#Unicode☑️
နံ့သာငွေ့များတလှိုင်လှိုင်ထကာ အခန်းတွင်းဝဲပျံနေကြလျက် အနီရောင်ပိုးကြိုးများအလယ်တွင် ကြေးနီပြားများပါရှိသောကြိုးများရောယှက်နေကြသောနေရာအောက်ဝယ် အပြာရောင်အစီအရင်ဆွဲထားသောအလည်၌ သိုလှောင်ပိုးသားချည်မျှင်အိတ်ဟာရောက်ရှိနေလေသည်။
" ဂိုဏ်းချုပ် ဒီဝိဉာဉ်က မှော်နက်အရှင်ရဲ့ဝိဉာဉ်ဟုတ်ရဲ့လား "
လီရင်းရဲ့အမေးစကားအား လန်ဂိုဏ်းချုပ် တွေးဆဆဖြင့်ခေါင်းငြိမ့်ပြလိုက်တယ်။
ထို့နောက်ညာဘက်လက်မှစွမ်းအားအနည်းငယ်ထုတ်ရင်းအိတ်ကိုဖွင့်လိုက်တော့ အနက်ရောင်အငွေ့များစွာထွက်လာပြီး နာကျည်းစွာအော်ဟစ်သံကာထွက်ပေါ်လာတယ်။
အနက်ရောင်ငွေ့များမှ တဖြည်းဖြည်းပုံပေါ်လာသောအနက်ရောင်ဝတ်ရုံအား ခန့်ညားစွာဝတ်ဆင်ထားတဲ့လူတစ်ယောက်၊ တနည်းအားဖြင့် မှော်နက်အရှင်ဟာ မျက်နှာအား ဖုံးကွယ်ထား၍ အစီအရင်ကြောင့်ခြေ၊လက်တို့တွင်အပြာရောင်ရှိသောသံကြိုးသဖွယ်အလင်းတန်းများဖြင့် ချည်နောင်ခြင်းခံထားရလေသည်။
" ငါ့ကို ဘာလို့ဖမ်းထားတာလဲ!! "
လူသားတစ်ဦးရဲ့အသံမဟုတ်ဘဲ ကြောက်စရာသြရှရှနတ်ဆိုးတစ်ကောင်ရဲ့အသံဖြင့်ဆိုလိုက်ခြင်းပင်။
" မင်းက သိုင်းလောက ကို အရမ်းဒုက္ခပေးလွန်းတယ် ငါတို့ကလဲ သိုင်းလောကကြီးအေးချမ်းဖို့ တာဝန်အရဖမ်းတာ ဒီကျောက်ဆောင်ထဲမှာပဲ အသက်ရှင်နေသရွေ့နေပေတော့ "
လန်ဂိုဏ်းချုပ် နဲ့ လန်ညီအစ်မနှစ်ဖော် လက်နှစ်ဖက်ကို အသီးသီးသွယ်ယှက်ကာ စွမ်းအားများ ထုတ်လိုက်ပြီး ထိုအနက်ရောင်ဝတ်ရုံဖြင့်မှော်နက်အရှင်ဆီ ပို့လွှတ်လိုက်လေသည်။ မှော်နက်အရှင်ထံမှ အသံနက်ကြီး ထွက်ပေါ်လာပြီး ကျောက်တံခါးဟာ ပိတ်သွားတော့လေသည်။
လန်ဂိုဏ်းချုပ် နှင့် လန်ညီအစ်မနှစ်ဖော်ဟာ သူတို့တာဝန်ပြီးမြောက်သည်မို့ ထိုနေရာမှ ထွက်သွားကြလေသည်။ ကျောက်ဆောင်အတွင်းမှ မှော်နက်အရှင်ဟာ နှုတ်ခမ်းတွန့်ရုံမဲ့ပြုံးပြုံးလိုက်လေသည်။
STAI LEGGENDO
[မှော်နက်အရှင်၏ချစ်ခြင်းမေတ္တာ💚ForNadi💚= ေမွာ္နက္အရွင္၏ခ်စ္ျခင္းေမတၱာCompleted
Narrativa StoricaXiao Zhan _ Seme = top Lan Yibo(Wang Yibo) _Uke = bottom ✅ZSWWSZD✅ 🚨Zhanyi Fan fiction🚨 ❌Not Yizhan❌ ❌Not BJYX❌ Start - 6.29.2021[Tue] End - . 9.2.2021[Thur] #Ămaryllis_Ķ #For Nadi💚
