👑الحمد لله .. سبحان الله.. الله اكبر.. لا حول ولا قوه الا بالله العلي العظيم 👑
العشرون
.. .. .. ..
جلس معاذ مع أبيه ووالدته علي مائده الطعام وبجانبه طفلته
وضعت نماء العصير وجلست معاهم
معاذ : منصور فين
عبير: عند مرته . قال راح بجيبها ، ربنا يهدي حالهم
جابر: انا كلمته وفاهمته اللي عمله غلط وهو قالي أنه ندمان
معاذ: كويس يا بوي انك كلمته . أنا كنت هتكلم معاه . هو يقبل منك الكلام احسن مني
جابر: انا ميرضنيش يظلم مرته معاه .
******
صعد منصور الي غرفه كابر طرق علي بابها لتفتح هي
نظرت له بعتاب وابتعدت عن الباب ليدخل ويغلق الباب خلفه
امسكها من كتفها لتنظر له ثم قبل رأسها
كابر: لو سمحت يا منصور . ابعد عني
منصور: مقدرش انا بحبك
كابر بسخريه : بتحبني ، كل اللي بتعمله فيا ده وبتقول بتحبني. انت حابسني في البيت متكلمتش . ممنوع أكلم اي حد من الجيران وبرضو متكلمتش . لكن يوصل بيك الحال انك تمد ايدك عليا وعلي ابنك الصغير ده اللي مش هقبل بيه
منصور : غصب عني. كنت غيران عشان كلمتي ضاحي . انتي خابره اني هغير عليك من الهوا
كابر: تقوم تمد ايدك عليا . هو ده مبرر
قبل خدها : حقك عليا . مش هتكرر تاني . أنا ندمان علي اللي عملته وعرفت غلطي
تجمعت الدموع بعيونها ليقبلها ويضمها ظل يعتذر حتي حنت له وتقبلت اعتذاره
عادو الي بيت جابر وجمعو حقائبهم ليعودو مره اخري الي القاهره حتي يتابع عمله
مرت الايام و منصور يعامل كابر بنفس الطريقه ممنوع كل شئ
حاولت أن توصل معه لحل لأن ليث بدأ يكبر ولابد أن يذهب الي (( روضه الاطفال ) ولكنه كان يرفض بحجه أنه ما زال صغير
بعد شهر عرفت كابر بخير حملها الثاني كانت تحاول مع منصور كثيرا أن يتغير ولكنه كان يصر علي أسلوبه يحبها ويغير عليها من كل شئ لا يتقبل أن تتعامل مع أحد
كابر اضطرت أن تتحدث مع الجيران في غيابه بسبب ليث الذي كان دائما يبكي عندما يري الاطفال تلعب معا وهو بمفرده
كانت تراقبه وهو يلعب مع الاطفال الذين في عمره من اولاد الجيران بابتسامه وهي تراه يلعب وهو سعيد
كل يوم تحذره الا يخبر والده حتي لا يغضب . تكره أن تفعل شئ من خلفه ولكنه هو السبب بفضل تحكمه في كل شئ
في يوم عاد من العمل مبكرا ليجد ليث يلعب مع الصغار بينما كابر تقوم بإعداد الطعام
لتسمع صوت الباب
فتحت سريعا لتجد ليث يبكي بفزع حملته بخوف : مالك يا حبيبي بتعيط ليه
