Unicode
အခန်း ( ၁၈ )
ညနေခင်း
ဟော်မင်ချန်က လူချီဘက်မှ အတော်လေးကြာသည်အထိ စကားပြန်မလာတော့ သူ့ဖုန်းကို လက်ဆစ်ဖြင့်ခေါက်ကာ
“ ဘာလို့ ဘာမှပြန်မပြောတော့တာလဲ။.”
လုချီ အသိပြန်ဝင်လာတော့ သူ့လက်ချောင်းများကို ဆံပင်ထဲသိုထိုးဆွကာ ဆောင့်ဆွဲလိုက်မှ သူ့အတွေးများလည်း ရှင်းလင်းသွားတော့သည်။
“ ငါကို ဘာပြောစေချင်လို့လဲ။ မင်းမိသားစုရှေ့မှာတောင် ငါ့ကိုဖုန်းဆက်ရဲတယ်။ အတော့်ကိုသတ္တိကောင်းနေတယ်ပေါ့လေ။ ”
ဟော်မင်ချန်က နှာမှုတ်လိုက်ကာ သူမျက်ခုံးများက အသာမြင့်တက်သွားသလို နှုတ်လမ်းထောင့်ကလည်း အပေါ်သို့ကော့တက်သွားပြီး နည်းနည်း ကျေနပ်မိသွား၏။
“ ငါ့မိသားစုရှေ့မှာ မင်းကိုဖုန်းဆက်မှပဲ ငါက သတ္တိရှိတာလား။ ဒီထက်ပိုသတ္တိကောင်းတဲ့ကိစ္စတွေတောင် ငါကလုပ်ရဲသေးတယ်ဆိုရင် မင်းယုံမလား။ ”
ထိုစကားကိုကြားတော့ လုချီမျက်ခုံးတွေတွန့်ချိုးသွားကာ ကောင်းတဲ့ကိစ္စတော့မဟုတ်မှန်း ရိပ်စားမိသွားလေပြီ။ သံသယဝင်စရာပင်မလိုပေ။ ခဏအကြာမှာတော့ အရပ်သားမိန်းမပျိုလေးတွေကို လိမ်ညာလှည့်စားနေသော မင်းသားတစ်ယောက်အသံလိုမျိုးနှင့် ဟော်မင်ချန်၏ နိမ့်ချည်မြည်ချည်အသံကို ကြားလိုက်ရလေသည်။
“ ဘေဘီရာ စိတ်မဆိုးပါနဲ့ကွာ။ မင်းကိုယ့်ကိုလွမ်းနေတယ်ဆိုတာ ကိုယ်သိတာပေါ့။ ကိုယ်လည်း ဘေဘီကိုလွမ်းပါတယ်။ နှစ်သစ်ကူးပြီးသွားရင် ကိုယ်တို့ တစ်ယောက်နဲ့တစ်ယောက် တွေ့ရတော့မှာပဲဟာ။ အင်း လိမ္မာစမ်းပါကွာ။”
လုချီ : “……”
သူ့အဘိုးက သူ့ဦးလေးနှင့်စကားပြောနေပြီး ဟော်မင်ချောင်က ဘေးကနေ သူတို့၏ပညာပေးစကားများကို နားထောင်နေသည်။ ဟော်မင်ချန်လည်း ဒီလိုစကားတွေပြောလိုက်ရော သူ့မှာ သူကြီးသုံးယောက်၏အာရုံကို စွဲဆောင်မိသွားတော့၏။
ဟော်မင်ချန်က ပိပိရိရိသရုပ်ဆောင်လေ သူ့အဘိုးက သူ၏အသုံးမကျသောမြေးငယ်အပေါ် ပိုဒေါသထွက်လာလေပင်။ ဒေါသကြောင့် နှုတ်ခမ်းမွှေးပါထောင်လာပြီး ဟော်မင်ချန်ကို စိုက်ကြည့်လာတော့၏။ သူ့ဦးလေးကတော့ မိသားစုဝင်အငယ်လေးတွေ၏ အရူးလုပ်နောက်ပြန်မှုကို ခွင့်လွှတ်ထားသည့် အပြုံးတစ်ခုကို သူ့မျက်နှာထက်မှာ ချိတ်ဆွဲထား၏။ သူ့အစ်ကိုကြီးကတော့ အားလုံးထဲမှာ အရိုးသားဆုံးပင်။ စားပွဲအောက်ကနေ သူ့ခြေထောက်ကို လှမ်းကန်လာ၏။
YOU ARE READING
Don't Be a Kept Man ( Myanmar Translation )
RomanceAuthor(s) 碉堡rghh English Translation Winteree Translation Chapters 189 Chapters(Completed) 8 arc English Translation (on going ) Associated Names 不做软饭男 Fully credit to original author and english translator. This is just fan translation. Trans...
