👑اللهم أعوذ برضاك من سخطك، وبمعافاتك من عقوبتك، وأعوذ بك منك، لا أحصي ثناء عليك أنت كما أثنيت على نفسك👑
الفصل الثاني
بعد صلاه الفجر لم يعود رباح الي الببت لا يريد أن يواجهه زوجته الآن كيف سيكسرها ويخبرها أن جده أمره بالزواج من ابنه عمتهم ..
جلس بمفرده وهو ينظر إلي السماء بضيق ليشعر بمن يجلس بجانبه
ضاحي: مزودها حبتين يا ولد ابوي .
ابتسم باستخفاف: بالنسبالك انت مزودها . لانك معشقتش قبل أكده
ضاحي: العشق مش للرجال
رباح : الرجال هي بس اللي بتعشق يا ابن ابوي .
نظر الاخ الي اخيه بملل . ضاحي لا يفهم كيف لأخيه أن يترك قلبه يتحكم به . يجب أن يكون قوي اما الحب فهو من وجهه نظره للضعيف
ضاحي : مش هيوحصل حاجه لو سمعت كلام جدك.. مش هينقص منك حته
رباح : بس انا مش هتجوز علي مرتي . أنا بحب زهره ومش هكسر قلبها
ضاحي : مرتك لسه محبلتش.. انت حر تحبها بنت عمتك وله لا . بس جوازك ده أمر من جدك
رباح : جدي عايز يتحكم في كل حاجه . هيظلم البنات كمان.
ضاحي : واه كانك جنيت . الجواز ستره للبنات وهو رايد يكونو في امان
رباح بسخريه : امان 😏 انا عمري ما هحب غير زهره . وانت كمان
ضاحي : انا معحبش حد . وبلاها كلام ماسخ . حب ايه اللي هتتحدت عليه انت عيل صغير اياك
رباح: هو الحب ده للصغار . . هو كلامك ده أكبر دليل علي انك هتظلمها
ضاحي بزهق : يا بووووي .
تنهد رباح فهو يعلم اخيه وتفكيره المتخلف لا يفهم في أمور القلب ولا يعطي لنفسه فرصه حتي ليفهم
ضاحي : بقولك ايه . فكها أكده ويلا جوم نشوف هنعمل ايه . ورانا مصالح ناس عايزه تخلص..
رباح : روح شوف حالك انا هجعد أهنأ شويه
نفخ ضاحي وترك اخيه يجلس ب هم
******
تناول الجميع الطعام في بيت مرتضي
