تمشي و تجي ... تفرك في يديها ... الرعب ماكنها ... بدنها الكل يرعش ... غزل مشات جابتلها كاس ماء و رجعت اعطتهولها
غزل:هدي روحك عزيزتي ... مش باهي لا ليك لا للصغير
.... خرجت تنهيدة من عرووش قلبها ... رجعت تشرب في الماء و مخها في عالم اخر ... بلعت ريقها ... تحاول تستعيد شوي من قوتها ... اما التوتر مسيطر عليها ...
هتون:شكووون ... شكون عملها
غزل تنهدت ...
غزل:اكيد ايهم عندو أعداء ... توا يلقاوهم متخافش
تمسحلها على شعرها و تحاول تهديها ... هزت راسها تشوف في محمد و مرام جايين ... قامت طول و دموعها غلبوها ... بوها تبسم بوجيعة و من داخل العكس تماما ... متشمت في ايهم اما دموع بنتو حرقوه ... عنقها بالقوي و مسحلها على شعرها و هي ولات تبكي في حضنو ...
محمد:عيش بنتي يزي من البكاء ...
هتون:بش يمووووت يا بابا !
محمد(تنهد):متقوولش هكا ...
بعدت عليه و رات مرام زادت ترمات في حضنها تبكي و تشهق ... باب العمليات تحل و الطبيب خرج ... هتون طول جرات وقفت قدامو تسأل فيه بلهفة
هتون:لباااس؟؟؟؟ ... امااان طمني ...
الطبيب:لحسن الحظ السكين دخلت في بلاصة فارغة ... خسر برشا دم اما نجمنا نوقفو النزيف ... بش يبقى في الانعااش حاليا بعد تنجمو تشوفوه
و غادي تلقى وجه محمد تقلب اصلا هو الغاية متاعو انو ينبهو و يعطيه درس خفيف على حد تعبيرو و يعذبو شوية اما ظاهر كل شي طاح في الماء .... هتون حطت يدها على كرشها تنفست بإرتياح و دارت لغزل الي كانت فرحانة زادة هي ....
غزل:قتلك مش بالسااهل يستسلم ...
تبسمت و شدتلهاا يدها ... مرام جات عنقتها
مرام:تنسااش تخصلنا المبروك عاد ههههههه ...
ضحكت تلفتت بالصدفة لمحمد شافتو كيفاه مقلوب ... تنهدت قربت منو ...
هتون:بابا ... نحب نحكي معاك
تلفتلها ... في مخو الف سؤال و سؤال اماا الاول عارفو شنية ... غزل هزت ساكها
غزل:بعد توا نرجع رد بالك على روحك عزيزتي
هتون:يعيشك غزل
غزل:من غير مزية عزيزتي
مرام كي شافتهم يحبو يحكيو ... هزت ساكها و قالت هابطة لل café ... بقاو كان هوما وحدهم ... تلفت غزرلها على جنب شافها كيفاه متوترة
محمد:من يوم الي تولدت ... حياتي تبدلت ... قلت سااييي الهم وفى ... مخليتك ناقصة شي حاولت نعوض كل شي في حياتك و نسكن في قلبك بأي طريقة ... علاش ... بين ليلة و نهار يتبدل كل شي ... نعرف في شنية تخمم توا ... اني قاعد نحاول ندبر عايلك ... مش صحيح
كانت تلعب بصوابعها و تسمع في كلامو ... بلعت ريقها و تلفتتلو ...
هتون:صحيح ... تمنيت عمري الكل نبقى بحذااك انتي ديما تاج فوق راسي ... بابا ... قتلك من قبل ... انا حبيت كاهو معندي حتى ذنب ... منعرش علاش تحب تظهر ايهم كإنساان خايب ... بلعكس كان تحكي معاه حتى شوي .. تنجم تشوف حاجة اخرى ... هذا الي مقلقك ؟ انك اعطيتني في اطار لعبة قمار؟ نقلك لا .... انا نعرفو ايهم من قبل ...
بقى يغزرلها و يثبت في عينيها ... مش مصدق وذنيه ... عقد حواجبو
محمد:تعرفو من قبل؟ .... من وقتاه!
هتون(تنهدت ... رجعت سرحت بخيالها): قرا معايا في الفاك ... صدقني كان تقارن ايهم بين الماضي و الحاضر .. تبقى باهت كيفي انا ... بنتك هي سبب تدمير حياتو يا بابا ... ما كان عندو حتى ذنب ... حبني كاهو وانا وقتها مخطوبة من هارون ... تذكرتو ؟؟؟ ولد صاحبك المغرور الي حبيتو وهو كان عاملني متع خرجات و في الااخر جبد بيا ... استدعيت ايهم لحفلة اخر العام الي عملتها في الفيلا وقتها .... و قلت لشكون بش تحطلو شوية من الذهب متاعي في جيبو ...
هزت راسها تغزر لردة فعلو ... كان يغزرلها مصدووم ... بلعت ريقها و رجعت هبطت راسها تغزر للقاع الي ولات تشوف فيه فلو من كثر الدموع الي في عينيها ...
:اي ... اذاكا هو الطفل الي قتلك نحبك تدخلو للحبس خاتر سرقلي ذهبي ...
منجمش نتخيل الي صارلو غادي ... اما اكيد تعذب برشاااا و هذا انعكس على شخصيتو الي تبدلت complètement ولى عندو اضطرابات نفسية ....و
قص عليها وهو مزال مش مصدق الي يسمع فيه ...
محمد:وشنية الهدف متااعو كي عرس بيك ؟
هزت اكتافها
هتون:يطفي شوية ناار كاهو ...
محمد:هتون! (شدلها يديها) عملك حاجة ؟؟؟ ضرك ؟؟؟ مسك ؟؟ ضربك؟؟؟
تنهدت و بعدت يديها ...
هتون:منحبش نحكي في الموضوع هذا بابا ... اما ... (تلفتتلو) ابعد علينا كاهو ... نحب نقعد مع راجلي و ولدي الي جااي في الثنية ... كاهو ...
محمد:وبوك ؟؟؟ و امك ؟؟؟ و اختك؟؟؟ هوما زادة تحب تبعد عليهم؟؟؟
هتون:مقلتتش هكا ... بالعكس ... انا قلت ليك انتي ابعد ... (قامت) بابا المرة اذياا عديتها اما ماعادش تدور بأيهم ... خاتر غشو خايب برشا ... ينجم يضرك
محمد:منييش خاايف منو ايهم متاعك! ... اصلا الحرب مزالت والعة
هزت يدها مسحت دمعة هبطت من عينها ... دارت و مشات
أنت تقرأ
🖤جحيم الجسد🖤
Action.. عشاااااق الاانحرااااااف امااا هذا انحراااااف من نوع آخر بش يكسر اااالحدود 🔞😍😈😈😈😈 عشااق الاكشن 💓 عشااق الدراما 😘 .... اتلموولي هنا #جحيم_الجسد 🚨🔞🔞 كروووونيك تجمع بيين ... انتقاااام 🔥🔥 ... عذاااااب 💔❌❌ .. ماااااافيا 🔇💊💉💸🔪...
