Don't Be a Kept Man ( Myanmar Translation )

Chapter 25 ( Part 1 )

Unicode
အခန်း ( ၂၅ )
မြွေကို သူ့တွင်းထဲမှ မျှားထုတ်ခြင်း
( အပိုင်း ၁ )

ဟော်မင်ချန်နှုတ်ခမ်းများမှ ညည်းညူသံများက တာကျိုးကာ ထွက်လာလေ၏။ သူ့စိတ်ဝိညာဥ်လွင့်ထွက်သွားသည့်နှယ် ခံစား​နေရပြီး သူ့လက်ချောင်းများက လုချီကျောပြင်ထက်ကို ကုတ်ခြစ်နေကာ သူ့အပိုင်အဖြစ် အမှတ်အသားပြုရန် လက်သည်းရာများကို ချန်ထားရစ်ခဲ့သည်။ တစ်ဖက်လူက နာမှာ​ကြောက်တယ်လို့ ပြောခဲ့တာကို ပြန်အမှတ်ရမိတော့ သူ့လက်သည်းများကိုဖယ်ကာ သဲကြီးမဲကြီး လှည့်ကာ နမ်းရှိုက်လိုက်လေ၏။

လုချီက ဟော်မင်ချန်၏ခြေတန်သွယ်သွယ်ကို သူ့ပုခုံးထက်သို့ ဆွဲမြှောက်ထား၏။ သူ့မျက်လုံးများက ဘယ်နေရာကနေ ပြန်လည်စုစည်းလာမှန်းမသိသော အမှောင်ထုတွင်းက အလင်းရောင်အကျိုးအပဲ့များနှယ် ဆုံမှတ်တစ်ခုမှ ကြောက်စရာကောင်းလောက်အောင်ကို တောက်ပလင်းလက်နေလေသည်။ သူ့နဖူးထက်မှ တစက်စက်ကျလာသော ချွေးစက်များက လည်တိုင်တစ်လျှောက် လမ်းကြောင်းအတိုင်း စီးကျသွားကာ သူ့၏ ဆွဲဆောင်မှုရှိသော လည်စလုတ်သို့ပင် ရောက်သွား၏။ ထိုမှတစ်ဆင့် သူတို့၏ ဆက်နွယ်ထားခန္ဓာကိုယ်များအကြားတွင် စီးဆင်းပျောက်ကွယ်လို့သွားချေ၏။

ဖုန်းကျယ်၏လုပ်ငန်းက ဦးမော့နေဆဲဖြစ်ကာ လုချီမှာလည်း ၎င်းတို့ကိုဖြည့်ဆည်းတာဝန်ယူရန်အတွက် တာဝန်ကြီးများယူထားရပြီး ကိုယ်ပိုင်အစီအစဥ်များလည်း ရှိသေး၏။ နှစ်နှစ်ခြိုက်ခြိုက် အိပ်စက်ရခြင်းက နိဗ္ဗာန်ဘုံအသစ်ဖြစ်၏။ နေ့ဘက် သူ့တာဝန်များပြီးစီးသောအခါ သူ့မှာလှဲလိုက်တာနှင့် ချက်ချင်းကို အိပ်မောကျသွားရသည်။ အိပ်ရာပေါ်မှာဆိုလျှင် လှုပ်ရှားဖို့တောင် အားမရှိတော့။

အိပ်ရာပေါ်က ဖုန်းကလည်း တစ်ပြိုင်နက်ကို မြည်လာတော့၏။ ဟော်မင်ချန်မှာ လုချီနိုးသွားမှာစိုး၍ တွေ့ရာအဝတ်ကောက်စွတ်ပြီး ဝရံဘက်သို့ ဖုန်းပြောရန် ထွက်လာခဲ့သည်။

“ ဘာထူးလဲ။ ”

သူက တံခါးကိုအသာပြန်ပိတ်ပြီး စီးကရက်ကို မီးညှိလိုက်၏။ ပျံ့လွင့်စ အခိုးအငွေ့များက လေ၏ဆောင်ယူမှုကိုခံလိုက်ရပြီး ဆေးလိပ်ငွေ့ဖြစ်ချိန်ပင် မရှိတော့ဘဲ ညကာလမှာ မီးစအဖြစ်သာ ပေါ်နိုင်တော့၏။