Unicode
အခန်း (၁၅)
အကြောင်းနှင့် အကျိုး
လုချီသည် ဟော်မင်ချန်တစ်ခုခုကို တီးတိုးပြောလိုက်သလို ကြားလိုက်မိတာကြောင့် ကြောင်အသွား၏။
“ မင်းသာ အမြဲဒီလိုအတိုင်းလေးပဲရှိနေမယ်ဆို ဘယ်လောက်ကောင်းလိုက်မလဲ။ ”
အသံက ဟော်မင်ချန် သူ့ဘာသာရေရွတ်နေသည့်အလား တိုးလျလို့။ လုချီက ဟော်မင်ချန်ဘာတွေပြောနေသလဲဆိုတာ မေးရန်ပြင်လိုက်စဥ်မှာပဲ ဟော်မင်ချန်က သူ့ကိုဆွဲထူလာသည်။
“ သွားကြစို့။ ဒီနေရာက ရှုပ်တယ်။ အိမ်ပဲပြန်ကြရအောင်။ ”
လုချီက ယခုလိုရှုပ်ရှုပ်ယှက်ယှက်နေရာမျိုးကို မကြိုက်တာကြောင့် ဟော်မင်ချန်နောက်သို့ လိုက်လာခဲ့တော့သည်။ ထွက်ပေါက်မှာ အပြင်ဘက်ကလေအေးအေးတွေတိုက်ခတ်နေကာ ရီဝေဝေဖြစ်နေသော သူ့ခေါင်းပင် ပြန်ကြည်လင်လာလေပြီ။ အပြင်ဘက်က အေးစက် တိတ်ဆိတ်နေသောလေထုသည် ဘားထဲက မသဲမကွဲကြားနေရသော ကခုန်သံများ၊ ဆူညံသံများနှင့် လုံးဝဆန့်ကျင်ဘက်ပင်။
ဟော်မင်ချန်က အအေးဓာတ်ကြောင့် တုန်ယင်သွားပြီး ရည်ရွယ်ချက်ရှိရှိ စကားစလိုက်၏။
“ အေးလိုက်တာ။ ဆောင်းရာသီတောင် ရောက်တော့မယ်။ ”
စကားစစာရာ အကြောင်းလည်း ရေရေရာရာမရှိတာကြောင့် လုချီ စိတ်မပါလက်မပါဖြင့် ပြန်ပြောလိုက်သည်။
“ နွေဦးရောက်ဖို့လည်း သိပ်မလိုတော့ဘူး။”
ထို့နောက် လွန်စွာရင်းနှီးနေသော အပြုအမူဖြင့် ဟော်မင်ချန်ဘောင်းဘီအိတ်ထဲသို့ လက်နှင့်နှိုက်လိုက်လေသည်။
“ အာ့ ! မလုပ် … ”
ဟော်မင်ချန်က လန့်ဖျပ်သွားပြီး လုချီလက်ကို အလျှင်အမြန်တားလိုက်၏။ လုချီက နမ်းချင်တယ်ဆိုရင်တောင် အရင်ဆုံး အိမ်ပြန်သင့်တယ်လေ။ လူတကာမြင်နေရတဲ့ လမ်းပေါ်မှာတော့ မနမ်းသင့်ဘူး။
လုချီကလည်း ဟော်မင်ချန်ကို စိုက်ကြည့်နေရင်းကနေ သူ့လက်ချောင်းတွေကို ဖြန့်ပြလိုက်သည်။ ဟော်မင်ချန်၏ မျက်စိရှေ့တွင်ပဲ သူ့အိတ်ကပ်ထဲက သော့တစ်စုံကိုမြှောက်ပြီး ဝှေ့ယမ်းပြလိုက်တော့သည်။
ESTÁS LEYENDO
Don't Be a Kept Man ( Myanmar Translation )
RomanceAuthor(s) 碉堡rghh English Translation Winteree Translation Chapters 189 Chapters(Completed) 8 arc English Translation (on going ) Associated Names 不做软饭男 Fully credit to original author and english translator. This is just fan translation. Trans...
