حبك إلي وملكي

البارت 3

انثى 💜 ملائكيه

حبك إلي وملكي

اذا عجبتكم القصه نشروها على منصة خلي يشوفوها متابعينكم أو سوو تاكات واريد تصويت يوصل 200همتكم حبايبي 😘🥺

گليباتي تصويت قبل قرأة. تعليق بين الفقرات

لقاء شوف تعليقاتكم

حلم عشته أنه وياج
تصيرين ام بنيتي
تحمل جمالج كون
وابني يحمل شخصيتي
واغنيلج بسواجي الليل
هلا بالصارت أمريتي
وفينه احنه ابد منخون
ي بنت گلبي ي تربيتي

.
.
.

لقاء...بخجل ..كتله .موافقه تعال اخطبني بس شلون وشنودكول لأبوي لأن مستحيل اكوله اني احبك ع طريق الفيس ..

حيدر ..خليها عليه اني ادز صديقي علي ..

لقاء..تذكرت سولفلي عن صديقه قائد بجيش المهدي كتله ..اوك ..

حيدر...لقاء عندي شرط..

لقاء..بتوتر..شنو..

حيدر...اني ازوجج سر بس اول سنه وبعدها اخليها أمام امر الواقع ..

لقاء ....نصدمت وتعصبت بنفس الوقت جنت متمدده وكمت طفرت من مكاني ...شنووو شناقصني حتى اتزوج بسر لاا ما اقبل مستحيل ..

شتد نقاش وتعاركنه اخر شي حضرته ومسحت رقمه .

بقيت شهر على هالحال يخابر و يراسل وما اجاوب بأرقام غريبه يدك وهم ما أجاوبه

حيل اشتاقله واحن الى و گلبي يكلي وافقي وعقلي يرفض وتصير عركه بمشاعري وماعرف ويامن اوگف ...

ورى شهرين دگ رقم غريب جاوبت ..نعم ..

السلام عليكم انتي لقاء.

لقاء .وعليكم السلام اي نعم تفضلي....

لقاء... شلونج شخبارج ..

لقاء..تفاجأت بترحيبها الحار وكأنو تعرفني من زمان... تمام بخير تفضلي منو ..

أني ام هشام اخت حيدر ...

لقاء..شنوو ..

اني اخته لحيدر ..

لقاء...هلا شلونج شخبارج..

ام هشام.. الحمد لله گلبي لقاء شبيج وي حيدر...

لقاء...مابيه شي بس اخوج يريد يتزوجني بالسر واني هالشي ماقبل بي...

ام هشام...ياعيني ترى قصده بسر يعني مؤقت مجرد فتره يأجرلج بالبصره يم اهلج وفترة سنه يجيبج لبغداد ...

لقاء...اردفت بعصبية...تقبليها على نفسج لو على بنتج...

ام هشام...بهدوء ...لا تقارنين يا عيني انتو تحبون بعض صارلكم اسنين وهم بعد تردين تفارگي وتعوفي ترى حيدر يحبج وتعب من ورى حبج ...