👑 اللهم إني أعوذ بك من قلب لا يخشع، ودعاء لا يُسمع ومن نفس لا تشبع، ومن علم لا ينفع، أعوذ بك من هؤلاء الأربع👑
السابع والعشرين
..
قرر معاذ أنه سيوفر بيت لزوجته فهو يحبها ولا بقدر علي فراقها أكثر وان هذا انسب حل ليبعدها عن المشاكل مع والدته
عاد الي البيت ليبلغ والديه بهذا القرار
دخل وجلس بعد أن ألقي عليهم التحيه
جابر: كنت فين يا ولدي
معاذ: كنت عند نماء والولاده يا بوي
جابر: ربنا يهدي حالكم. محاولتش تصلح الأمور
عبير: تغور . اسمع كلامي وانا اجوزك احسن منها
تنهد : انتي خابره اني عحب مرتي واستحالة اتجوز غيرها .. وبعدين يا ما انا عرفت باللي عملتيه مع نماء ليه تضربيها
عبير: دي كدابه
معاذ: زينه هي اللي قالتلي
سكتت عبير قليلا : علموها الكدب هي كمان
جابر نظر لها ولاحظ كذبها : عملتي أكده ليه يا ام منصور
عبير: مش طايقاها ، بعد اللي اختها عملته وطلعت قليله الأصل واطلقت من منصور وهو في ظروفه دي
جابر: ابنك هو الغلطان . اسكتي انتي متعرفيش حاجه
عبير: اي راجل يضرب مرته تطلق أكده
جابر تنهد . معاذ حكي لوالدته عما فعله منصور لعمه وكيف مات بسببه
لم تصدق أنه فعل هذا. تنهد ونظر الي والده : انا هاخد شقه واسكن في مكان تاني.
عبير: عايز تمشي انت كمان. خلاص لعبت في دماغك
جابر: اسكتي يا عبير ، اعمل اللي انت عايزه يا ولدي .
معاذ: ربنا يخليك ليا يا بوي .
خرج معاذ من الدار. وعبير لطمت وجهها : ابنك ماشي ورا مرته ، ملوش كلمه عليها
جابر: سبيه يعيش حياته. انتي السبب لو كنتي رعيتي ربنا فيها وعملتيها زي بتك كانت هتقعد هنا
زي ما كانت قاعده بس انتي .. اقول ايه ربنا يهديكي. ويعدي الايام دي علي خير . القيها منين وله منين انا
******
بعد أسابيع وفر معاذ مكان آخر وجهزه بكل شئ.
ليتصل بنماء حتي تجهز نفسها لياخذها
كانت في غرفتها تجمع ملابسها بسعاده لتدخل كابر وجدتها تضحك
: ربنا يسعد قلبك دائما يا نماء
عانقتها نماء: ويسعدك يا كابر يارب . إن شاء الله قريب
نظرت لها. بتضحك نماء: مع ضاحي
كابر:؛ انتي بتقولي ايه يا نماء . مفيش الكلام ده . ضاحي بيعاملني زي بنت عمته
