👑اللهم اعني علي ذكرك وشكرك وحسن عبادتك 👑
الثالث والعشرين
.. .. ..
اتصل ضاحي بالطبيب وحدد ميعاد معه .. وبعدها ذهب الي بيت عمه ليخبره أن معاد الطبيب في الغد
عندما سمع ليث صوته ترك كابر وذهب إليه لتتسع ابتسامه ضاحي : ليث كيفك
جلس علي قدمه : ال حمد . ل لله
قبل جبينه لتبتسم كابر : آذيك يا ضاحي
نظر لها بسعاده: الحمد الله بخير
بهاء : كابر يا بتي ، ضاحي بيقول أنه حجز عند دكتور بكره إن شاء الله
جلست كابر معاهم : ليث بيروح عند دكتور بيتابع حالته
ضاحي : الدكتور اللي بقولك عليه استشاري كبير وشاطر تعالي نجرب و أن شاء الله يكون سبب في شفا ليث
كابر: يارب . شكرا يا ضاحي
ضاحي : الشكر لله . مفيش شكر بينا . ليث انا بحبه كيف ما يكون ولدي
نظرت للاسفل . بهاء : قول العنوان وبكره نروح
ضاحي : انا هاخدكم لهناك . الساعه ٢ الظهر هكون عندكم
بهاء : متتعبش نفسك يا ضاحي
ضاحي : مفيش تعب يا جوز عمتي .
دخلت حواء ومعاها دواء القلب لتعطيه الي بهاء : مخدتش دواك يا بهاء ليه
نبس بصوت منخفض : كل يوم دوا دوا
ضحكت كابر : خد الدوا يا بابا
حواء جلست معاهم : كل يوم نفس الكلام . ما تاخد يا بهاء وانت ساكت
نبض قلب ضاحي علي ضحكه كابر ليبتسم بحب
ضم ليث له وقبل وجنته : كلت وله لا
ليث حرك رأسه بلا . ليزم شفتيه : وه ، مش احنا اتفقنا انك تسمع كلام ماما وتاكل
ليث : م مس جج حان ( مش جعان)
ضاحي ؛ أكده هزعل . العضلات مش بتكبر غير بالوكل
ليث : ه هتاكل م ع يا ( هنتكلم معايا)
ضاحي : هاكل . هاتي الوكل يا كابر
كابر وقفت بسعاده لأن ابنها يستجيب لضاحي : دقيقه
دخلت الي المطبخ وحواء خلفها ليجهزو الغداء
وبعد وقت كان يجلسون معا علي مائده الطعام وضاحي يطعم الصغير بيده
*****
في بيت منصور
كانت تلك الفتاه التعيسه تقف بخطوات متثقاله تقوم بإعداد الطعام قبل مجئ هذا الذي يدعي زوجها
