجرة خطفت الساشي من يدو و بدات تاكل بكل شرااهة ... تاكل و تتبنن لين شاخ عليها بالضحك ... قعد بحذاها ...
هتون:حل فمك
ايهم:لا ... مش توا بش ناكلها كعبتي
هتون:امممم على شكون بش تعديها ! بش اكاكا بعد تطيشها بش ماتفسدش الشبه ريجيم متاعك !
ايهم:ههههه شوو فين مشى مخها
هتون:تي هيااا حل ... عيش حبي
ذبلت عينيها .. تنهد و حل فمو .. دخلتلو طول نص كعبة ... حس بلحوحو بش يخرج معاها ...
هتون:هياا زيد حل ...
ايهم:ه ... هتون بش نتخنق ... (يكح) ا زحح
هتون:تي شنوووة ايهم بن احمد ؟؟؟ بش تغلبك كعبة فريكااسي ...
هو حل و هي دخلتهالو ... حاول يبلعها وحلت ... قام يكح بالقووي ... هههه في دقيقة حس روحو بش تخرج ... هتون قامت طول مفجوعة شدتو ...
هتون:ايهم ؟؟؟؟ لباااس ايهم ...
قااعد يكح ... و الحرارة زادت عليه
هتون:افففف مافماش ماء .. توا نمشي نشريلك فيسع ...
جات بش تمشي جبدها ... جات في حضنو طول ... بقى يرجع في النفس و هي تسمع في دقات قلبو القوية .. هههه لين رجع لباس ...
ايهم:اش عملتلي ! ههههههه ...
تنفست بإرتيااح ... حطت جبينها على جبينو بالشوي ... تلعبلو بلحيتو بصوابعهاا.... تحمد في ربي و تعاود ... هتون:ساامحني
قبل ما يجاوبها ...حطت شفايفها على شفايفو ... غطست معاه في عالم اخر ... حاسة بنسمة البحر الي تسطع فيهم ... بصوت الامواج ... زاد جبدها من حزامها مااشي و يقوي في البوسة و هي مستحليتها ... حتى كان عنيفة ...💏💗
روحو للدار ... طلع حضر الدوش متاعو ... كانت في الكوجينة ... شبعت من الماكلة حست روحها رزينة ... طلعت لبيت النوم ... حلت الباب بالشووي ... تلقاه ينحي في ال chemise كي شافها ضحكلها ... اتكات على الحيط ... تغزرلو و تتبسم ... تلعب بصوابعها ...
هتون:ايهم ....
هههه قالتها بطريقة مغرية ... قداه يعشق اسمو من فمها ...
ايهم:وي ياا حب ايهم
ضحكت و هبطت راسها
هتون:شاهية حاجة ...
ايهم:باهي بعد الدوش ...
جا بش يدخل وقفو كلامها ...
هتون:شاهية ... ندوش معاك
.....كانت غارسة راسها في رقبتو تشم في ريحتو الي تخلطت بالجال دوش ... يعدي في صوابعو على ظهرها العاري و يغزر للسقف ... حلت عينيها و غزرتلو
هتون:ايهم ... فما حاجات ندمت عليها .. في حياتك؟
تنهد ... تلفت غزرلها في عينيها الزرق حط يدو بالشوي على وجها
ايهم:نادم ... على كل دمعة خليتك تهبطها من عينيك ... سامحني
تبسمت ... بلعت ريقها و تنهدت
هتون:كنت .... كنت منيش واعية ... انتي الي سامحني
ايهم:مش قلناا معاادش تطلب السماح؟
هتون:بش نبقى نطلب السماح لآخر نفس في حيااتي ...
تبسم زاد قرب منها ... حط شفايفو على شفايفها دورت يديها على ظهرو و غرست ضوافرها فيه .... شعلتوو ... منظرها و هي عارية بكلها ... خلى البركان في داخلو يفيض ...عدا صوابعو على صدرها الي كان زايد انووثة مل حبالة ... هبط بشفايفو كلاه ماكلة ... تفنن بشفايفو ... خلاها تطير
لسابع سماء ... هزت راسها الفوق و خرجت ااه بالشوي ... هبط لكرشها يبوس فيها بالشوي ... حااس بيه في اعماقها ... قطعة من روحو متخبية ...
رجع حط شفايفو على شفايفها ماشي و يقوي و هي تزيد تستحلاها اكثر ...
تنهد بالقوي في رقبتها بقى يطبع في بوساتو في بدنها الكل ... مخلااش قطعة مشبعش منها ... صحيح خلالها ترااسات في بلايص ... وجعتها اما هو وقتها فاق على روحو و بعد عليها ...
يسمع في البرتابل ينوقز ... لف نصو في منشفة و خرج ... شاف يلقاه ال boss تنهد بالقووي ... شنية يحب زادة ... اكيد جا دورو بش يودع الدنياا ... مجاوبش ... اما عرف كل شي ... هتون لبست ال cape de bain و لحقت عليه ...
هتون:لباس ؟
ايهم(تلفت و تنهد):لازم نمشي ... خدمة تابعة الشركة
هتون: الوقت قريب العشرة! ... شنية بش تكون الخدمة في الشركة ... في الوقت هذا ...
ايهم:شاهية حاجة؟ نجيبهالك معايا
هتون:ههههه شوية شكلاطة
ايهم:اوكي
قرب منها طبع بوسة على جبينها
ايهم:نحبك
قالها و طلع لبيت النوم ... بدل حوايجو هز مفاتحو و خرج ... يسوق ومخو في عالم ااخر ... عالاقل خلى قطعة منو ليها ... عالاقل تشوف الصغير تتذكر هو طول ... خرج ااه من اعماقو و واصل السياقة ... وقف قدام بناية ضخمة ... حبس الكرهبة و خرج ... دخل و طلع في ال ascenseur ... البيرو متاعو كان في آخر طاق ... و البناية فيها 15 طاق ... بقى يتأمل في المشهد الليلي قدامو و هاايم ... تبسم ... تبسيمة خرجت من اعمااقو كي وصل و الباب تحل ... يمشي في الممر ... يشووف فيه فلو ... راسو ولى يوجع ... بدنو رزين تقول شارب ... حط يدو على جبينو و غمض عينيه بالقوي ...
#flash_back🌸🌸
يمشي في الممر ووراه الرجال ... يتلفت يمين و يسار و يغزر للهيلمان قدامو ...
ايهم:هههههه اا فين جايبيني ...
الراجل:تفضل
حللو الباب ... دخل ... يشوف في كرسي داير لجهة الحيط ... وقف قدامو ... دار ... يتبسم بخبث
ال boss: سي ايهم مرحبا بيك ... في عالمنا ...
#نرجعو_للحاضر🌸🌸
وقف قدام الباب ... دق و حل ... سكرو ورااه ... كان مدور الكرسي للحيط كالعادة ... كي سمع الباب تحل ... تبسم ... دار بالكرسي ...
ال boss:تفضل سي ايهم
شاورلو للكرسي ... تنهد و مشى قعد
ال bosss(شبك صوابعو):ههههه قبل ايامات وصلت لشكون ... شكي كان محلو هو الي اخترق نظامنا و سرقنا و بعد حول السلعة لإيطاليا ... هههه خطة ذكية اما متنطلااش علياا
كان بش يقووم و يبدا يحكي معاه بكل صراحة اما هو قص عليه قصة عربي
:اسمو جاسر ... هههههه من الاول قلي على اسمك ... لكن على قريب بش نوصل لجمااعتو ... ماشفع فيه حد ... تقص طرووف و ترمى في الواد خلي نربي *** امثالو ...
كبس على قبضة يدوو ... و خذاا نفس
الbosss(واصل كلامو):دبرنا شكون ... و بالطبيعة ... بشوية فلوس رميتهم في وجهو وافق ... بش يخدم معانا و يعاوننا و وقتها ما ترى كان الفلوس
ايهم:وشكون هو ؟
الbosss: مراد ... مراد تريكي ... كان من اكبر رجال المافيا في البلااد ... دخلوه للحبس بتهمة غسيل اموال ... اما هو بش يخرج ... ونبداو من الاول و جديد ...
رسم تبسيمة خفيفة و هبط راسو
الboss:تحب كااس؟
ايهم:ميسالش
صب زوز كيسان ... هز كاسو الفوق
الboss:نخب الربح الدائم ...
ضرب كاسو بكاس ايهم ... ايهم كبس على قبضة يدو ... شرب من الكااس ... و التساؤلات في مخو ...

كانت حالة الموسيقى ... موسيقى هادئة علخر ... تشرب في كاس ويسكي و تتفرج في التصويرة ... تصويرة ولدها الي ساعات تنسااه جملة ... تتبسم بوجيعة ... عينيها ماشيين و يذبلو من تأثير الشراب ... البرتابل نوقز فيقها من عالمها ... تلقى ايهم يطلب فيها تنهدت و جاوبت
غزل:وي ايهم
ايهم:غزل لباس؟
غزل:لباس .... شبيك تطلب فيا توا صارت حااجة ؟؟
ايهم:كنت بحذا ال boss
غزل:هههه متقلييش قلك جيب غزل ... بش يذبحني و يرميني !
ايهم:لااااا .. قتلك ماعادش تقول هالكلاام (تنهد) اما فما حاجة لازم تعرفهاا ... ال boss بش يخرج مراد من الحبس ...
كبست على الكاس ... قلبها ولى يدق بالقوي
ايهم:الوو ... غزل ...
قصت عليه ... عدات يدها على شعرها و حطت راسها على المخدة ... و رجعت تتفرج في التصويرة ...

وقف الكرهبة قدام ال supermarchéé هبط ... مشى طول خذا برشا انواع شكلاطة ... يتذكر في كل تفصيلة فيها و يتبسم وحدو ... كل يوم يزيد يعشقها اكثر ... خلص و جا راجع ...
تبسم على جنب ... جبد القماش الاكحل خبى وجهو خلى كان عينيه ... يديه في جيوبو ماشي و يقرب منو ... يشوف في ايهم خرج ... مشالو
الراجل:خويا ... خويا لحظة باللهي
دار بالشوي بش يشوف شكون ... قرب منو طول و يغرسلو سكين في كرشوو ... ايهم تصدم ... بقى يغزرلو مش فاهم شي ... بدنو تخدر ...
الراجل:بعثهالك محمد عبد الحق ... يسلم عليك زادة
جبد السكين و مشى ... بكل برود ...
حط يدو على حافة الكرهبة ... ال chemisee متاعو تمسخ بالدم ... ماشي و يزيد ينزف ... يرجع في النفس بالسيف ... بلع ريقو حط يدو على الجرح .... حاول يرجع التوازن و حل الباب ... ركب بالسيف ... كبس على يدو و ضرب على الفولوون ...
ايهم:ااااااااه ... (صااح بالقووي ... خدم الكرهبة و مشى ... طرييق كامل يشوف فيه ضباب ... وجيعة قوية ... رااسو بش يطررشق ... ماشي و يزيد ينزف ... الكرهبة ولات تمشي يمين و يسار ... يتحكم بيها بالسييف ... ) ...

كانت تمشي و تجي و تغزر للمنقالة ... شبيه لتوا مجااش ... مخها يعطي و يجيب ... تفرك في يديها بتوتر ... تبداش صارتلو حاجة ... البرتابل متااعو مسكر ! ...مخممتش في حتى حاجة اخرى ... كان تهز ساكها و تمشي للشركة ... ميهمهااش الظلام ... تسمع في ناقوز الباب ... حمدت ربي و مشات تجري ... حلت ... كان حاط يدو على الحيط ... وجهو متبدل ... جبينو بالعرق ... يتنفس بالسيف ... مخبي الجرح بال veste متاعو .. قدمت طول عنقتو ... غمضت عينيها
هتون:يا رووحي ... ترعبت عليك
هز يديه الاثنين بصعوبة ... دورهم على ظهرها و زاد ضمها ليه ... قلبو يدق بالقووي ... حااسو قريب يااقف
ايهم(صوت ضعيف و مهزوم):ح... حبيبتي ...
تحس في بدنو ترخف .... في لحظة تلقااه ترمى على القااع ... صااحت و هبطت على ركايبها ... حاطة يدها عل. فمها و تشوف في الدم الي مااشي و يزيد ....
هتون:اايهم .... ايهم ... حبي ... امااان ... فيق ايهم ... فيييق امااااان فييييق 😭
شدتو من وجهو تبوس فيه من خدو و شفايفو بالشوي ... تحاول تفيقو بأي طريقة اما هو فااقد الوعي ... حطت يدها فمها و اطرشقت بالبكاء ... طول قامت تجري شدت البرتابل طلبت غزل هتون:ألو ... غزل ....غزل اماااان اجري ايهم بش يموووت اجري ... اماااان

💛💛