[မှော်နက်အရှင်၏ချစ်ခြင်းမေတ္တာ💚ForNadi💚= ေမွာ္နက္အရွင္၏ခ်စ္ျခင္းေမတၱာCompleted

episode 4:4

#Unicode☑️

မှောင်ရီပျိုးလို့ ငှက်ကလေးများ အိပ်တန်းတက်ကြချိန်တွင် လန်လေးတစ်ယောက် ပြန်လည်နိုးထလာတယ်။
အကြာကြီးအိပ်မိလိုက်သည်မို့ အနည်းငယ် အညောင်းမိနေသောခန္ဓာကိုယ်လေးကြောင့် ခဏအကြာမှသာ ထလိုက်ပြီး အိမ်ကလေးထဲသို့ဝင်လာလိုက်တယ်။

အတွေးထဲစိုးမိုးနေသူဟာ အိပ်မက်ထဲတွင်တွေ့ခဲ့ရတဲ့ထိုနတ်ဆိုးသာ၊
ဘယ်သူမှန်းမသိပေမဲ့ ရင်းနှီးနေသယောင်ယောင် တစ်ခုခုကဆွဲငင်လွန်းနေသည်မို့ စိတ်ကိုထိန်းသော်လည်း ထိုအရပ်မျက်နှာသို့သာဦးတည်နေလေသည်။

တဖန်ရောက်လာပြန်သော ကန့်သတ်တောဆီသို့

~ကြင်ယာတော်လောင်းလျာလေး ၀င်လာခဲ့~ လာခဲ့ ကိုယ်ခေါ်နေတယ်~~လန်ရိပေါ်~~

ထိုအသံရှိရာနေရာကို သူအရောက်သွားချင်တယ်။ နောက်ကွယ်မှာရှိနေတဲ့သူကို မျက်မြင်ကိုယ်တွေ့ တွေ့ဖူးမြင်ဖူးချင်တယ်။
စိတ်ကိုဒုန်းဒုန်းချလို့ အသံရှိရာဆီသို့ဦးတည်ကာ လျှောက်လာလိုက်တော့ ရေညှိအနည်းငယ်တက်နေသောကျောက်တုံးကလေးများ အစီအရီခင်းထားသောလမ်းငယ်ကလေး သေသေချာချာ ဂရုတစိုက်လျောက်လာရင်း အသံခေါ်ဆောင်ရာဆီသို့ လိုက်လာမိတယ်။

~ လန်ရိပေါ် နောက်ဆုံးတော့ မင်းရောက်လာတော့မယ်~ လာခဲ့~ ဘယ်ကိုမှမကြည့်ဘဲ ကိုယ့်ဆီ တည့်တည့်လာခဲ့~~

လမ်းအဆုံးမှာတွေ့လိုက်ရတာက ကျောက်သလင်းဂူတစ်လုံး အစီအရင်ဖြင့် သေချာစည်းချထားတယ်။
အစီအရင်ကို အကဲခက်ကြည့်ခြင်းဖြင့် ထိုအထဲက နတ်ဆိုးရဲ့ စွမ်းအားကို ခန့်မှန်းမိလိုက်တယ်။
လန်ဦးဦး၊သ့ကျဲကျဲ နဲ့ ရင်းကျဲကျဲတို့ရဲ့စွမ်းအားတွေပါ အနံ့ခံမိလိုက်သည်မို့ ထိုကျောက်ဂူအတွင်းသို့ဝင်ရန် အနည်းငယ်တွန့်ဆုတ်မိလေတယ်။
သူသာသေချာပေါက် တံခါးဖွင့်ဝင်မိရင် နတ်ဆိုးမလွှတ်သွားဘူးလို့ ဘယ်သူမှ အာမမခံပေးနိုင်ဘူး
နောက်ပြီး ကန့်သတ်တောမို့ ၀င်ခွင့်ပိတ်ထားပြီးသား လန်ဦးဦးသိရင် အပြစ်သေချာပေါက်ပေးခံရပေလ်ိမ့်မည်။
သူဝင်လိုက်သင့်လားး? ပြန်လှည့်ထွက်သင့်လားး?