Unicode
အခန်း (၂)
စစ်သင်တန်း
လူတွေဟာ အမြဲတမ်းအသက်ရှင်သန်လိုစိတ်ကြတယ်။ မင်းတို့ပါးစပ်ကနေ အသက်မရှင်ချင်တော့ပါဘူးလို့ ညည်းညူနေပေမယ့် မင်းတို့ခန္ဓာကိုယ်ကတော့ ရိုးရိုးသားသားပဲ ဆက်လက်ရှင်သန်နိုင်မယ့်နည်းလမ်းတွေကို ကြိုးကြိုးစားစားရှာဖွေနေကြလိမ့်မယ်။
လုချီတစ်ယောက် ဟိုတယ်ကနေ လက်ဗလာနှင့်ထွက်လာခဲ့ရပြီး သူ့အရိပ်ကတောင် သနားစရာပုံပေါက်လို့နေသည်။ ညကြီးမင်းကြီးပဲ အိမ်ပိုင်ရှင်ကို အခန်းဆက်မငှားတော့ကြောင်း ဆက်သွယ်လိုက်သည်။ ကျောင်းဖွင့်ရက် ဒုတိယနေ့အထိစောင့်ပြီး အဆောင်မှာနေဖို့ သူစဥ်းစားထားသည်။ ထို့နောက် အချိန်ပိုင်းအလုပ်ရှာရမည်။ အကယ်၍ အလုပ်ရှာမရလျှင်လည်း ချေးထားတဲ့ ယွမ်ငါးသောင်းပြန်ဆပ်ဖို့ သူ့ကျောက်ကပ်ကို ထုတ်ရောင်းလိုက်ရုံပဲ။
ဟော်မင်ချန်က သူ့ကိုယ်ကို ဟိုတယ်ပြတင်းပေါက်မှာ မှီလျှက် အပြင်ကိုလှမ်းကြည့်ရင်း ဖုန်းနံပါတ်တစ်ခုကို ခေါ်လိုက်၏။ အပြင်ဘက်က တဝေါဝေါတိုက်ခတ်နေသည့်လေတွေက သူ့စီးကရက်က မီးခိုးငွေ့တွေကို ရိုက်ခတ်လာပြီး မီးစက နီရဲလာကာ မီးခိုးတွေကဟာလည်း စက်ဝိုင်းတစ်ခုလို သူ့ဘေးမှာ ဝေ့ဝဲလျှက်သား။
သည်းထန်စွာ ရွာသွန်းနေသော မိုးသက်မုန်တိုင်း၏ အသံက သူ့ဖုန်းထဲက လှောင်ရယ်သံကို ဖုံးမသွားနိုင်ပေ။
"ဟား ဟား ဟား ဟား... ငါမယုံနိုင်ဘူး။ ရယ်ရလွန်းလို့ သေတော့မှာပဲ။ အဲ့ဒီကောင်က မင်းကို ဟိုတယ်ခေါ်သွားပြီး အခန်းငှားပေးပြီးတာနဲ့ ထွက်သွားတယ်ပေါ့။ ဘာမှမဖြစ်လိုက်ရဘူးလား။ ငါပြောမယ် ဟော်အာ မင်း အဖြောင့်တစ်ယောက်ကို မရှာမိတာ သေချာရဲ့လား။ ဒါမှမဟုတ် မင်းရဲ့ဆွဲဆောင်မှုတွေ ကျသွားတာများလား။ "
ဖန်းချီက နံရံကိုလက်သီးနှင့်ထိုးရင်း မျက်ရည်တွေကျတဲ့အထိ အတောမသပ်နိုင်အောင် ရယ်လေ၏။ ဒီဟော်မင်ချန်က အမြဲတမ်းချောမောကြည့်ကောင်းနေတတ်ပြီး ကလေးဘဝကတည်းက အခုအချိန်အထိ သူ့အချစ်ကိုရဖို့ လိုက်ပိုးပန်းနေတဲ့သူတွေဆိုတာလည်း ဘယ်တုန်းကမှ ပျက်တယ်မရှိခဲ့ဘူး။ ဒီကောင် အခုလိုမျိုး ကျရှုံးသွားတယ်ဆိုတာ အခုထိ မယုံနိုင်သေးဘူး။
YOU ARE READING
Don't Be a Kept Man ( Myanmar Translation )
RomanceAuthor(s) 碉堡rghh English Translation Winteree Translation Chapters 189 Chapters(Completed) 8 arc English Translation (on going ) Associated Names 不做软饭男 Fully credit to original author and english translator. This is just fan translation. Trans...
