👑
اللهم يامالك الملك تؤتي الملك من تشاء وتنزع الملك ممن تشاء تعز من تشاء وتذل من تشاء بيدك الخير انك على كل شي قدير
تولج الليل في النهار وتولج النهار في الليل وتخرج الحي من الميت وتخرج الميت من الحي
وترزق من تشاء بغير حساب رحمن الدنيا والاخره ورحيمهما اللهم ارحمني رحمة تغنيني بها رحمة عمن سواك👑
الفصل السابع
هدأت الأوضاع بعد رحيل ضاحي ..
دخلت الممرضه واعطت نماء الدواء واطعمتها والدتها لتنام بتعب بعد ذلك
رحلت عبير مع جابر بعد أن اطمئنو علي نماء ..
معاذ كان يجلس مع منصور خارج الغرفه وهو ينظر إلي الباب بشرود والم
منصور : ساكت ليه
معاذ : متكتف يا خوي. حلفتني إني مدخلش في حاجه. بس لو تركتهاا هيموتها
منصور : هي حره مش هي اللي اختارته ، خليها تندم.
نظر له معاذ بضيق وغضب : ليه أكده يا منصور . مفيش في قلوبكم رحمه .
منصور : وه ، وانا اللي كنت قولتلها تتجوز ابن ال** ده وله انا اللي رفضتك
معاذ : برضو هي في ضيقه وانا متاكد انه هو اللي عمل فيها أكده وهثبت للكل
منصور : وبعدين يا ولد ابوي . بعد اما تثبت هيوحصل ايه، راجل وكان مع مرته ملكش صالح بينهم
وقف معاذ ونظر الي اخيه بغضب ليبتعد عنه .. لماذا لا يشعر أحد به ،كيف يقف صامت أمام كل هذا . كيف يعامل الزوج زوجته بهذه الطريقه هي حبيبته وتزوجت بمن لا يستحقها لن يستطيع أن يتخلي عنها
سال عن الطبيب المتابع لحالتها ودخل ليجد وجهه عليه اثر لكمه جعد جبينه باندهاش : السلام عليكم
الطبيب : وعليكم السلام
معاذ : لو سمحت كنت عايز اعرف حاله المريضه نماء بهاء الدين
الطبيب : غرفه كام
معاذ : ٢٠٣
توتر الطبيب وعدل نظرته الطبيه : احم . ل ليه
لاحظ معاذ حركته : هو ايه اللي ليه . عايز اعرف حالتها وكمان تقرير بحالته
الطبيب : ممنوع . دي اسرار المريضه
معاذ بشك: انا قريبها وعايز اعرف حالتها ايه . وله انت خايف من حاجه
الطبيب : وهخاف من ايه يا استاذ انت . أنا مبعملش تقارير. اتفضل اخرج
معاذ: انت جبان ، خايف من ضاحي ، وناسي أن في ربنا اكبر من ضاحي . فين شرف مهنتك كطبيب مفروض تتكلم . مش تسكت عن الحق
