👑اللهم اجعل نفسي نفساً طيبه ، مطمئنه طائعه لك ، تؤمن بلقائك ، وترضي بقضائك ، اللهم ارح البال وسهل الحال 👑
الفصل الثامن
نظر منصور الي الطارق بانزعاج : خيرررر
رباح بادله النظره بملل : كل اما اروح مكان القيك في وشي
منصور : صدفه مش سعيده
رباح : شعور متبادل
سمعت كابر صوت رباح لتقترب من الباب: رباح
ضغط علي فكه بغيظ لماذا تنطق اسم رجل علي لسانها لينظر لها بغضب ولكنها لم تهتم
ابتسم رباح وقدم لها الورد : كيفك يا كابر
نظرت له بعتاب : الحمد لله علي كل حال ، اتفضل يا رباح .
علم أنها زعلانه منه ولكن ما كان بيده شئ هو لم يتخيل أن ضاحي سيتعامل مع نماء بتلك الطريقه
رباح : الف سلامه عليكي يا نماء
رفعت عينه له : الله يسلمك
تشعر بالاحراج الآن احمر وجهها بالكامل ونظرت لاسفل فأكيد يعلم ماذا فعل بها ضاحي ..
رباح شعر أنه غير مرحب به فالجميع يأخذ منه موقف ؛ انا كنت جاي اطمن عليكي
نماء : شكرا
رباح: محتاجه حاجه
ابتسمت له بحزن : شكرا يا رباح . كتر خيرك
بادلها الابتسامه .. كابر كانت تنظر له بصمت
ليقف: عن اذنكم ولو احتجتم لاي شي كلموني
شكرته نماء وخرج لتلحق به كابر ، منصور نظر اليها وهي تسرع خلف رباح بانزعاج، حاول أن يجلس هادي ء
كابر : رباح
وقف الاخر ونظر لها: نعم
كابر: هي دي الامانه ، مش قولتلك خلي بالك منها
رباح: واخلي بالها منها كيف
شتمت نفسها علي غبائها ماذا كان سيفعل رباح هل كان سيمنع ضاحي عنها
رباح تنهد: كابر انا اسف ،ضلحي مشكلته أنه لاغي قلبه وبيفكرك بطريقه جامده خاليه من اي مشاعر ..
كابر: انا اللي اسفه انت ملكش ذنب في حاجه ، بس زعلانه علي اللي حصل لنماء . انت يرضيك كده
رباح : يشهد الله اني كمان ميرضنيش اللي حصلها ، ووقفت قصدهم كلهم .
كابر: طيب لو ينفع تقنع ضاحي أنه يطلقها هي مش عايزه تكمل معاه
رباح تنهد: صعب يا كابر، ضاحي مش هيقبل بكده لا هو ولا جدك
كابر: ده ظلم وافتراء
رباح : خابر كل ده بس قبل ضاحي جدك هيرفض موضوع الطلاق وانتي مش عارفه ممكن يعمل ايه
