👑اللهم صل وسلم وبارك علي سيدنا محمد وعلى ال سيدنا محمد وعلى اصحاب سيدنا محمد وعلي ذريه سيدنا محمد وسلم تسليما كثيرا 👑
الفصل الرابع عشر
...
كان يقف مع أخيه في انتظار رباح
ليسمع صوته : قالولي انكم عايزيني في حاجه
نظر معاذ ومنصور الي رباح ليتحدث معاذ : ممكن نقعد ونتكلم بهدوء
رباح : مش فاضي
نظر له الآخر بشر . ليتنهد معاذ : ده موضوع مهم ويخص بنت عمتك لو خايف عليها
رباح : انتم عرفتم مكانها
منصور : نقعد الاول ونتكلم
رباح : موافج
ذهبو الي مكان هادئ وجلس الثلاثه معا
معاذ : ضاحي فين
رباح : ليه ؟
معاذ : بصراحه أكده. كابر مع ضاحي اخوك
رغم أنه كان يشك بالأمر إلا أنه تفاجأ أن التي مع ضاحي هي كابر وليست نماء . ماذا يفعل بها
منصور : ساكت ليه. احنا عايزين نعرف مكان ضاحي
رباح : ومين قالكم أن خوي معه كابر
معاذ : احنا متأكدين مليون الميه
رباح : ياااه لدرجه دي واثق
منصور : بلاها لف ودوران عشان بكره الطريقه دي . قولنا فين ضاحي
رباح : مخبرش
وقف منصور ليهجم عليه ولكن معاذ امسك به
معاذ : انا قولت انكم غيرهم يا رباح ليه أكده ، كابر ملهاش ذنب في حاجه وانا خابر أخوك زين
منصور : قولتلك مش هيتكلم
رباح نظر إلي منصور بسخريه : هو أكده . وأخوي ملوش علاقه بكابر .
منصور :هعرف مكانه وارجعها غصب عن عينكم.
تركه منصور وهو غاضب. ليزفر معاذ بضيق
: لو سمحت يا رباح . أنا واثق انك تعرف مكان ضاحي . احنا عايزين كابر بس
رباح : مين قالك أن كابر مع ضاحي . أنا لحد دلوقيت مش مصدق كلامك ، يعني هو لو هياخد حد كان خد نماء هي اللي مرته
معاذ: ضاحي خد كابر علي اساس انها نماء
رباح : مفهمش حاجه
حكي معاذ ما حدث يوم حريق البيت وكيف أخذ كابر بالخطأ
رباح : ومين قالك كل الكلام ده . اذا كان نماء ماتت هي وعمتي
معاذ بكذب : نماء قالتلي قبل ما تموت
رباح نظر إلي معاذ بتفكير
معاذ : ساعدنا . عمي قلقان عليها وحالته الصحيه صعبه
