🖤جحيم الجسد🖤

🖤26🖤

يمشي في ممر طويل ... كيف كل مرة ... يبدا التوتر مسيطر عليه ... راسو يوجع برشااا و رزين ... وقف قدام الباب و دقو بالشوي يسمع في كلمة "تفضل" ... خذا نفس عميق جمع بيه قوتو و حل الباب ... يلقى ال boss كالعادة قاعد بشمووخ تقول مالك العالم الكل ... يشرب في كاس وسكي ... تلفت يلقى راجل واقف يغزر للشباك .. تلفت و تقابلت العين بالعين ... عينيه كانو كعينين الصيد قد ما تتعمق فيهم متنجمش تستوعب شنية فما في الاعمااق ... غمووض و برشا ظلام ... يخبيه لونهم الاخضر الفااتح ...
غزرة ذكرتو لكلام غزل .. و عرف الي هذا هو "مراد" ... يظهر في آخر التلاثيناات ... لبسة انيقة في النوار ... كي قرب منو شاف جرح عميق متع موس تحت عينو اليمين ... و منهاا عرف شخصيتو كيفاه بش تكون من غزرتو القوية و لبستو الغامضة ... قرب منها مدلو يدو سلم عليه ...
مراد:عسلامة ... سي ايهم
رسم على وجهو تبسيمة خفيفة
ايهم:عسلامة سي مراد ... تشرفني الخدمة معاك
قالها بالسيف ... خاطر حس المنافسة و العدااوة بدات بيناتهم ... من اللحظة اذيكاا ... قعدو مع بعضهم التلااثة ... خذاو كاس احتفلو بطريقتهم ... بالشامبانيا ...
كل مرة ايهم يرمي غزرة على مراد ... يحاول يلقااش جواب لتسائلات في مخو ... يتذكر في كل كلمة قالتها غزل و توا ادرك الي كل شي صحيح ... ادرك الي هي تعرفوو مليح متعلقة بيه برشا ... وتحبو ... من اول ما عرفت ايهم و هي ديما تلمحلو ... يحسها متوحشتو ...يحسها تحبو و تكرهوو في نفس الوقت ... يحسها تحبو يخرج و تحبوو يبقى ميخرجش طول عمرو .. خاطرها خايفة من مواجهتو ... و السبب ... جود الصغير الي ما عندو حتى ذنب ... الي بينو و بين مراد رابط دموي ... حتى واحد ما ينجم يبدل من الحقيقة ... شاف الوقت و قام من بلاصتو ... خرج هو و مراد من بيرو ال boss .. طلعو في ال ascenseur مراد شعل سيڨارو بقى ينفخ فيه سااكت ... اصلا الي يحب وصللو ... اجرام و برشااا فلووس ... ايهم جمع القوة الي عندو و اتكلم ...
ايهم:قبل الحبس ؟ مزلت تتذكر المدة اذيكا كيفاه كانت ...
تلفت غزرلو على جنب ... أصلا مفهمش شنية معنى غزرتو ... كأنو يقلو و انتي شمدخلك ؟؟ 🤨... في نفس الوقت يستحسن سؤالو و يقرر يجاوبو ... نفخ من سيڨاروه
مراد:حكايات فارغة ...
ايهم:متتذكر شي ؟؟؟؟ ...
رجع يغزرلو
مراد:نفس الاجابة ...
باب ال ascenseurr تحل وهو خرج ... ايهم كبس على يدو ... ظاهر مراد هذا بش يتعب معاه برشاا ...
خرج ... ركب في كرهبتو و طول لدارها ...

غزل:زيد كل شوية ... علاه صحنك مخليه هكا ؟؟؟
جود:الحمدلله ... كرشي ولاات توجع فيا
غزل:اللطف عليك يا روحي ... توا نمشي نجيبلك الدواء
جات بش تطلع لبيت النوم تسمع في الباب مشات بش تحل تلقى ايهم ... تبسمت
غزل:اهلا ... ادخل
دخل ... تنهد ...
ايهم:وينو الصغرون؟
غزل:يفطر ...
ايهم:غزل ... نحب نحكي معاك في موضوع ...
غزل(عدات يدها على شعرها):كان على مراد ... مش لازم
جات بش تمشي جبدهاا ...
ايهم:غزل !!! ... قاعدة تدمر في حياة ولدك راك ... انا اليوم حاولت نحكي معاه اما ...
غزل(قصت عليه):ما قلك شي ! ... نعرفو ...
ايهم:بطبيعة مش بش يقلي شي ... خاطرو ميعرفنيش ... غزل ... عالاقل انتي يعرفك تنجم تحكي معاه
غزل:أيهم ... منحبش نحكي معاه ... اصلا منحبوش يعرف بجود ... الله اعلم شنية بش يعملو وقتهاا ... معنديش استعداد ولدي يتضر ..
ايهم:ياااخي بش يضر ولدو؟؟؟ ... بالعكس ربما يبدلوو ...
جود جااه يجري ...
جود:tonton أيهم ...
ترمى في حضنو وهو شد يدور بيه ...
ايهم:يا بوڨووس شنية أحوالك؟؟؟
جود:اماااان ... توريلي كرهبتك مرة اخرى ايهم:هههه مشات معاك ... هيا قدامي ...
تلفت غزر لغزل و خرج هو و يااه ... عملت قهوة قوية و قعدت قدام شباك تتفرط في ايهم و جود كيفته يلعبو ... رسمت تبسيمة خفيفة على وجهاا ... و خررجت ااه من عرووش قلبها ... متكذبش كي تقول توحشتوو و توحشت كل شي فيه ... كاان كل شي في دنيتها ... حبتو بصدق ... اعطااتو روحها ...اعطاتو قلبها ... اعطاتو بدنها و هي مرتاحة ... برشاا مشاعر و احاسيس متناقضة مسيطرة عليها ... ولات مش فاهمة لوين تحب توصل بتخمامها المستمر هذا ... حطت الفنجان دارت غزرت لروحها في المراية ... بقات ثواني في الوضعية هذيكاا ... تثبت في وجها كاهو ..برشاا أشرطة من حياتها تعدات قدام عينيهاا .. وقتها ادركت الي هي ملاازمش تستسلم ...
خذات شعيق و زفير ... رجعت الروح لبدنها ... قامت بالشوي ... لبست سبادرييها ... سيبت شعرها المشدود و خرجت لل jardin جود اول ما شافها رجع ترمى في حضنها و هي حملتو تبووس فيه و تعنق ... قدااه تحبوو ... متتخيلش حياتها من غيروو ...هبطتو من حضنها تلعبلو بشعرو ...
غزل:عزيزي ... حضرتلك ال chocolat chaudd الي تحبها توا تلقاه فوق طاولة الكوجينة اما رد بالك تحرقك ....
جود:باااهي
و دخل يجري ... تنهدت ... قربت من ايهم و كتفت يديها ...
غزل:نحب ندخل لعصابتك
تلفت يغزرلها مش مصدق
أيهم:اه؟؟ شنية ؟
غزل:انا زادة ... نحب ننتقم ...
أيهم:واعية بلي تقوول فيه ؟؟؟؟.. مش لعبة راي
غزل:نعرف ... نحب نوريه ... شكون غزل الحقيقية ... نحب نخليه يعرف وجهي لااخر ... و يدرك الي غزل الضعيفة الي ترضخ لأواامرو ... ماتت ... نحب نعكس كل شي في حياتي ... خاطر هذي حقيقتي ...
أيهم:قاعدة تلعب بالنار ... بعد مستحيل تنجم تطفيها ... بش تلقى حياتك مدمرة ... الدومان هذا مش ساهل جملة حفرة تدخل فيها تبقى غادي طول عمرك ..
غزل:و كأنو الي نخدم فيه انا شنية يتسمى ؟ نشرف على عمليات تهريب قتل سرقة ... وانتي تعاون فيا
كبس على يدو و تنهد بالقوي
أيهم:نعرف ... اما الندم ماعندووش حتى فايدة توا انتي بدخولك معانا بش تزيد تضر روحك اكثر ... مقتلكش امشي لمراد وانتقم منو بطريقتك قتلك احكي معاه كاهو ... خممو في مصير ولدكم ... خاتر ماعندو حتى ذنب
غزل(تنهدت):انا واعية ... واعية بلي نقول فيه و متخذة قراري
بقات تغزرلو في عينيه ... تحاول تقرى شوي من ملامحو ... سرح بمخو لبعيد ... بقرارها زادت دخلتو في حيط ... كان تصيرلها حاجة مستحيل يسامح روحو ... بقات تغزرلو تتشحت فيه بعينيها ... تحبو يوافق بأي طريقة ...
ايهم:منجمش غزل ...
حمرت عينيها و كبست على يديها
غزل:انا عاووونتك ... متنساش جاا الوقت بش ترجع جميلي مش هكا؟؟؟؟ ...
ايهم:غزل ...
غزل:كان متحبش تدخلني اناا الي بش ندخل وحدي ...
تأفف بالقووي غزل كي تشد صحيح مستحيل تتراجع على قرارها .... عرفت صمتو هذا هو دليل موافقتو ...
غزل:زعما جود نخليه وحدو ؟
أيهم:و شكووون قلك الي انا وافقت من أصلو
تبسمت على جنب ...
غزل:نفهمك من غزرة وحدة راني
و توا ااش قلت ؟؟
ايهم(تنهد):علاش بش تخليه وحدو ... توا يبقى بحذاا هتون
غزل:باهي مالا ..
مشات لجود لبستو ...و  عملت مكياج  غامق و روب نوار مفصلتلها بدنها يعرفهم يعتمدو على المظهر ... بقى يستنى فيها و كي جات مشاو ...