👑رب أشرح لي صدري ويسر لي امري 👑
الحادي والعشرين
.. عادت نماء الي البيت مع زوجها
جابر اتصل بمنصور. أخبره أن كابر تصر علي الطلاق. ليصر الآخر علي موقفه لن يطلقها وسيكون عقابها وخيم لأنها غادرت البيت بدون إذنه
جابر: كفاياك عاد اللي عملته فيها ، طلقها يا منصور
منصور : مش هطلقها ومحدش هيغصب عليا
جابر: انا بوك وبقولك طلقها معيزش اخسر اخوي وكفايه اللي عملته فيها وفي ولدك
منصور: قولها لو مرجعتش البيت زي ما مشيت من غير أذني هتجوز وعلي فرشتها
غضب ابيه : وقتها لهتكون ابني ولا اعرفك . كفايه ظلم . ده ربنا قال وعاشروهن بالمعروف
منصور : انا قولت اللي عندي يا بوي
جابر: قولها بنفسك . انا تعبت منك
اغلق الهاتف في وجه منصور .
الذي كان غاضب بسبب إصرار كابر علي الطلاق
اتصل بعمه .. بهاء : ايوه يا منصور
منصور : فين كابر يا عمي
بهاء : ملكش صالح بيها . كلامك معايا . طلقها يا منصور وكفايه عاد اللي عملته فيها .
منصور : انا مش هطلقها
بهاء : لا هطلقها انا قولت اللي عندي
سمعت كابر صوت والدها الغاضب : مين
بهاء : ده منصور
كابر بقوه : هات الموبيل يا بابا
اخذت الهاتف وردت عليه : عايز ايه يا منصور
منصور : ارجعي بيتك يا كابر وكفايه اللي عملتيه . ازاي تخرجي من غير أذني
كابر: لا والله ، كنت مفروض استني اموت ، إذن ايه يا ابو إذن .
منصور : لمي نفسك احسنلك وبلاش قله ادب
كابر: طلقني يا منصور . بعد اللي عملته طلقني انا استحمتلك كتير وخلاص فاض بيا
منصور : لو مرجعتيش عن اللي في عقلك ده . هتجوز عليكي وهجيبها في البيت
صرخت كابر به : اعمل اللي تعمله أن بكلمك بهدوء عشان في طفل بينا بس انت مصمم تكون اخرتنا مع بعض في المحاكم
منصور : مش هطلقك يا كابر واعلي ما في خيلك اركبيه وهتجوز عليكي واقهرك
اغلق الهاتف لتضع يدها علي عينها وتبكي ..
بهاء : لا حول ولا قوه الا بالله . معلش يا بنتي انا مخبرش ايه اللي حصله . باين أكده اتجنن
كابر: هو علي طول كده يا بابا. لو قولت حاجه بيعمل عكسها وخلاص . مستحمله طول السنين دي . بس خلاص تعبت . انت شايف ابني بقي عامل ازاي . الولد نفسيته تعبت وبقي مش بيتكلم كويس وبيحلم بكوابيس ، مش عايزه ارجع له يا بابا لو بتحبني خليك معايا
